富麗敦海洋公園酒店 Fullerton Ocean Park Hotel 繼上次海景房連早餐減價之後，今次又有新野！開業初期一直火熱，一房難求。但係隨著天氣漸涼，房價同預訂難度一同大幅下滑，前排減到每晚$2,000連早餐，宜家每晚$2,350 包自助晚餐同早餐，變相再減價。不過，呢個價錢差唔多可以買到兩張曼谷來回機票，甚至係一張日本來回機票，唔知大家又會點選擇呢？
【富麗敦海洋公園酒店】海景房＋自助晚餐＋早餐優惠
- 海景客房每晚$2,350 起
- 雙人自助晚餐
- 雙人自助早餐
【預訂日期】即日起
【入住日期】即日起至2023年2月28日
▼海景房包雙人自助晚餐、早餐，每晚$2,350 起
【富麗敦海洋公園酒店限時優惠】海景房優惠
- 海景客房每晚$1,471 起
- 另加每位$361 (另加一) 享用自助早餐
【預訂日期】即日起
【入住日期】即日起至2023年3月31日
富麗敦海洋公園酒店係正水上樂園門口隔離，又可以坐專用巴士去返海洋公園。小編覺得第一日去玩水，夜晚返酒店沖身；第二日再玩埋海洋公園 (每張$360) 都得呀！
【TopCashback】額外回贈10%
外國回贈網站TopCashback，有美國同英國版本，不時都推出日常生活、旅遊等限定額外回贈優惠！如果你訂酒店既時候無岩用既折扣優惠碼，可以試用呢個方法訂。只要申請成為會員，再經佢地上商戶官網進行預訂，就可以有額外回贈。訂購過程同平時無分別，只係訂之前要TopCashback入去商戶官網，只係click多一下就有額外回贈！
下次訂購之前，不妨上呢兩個網站搵下有無相關商戶做梗優惠。提提你，兩地網站有時折扣會有所不同。好似小編寫既時候，Expedia係TopCashback英國版有10%回贈、而美國版只係得6%。即使未有心水套票，都可以登記左先，將來其他商戶有優惠或心水既時候就可以有回贈啦！
▼例子：經過TopCashback英國上Expedia官網預訂，大約1小時後，10%回贈已經顯示係TopCashback系統內，計埋回贈，即係實際比左 £286.77 (~$2,736連服務費)。
▼呢期TopCashback做梗Expedia 10%回贈 (回贈不定期會變)
留意因為 TopCashback 會用 Cookies 去作追蹤，使用無痕模式有機會track唔到。而安全起見，即使係同一網站做幾個預訂，小編都會再上 TopCashback 先入官網。
最後可以用 PayPal 將 TopCashback 內的美金轉到指定銀行，亦可以變成多家商戶既現金劵 (包括Hotels.com、Adidas等) 都可以！
小編實測：新開業Fullerton天氣漸涼減價值得住？
今年暑假先開既富麗敦海洋公園酒店，頭幾個月一直火熱，一房難求。但係隨著天氣漸涼，房價同預訂難度一同大幅下滑，由原本三千幾淨房，去到宜家二千頭包早餐。
▼富麗敦海洋公園酒店泳池
由海洋公園站可以坐酒店穿梭巴士直達酒店，交通都算方便，不過預左三餐係入面食，因為夜晚未必咁易call到的士出去，或者可以行大約25分鐘出去黃竹坑。
▼富麗敦海洋公園酒店Shuttle Bus
作為新型度假酒店，室內室外都都有唔少打卡位，的確有啲似去左外國咁。即使未去到旅行，黎呢度仲可以扮去旅行一解旅遊癮！
▼富麗敦海洋公園酒店大門
▼富麗敦海洋公園酒店禮賓部
▼富麗敦海洋公園酒店打卡位
酒店最大賣點當然係超級無敵打卡泳池！宜家入住率咁低既情況下，好易影到靚既打卡相！但係要留意，泳池只開到5點，因為泳池無提供暖水 (Jacuzzi除外)，3點之後唔少人落水影兩三張相就要上水了。如果冬天住酒店想游水唯有揀室內或提供暖水既泳池，可以睇呢篇：【酒店泳池2022】必去打卡之選！香港11大酒店打卡泳池推介
▼富麗敦海洋公園酒店泳池
▼富麗敦海洋公園酒店泳池
酒店全部房間都望到海景，房間沙發位置巧妙地利用全身鏡增加房內海景，在日光下睇落好治癒！但係去到夜晚，因為海上完全無燈既關係，窗外完全係黑色咩都睇唔到。另外有別於其他酒店，Fullerton提供環保水樽，可以去同層水機refill。
