歷山酒店Hotel Alexandra Hong Kong已於2021年年尾正式開幕啦!最新優惠全包價$1,518 起包早餐、花膠鮑魚海鮮套餐、甜品,可以限量搶升級至女王套房及梅花海景客房。酒店位於北角海旁,設計採用維多利亞歐式宮廷風格,大量的水晶燈佈置突顯奢華,十足十澳門啲五星級酒店,非常啱打卡。
【歷山酒店】連雙人早餐、花膠鮑魚海鮮套餐、甜點組合!限量搶升級至女王套房及梅花海景客房
- 一晚歷山酒店方塊客房連服務費$1,518 起;五至日、公眾假期及前夕$1,683
- 限量搶每個入住日首 2 間免費升級至女王套房及首 3 間梅花海景客房
- 雙人早餐
- 雙人花膠鮑魚海鮮套餐
(蟲草花螺頭燉雞湯、原隻鮑魚扣花膠、百花炸蟹鉗、星洲胡椒蝦、蒜香鴨肝牛柳、魚湯浸杞子上湯娃娃菜、海皇西施泡飯、蛋白杏仁茶、中國茗茶)
另設特色中餐包括:養生老火湯、台式鹽酥雞、四川水煮魚等 或西式套餐:主菜可選炭燒澳洲肉眼扒配紅酒汁 / 慢燒香草春鷄配燒汁 / 香煎盲曹魚枊香煎盲曹魚配白酒牛油汁
- 雙人甜點組合
- 延遲退房至下午2時
- 免費使用健身室及游泳池 (視乎供應情況及最新香港特別行政區政府指示而定)
【優惠日期】7月27日22:00至8月3日23:59
【入住日期】8月1日至10月31日
▼雙人甜點組合
▼方塊城景客房 (Diamond City View Room) 典雅精緻,享有維多利亞港或城市景色,配備寢具及工作枱
▼梅花海景客房 (Clover Harbour View Room) 簡約明亮,配備寢具及沙發床,坐擁維多利亞港或迷人都市景色
▼女王套房
▼歷山酒店餐廳
▼酒店大堂
▼歷山宴會廳
▼歷山酒店 Hotel Alexandra
以設計為主導的歷山酒店位於港島北角臨海地段,前迎維多利亞港,距離港鐵炮台山站只需約2分鐘步程。酒店設計將現代格調融入維多利亞時期的永恆歐式經典,力臻展現個人化服務及貼心設施的完美結合。
入住體驗
今次喺開幕日就去咗酒店試住,一齊睇下酒店到底係點啦!由炮台山地鐵站過條橋行大約5分鐘就可以到歷山酒店,但去到之後落電梯先知原來個門口係餐廳入口,大家落到去都唔洗驚訝,呢個入口係無錯㗎!一入到去的確同官方相一樣咁華麗,超級華麗歐式宮廷feel,同其他本地酒店截然不同。
▼歷山酒店大堂
編輯住嘅係「梅花海景房」,客房同酒堂大堂嘅感覺完全唔同,設計行簡約明亮路線,配備一張透明檯同沙發床。客房面積約 226平方呎,官方話可以3人入住,但個人認為2個已經好盡,因為間房真係細。海景只佔一半,大部分都係對住民居,而且真係好近,編輯當日近距離見到佢哋係露台掛衫!房內Mini Bar提供屈臣氏蒸餾水、本地品牌茶包同咖啡。浴室嚟講都幾細,門後係企缸。好嘅地方就係佢啲嘢真係好新淨,毛巾都係未用過唔索水個隻。而且一入到房完全無個啲裝修油漆味,正正常常。
▼歷山酒店 梅花海景房
▼歷山酒店 梅花海景房
▼配備一張透明工作檯及沙發床
▼窗口景觀 – 好近民居!
▼維港海景位
▼房內提供屈臣氏蒸餾水、本地品牌茶包同咖啡等等
▼浴室
▼浴室 企缸
早餐就落返去大堂隔離嘅歷山餐廳食,朝早7:30至10:00有半自助早餐,供應果汁、乳酪、麵包、中式粥麵同生果等等,仲有即叫即製蛋,可以自選配料:雞肉腸、煙肉、烤薯及焗豆。
▼歷山餐廳提供半自助早餐,早上7:30至10:00,有即叫即整蛋 (可配搭雞肉腸、煙肉、烤薯及焗豆)
▼歷山餐廳
總括而言,雖然華麗嘅酒店大堂同佢啲房完全兩個風格,但酒店服務員喺首住日都非常熱心,好主動行埋嚟問你有咩需要同帶路。而且大堂點影都咁靚,仲特設咗好多座椅同花俾大家打卡影相,本地酒店好少有呢種歐式宮廷風嘅酒店。房間簡約新淨,不過真係細咗少少同埋得一半海景真係唔太收貨。半自助早餐款式好少,未來會變成全自助早餐,希望陸陸續續會有更多美食揀啦!