【Conrad港麗酒店優惠】盎然春日下午茶限時85折！折後一至五一位用$296、兩位用$568；六、日及公眾假期一位用$304、兩位用$585 起

---

港麗酒店Conrad Hong Kong推出盎然春日下午茶限時網上商店85折優惠！3月31日前經網上預訂，折後星期一至五一位用$296、兩位用$568；星期六、日及公眾假期一位用折後$304、兩位用$585 起 (另加一服務費)。下午茶以時令士多啤梨入饌，製作一系列精美鹹甜美點！

---

【港麗酒店】盎然春日下午茶 – 限時網上商店85折優惠

港麗酒店樂聚廊以時令士多啤梨入饌，製作一系列精美鹹甜美點，送上煥然一新的「盎然春日下午茶」，配以清新士多啤梨特飲 (餐單)。

星期一至五 下午3時至5時30分
兩位用：原價$668，折後$568
一位用：原價$348，折後$296

星期六、日及公眾假期 下午3時30分至6時
兩位用：原價$688，折後$585
一位用：原價$358，折後$304

*另加一服務費 (以原價計算)

盎然春日下午茶包括以下鹹甜美點：
三明治：巴馬火腿墨汁包配蜜瓜、蟹肉三文魚子薄餅、三文魚他他青瓜杯
開胃菜：烤呑拿魚配士多啤梨及薄荷莎莎醬、燴牛面肉泡芙、蘆筍蘑菇撻
甜品：士多啤梨朱古力千層酥、羅勒士多啤梨餡餅、士多啤梨香草奶凍、士多啤梨沙巴翁
SCONES：原味及伯爵茶英式鬆餅配德文郡忌廉、自家製士多啤梨果醬及藍莓果醬

【優惠日期】即日起至3月31日

官網預訂一至五

官網預訂其他日子

---

【港麗酒店】現金券優惠

• $500 / $1,000 現金券，適用於住宿與餐飲，有效期為購買日起六個月內使用。

現金券優惠

條款及細則：

• • 有效期為購買之日起六個月並於使用時必須提前出示禮券。
  • 訂單完成後將發出附有二維碼的電子兌換券。所有產品必須於已選擇或已指定的日期、時間及地點換領，逾期作廢。
  • 所有產品不設退換。
  • 每件已購買的產品只限換領一次。香港港麗酒店並不會補發任何遺失或被盜用的訂單。
  • 希爾頓榮譽客會的餐飲折扣及獎分、Conrad VIP 、禮品卡或其他特別優惠不適用於此消費。
  • 如果所訂購的商品缺貨，香港港麗酒店保留以類似價值的商品替代訂單的權利。
  • 所有圖片只供參考，實際產品或因應供應或季節而有所更改。
  • 香港港麗酒店保留所有決策之權利。

---

【港麗酒店】Staycation入住報告

早前小編入住Conrad一直都好受歡迎嘅A Peace of Mind套票，而且仲試埋秋季新tea！套票$1,700 起 (另加一) 包房內或自助早餐同$700消費額！

山景房間

一入房見到山景房景色都算開揚，乾淨企理，好開心入房仲見到有Conrad小熊！雖然床架有少少高，細粒女仔上落就無咁方便，不過軟硬適中都好好瞓。浴室唔細都分開哂間隔廁所／沖涼／浴缸位，仲有部小電視，最開心浴缸有小鴨公仔陪浸浴。

▼山景房間

▼山景房間

▼山景房間

▼港麗小熊

▼浴室

秋季下午茶甜點有酥脆嘅烤焦糖肉桂蘋果，少少柚子香的74%有機朱古力慕斯，其中小編最愛糖漬甘栗泡芺，本身鍾意食甘栗同埋上面栗蓉唔會太甜，不過朋友唔係好接受到其中羊奶芝士加焦糖迷你梨，因為太搶焦糖同梨味道。另外重點係最後西班牙黑松露巴斯克焦香芝士蛋糕burnt cheese cake，送到黎有專人將新鮮黑松露刨喺表面，集芝士及黑松露香上加香呀！

▼秋季雙人秋色松露下午茶

當晚用埋credit係房叫room service晚餐，試咗海南雞飯同一款有兩種牛肉嘅拼盤，落order後好似大半小時就送到，成架餐車推入房都唔迫，海南雞飯俾咗雞脾所以夠滑，牛肉拼盤嘅其中一款牛頰肉都夠哂腍好好味。

▼海南雞飯

▼牛肉拼盤

早餐

套票包雙人早餐，我同朋友揀係房食，前一晚叫定第二朝好準時送上門，兩份餐都好新鮮同夠熱！我自己就食中式，朋友就經典美式。中式個粥份量比平時湯碗再大，有齊咸酸配料送粥食，點心有燒賣蝦餃同包。美式早餐正常發揮，個炒菇好香，睇相都知份量唔細，一早起身真係食唔哂！

▼房內早餐

▼房內早餐

服務及總結

星期日去check in 時都幾多人，但staff好快寫張紙叫我等約半小時，知道我地會食tea就提議我同朋友先去食，再等人流無咁多再去拎房！係lobby lounge同check in時酒店staff都好友善有問必答，同埋package性價比咁高，包早餐同credit，唔怪得咁多人去住！朋友想再去食意大利餐間nicholinis或brasserie試試野食，下次等佢訂再請我去先！

▼大堂

Conrad Hong Kong 香港港麗酒店

• 地址：香港金鐘道88號太古廣場 (地圖)
• 電話：2521 3838
• 香港港麗酒店官網