▼富麗敦海洋公園酒店海景房
▼富麗敦海洋公園酒店海景房
▼富麗敦海洋公園酒店海景房
▼富麗敦海洋公園酒店海景房
▼富麗敦海洋公園酒店浴室
大堂Lighthouse Lounge提供三層架下午茶，兩位$628 (另加一)，以五星酒店黎講唔算貴，但係賣相未去到可以好想打卡既地步，好在環境搭夠，客人不多坐得舒服。至於服務，有心理準備要調至度假村水平，由下單到食物上枱需時大約半小時，外賣打包約15分鐘，不過既然黎度假，就試下放鬆腳步吧。
▼富麗敦海洋公園酒店Lighthouse Lounge三層架下午茶
▼富麗敦海洋公園酒店Lighthouse Lounge
早餐在Lighthouse Cafe供應，選擇多元化，中西式供應十足，雖然酒店有分三個時段，但由於人數不多，可以慢慢嘆返夠本！
▼富麗敦海洋公園酒店Lighthouse Cafe早餐
▼富麗敦海洋公園酒店Lighthouse Cafe早餐
▼富麗敦海洋公園酒店Lighthouse Cafe早餐
▼富麗敦海洋公園酒店Lighthouse Cafe早餐
酒店仲處於開業初期，理解營運上仲需時間調整，尤其係服務方面整個流程比硬件來得複雜。小編晚上打去前台詢問游泳池開放時段，被告知「其實枱上面有時間表」，幸好當知道枱面上無此物時，都肯將早上兩個時段告之。希望再次到訪時，可以見到脫胎換骨既一面。
▼富麗敦海洋公園酒店大堂
硬件黎講Fullerton的確無得輸！但係天氣涼左之後，最大賣點既泳池，大家只可以落一陣水打卡。大家開始plan梗外遊之際，同時估計下年春天之後，酒店有機會加返價。
▼富麗敦海洋公園酒店
冬天平啲住 vs 夏天貴返住 vs 去泰國飛返轉，你又會點揀呢？
▼海洋公園
▼水上樂園
富麗敦海洋公園酒店客房及套房
酒店設有兩座大樓，共提供425間客房及套房，12種房間類型選擇，每間客房及套房均擁有海景，設有親子主題房、而頂層更設有兩間特色私人室外泳池套房。
▼海景客房377 平方呎
▼海景客房浴室
▼豪華海景客房398 – 452 平方呎
▼豪華海景客房
▼高級豪華海景客房398 – 420 平方呎
▼高級豪華海景客房
▼露台全海景客房549 平方呎
▼露台全海景客房浴室
▼智能露台全海景客房549 平方呎
▼智能露台全海景客房
▼富麗敦泳池套房，室内：1,302 平方呎 ｜室外：1,432 平方呎
▼頂層泳池套房，室内：1,292 平方呎 ｜室外：1,249 平方呎
酒店另有一系列親子主題房，包括熊貓、海盜、獨角獸、侏羅紀等！
- 熊貓主題客房452 平方呎
- 人魚公主主題客房398 – 463 平方呎
- 香港獵奇主題客房398 – 441 平方呎
- 海盜主題客房398 平方呎
- 獨角獸主題客房398 平方呎
- 深海侏羅紀主題客房398 平方呎
▼親子主題房
▼親子主題房
酒店餐廳
香港富麗敦海洋公園酒店設有5間特色餐飲-星耀廊、星耀廳、玉、沙嗲軒及Giardino意大利餐廳，在南中國海景旁享受頂級美食佳餚。
▼星耀廳Lighthouse Café位於1樓，供應全天候自助餐、各式各樣地中海和亞洲特色風味菜式、周末早午餐等
▼星耀廊Lighthouse Lounge，設計意念來自家中大廳，提供即磨咖啡、下午茶、蛋糕及雞尾酒等
▼玉Jade延續新加坡富麗敦酒店同名中菜廳，由米芝蓮星級行政總廚師傅主理，供應經典傳統粵菜、精緻點心、滋補燉湯、及新鮮海鮮等
▼富麗敦酒店品牌源於新加坡，沙嗲軒Satay Inn正好配合供應新加坡菜式的沙嗲軒，餐廳長廊更展出之新加坡和香港的歷史照片，穿越時空感受兩地昔日的風土人情
▼沙嗲軒
娛樂設施
酒店設施包括無邊際泳池、水療中心及健身室，亦設有兒童戲水池及室內兒童玩樂區等。
▼無邊際泳池
▼無邊際泳池
▼兒童戲水池
▼兒童玩樂區
▼健身室
▼水療中心
▼水療中心
▼平台花園
▼酒店門口
▼有免費shuttle bus 前往海洋公園港鐵站
▼酒店外觀
▼酒店外觀
▼海洋公園水上樂園
