日本係香港人鄉下,唔少人每年都會飛幾次日本,而東京一定會係大家最想去嘅日本城市之一,大家都準備好返家鄉未?小編幫大家整合咗幾間東京新酒店俾大家做定準備,有羽田機場、反斗奇兵新主題酒店、澀谷型格新酒店同國際品牌酒店,睇完記得搶定機票,Book埋酒店!
全新日本酒店|東京新酒店推介
東京澀谷英迪格酒店 (Hotel Indigo Tokyo Shibuya, an IHG Hotel)
IHG 酒店集團旗下品牌 – Indigo 全日本第四間分店開幕,今次選址係澀谷全新開幕嘅大型商場「道玄坂通 dogenzaka-dori」11至28樓,澀谷有幾咁多姿多彩同方便,除咗週邊多百貨公司、商場、餐廳同店舖之外,道玄坂通內仲有1至2樓設有商店街,仲有Donki第一間情熱價格專門店「DOMISE」!
▼東京澀谷英迪格酒店
Indigo 酒店一向以鄰里文化為品牌理念,今次澀谷新分店當然一樣以此為基礎!酒店設計加入大量街頭藝術、音樂元素同現代藝術品,附合澀谷一向活力、年輕嘅形象。酒店一共提供272間客房,客房以湖水綠色為主調,整個客房都充滿不同花紋圖案嘅家具及現代畫作,非常有個性。房內設置落地玻璃窗,日間天氣好的話,可以遠望晴空塔及富士山等,夜間可以觀望澀谷繁華城市景!
▼ 標準客房
▼ 尊貴客房
▼ 房內景觀
▼ 酒店露台
東京澀谷英迪格酒店 (Hotel Indigo Tokyo Shibuya, an IHG Hotel)
JR東日本大都會飯店Hotel Metropolitan Tokyo Haneda
羽田機場10月有新酒店啦!JR東日本大都會飯店 Hotel Metropolitan Tokyo Haneda 將會插旗進駐羽田機場大型複合設施Haneda Innovation City,並預訂於10月17日正式開幕!酒店有13種客房類型,整體風格低調沈穩,除了頂層有展望台可以遠眺機場,仲有餐廳Buffet、健身室、投幣洗衣房等設施。距離羽田第3航廈國際線只係一站距離,只要搭乘京急電鐵空港線或東京單軌電車,由天空橋站步行至酒店只要1分鐘。以後坐紅眼機到羽田,除了跟住小編之前深宵好去處行程外,亦多個選擇住機場新酒店!
▼JR東日本大都會飯店有13種客房類型
▼酒店進駐羽田機場大型複合設施Haneda Innovation City
▼由天空橋站步行至酒店只要1分鐘
JR東日本大都會飯店Hotel Metropolitan Tokyo Haneda
- 酒店地址:東京都大田区羽田空港1-1-4 HANEDA INNOVATION CITY ZONE A
- 交通:自天空橋站HICity出口步行1分鐘
- JR東日本大都會飯店網站
東京寶格麗酒店 Bvlgari Hotel Tokyo
23年4月4日開幕嘅東京寶格麗酒店 Bvlgari Hotel Tokyo,係寶格麗酒店及度假村旗下第8間酒店,亦都係日本第一間。酒店位於東京中城八重洲摩天大樓40-45樓高樓層,全部客房都可以飽覽東京市景觀,天氣好嘅日子去到酒店露台更加可以遠眺到富士山!
酒店提供房數不多,只有大約94間客房。酒店貫徹Bvlgari 珠寶品牌嘅高貴奢華形象,房間設計採用融合日本傳統元素的意大利現代風格,客房與套房一律採用 Maxalto、Flexform 和 B&B Italia 等高級意大利家具品牌。
▼東京寶格麗酒店 高級套房
位於40樓嘅25米室內泳池,可以一邊游水,一邊透過落地玻璃飽覽東京嘅超廣闊天際線!位於45樓更有多間高級餐廳及酒吧,包括Hōseki壽司餐廳、Il Ristorante – Niko Romito義式餐廳、壁爐酒廊、Bulgari Bar酒吧、Bulgari Dolci甜點店等
▼ 東京寶格麗酒店 室內泳池
▼ 東京寶格麗酒店 餐廳
▼ 東京寶格麗酒店 公共空間
東京寶格麗酒店 Bvlgari Hotel Tokyo
東京迪士尼度假區反斗奇兵酒店
係2022年4月開幕嘅東京迪士尼度假區反斗奇兵酒店,絕對係大家最想入住嘅新酒店Top 1!
疫情期間就算無旅客,酒店都經常Full Booking,簡直係一房難求啊!開關之後,一定要搶住訂房啊!
▼ 酒店外牆以Lego風格拼砌而成,以標誌性嘅藍天白雲做背景
▼ 酒店房依照住安仔嘅房間設計而成,無論牆紙、枱燈定係巨型米奇老鼠手錶都完美復刻
▼ 酒店內有一間以勞蘇做主題嘅 cafe,提供早晚自助餐,小朋友一定鍾意
東京迪士尼度假區反斗奇兵酒店
- 酒店地址:千葉県浦安市舞浜1-47 (酒店地圖)
- 東京迪士尼度假區反斗奇兵酒店網站
OMO3 東京赤阪 by 星野集團
星野集團旗下酒店都係以性格比高聞名,東京第三間新OMO酒店就係2022年落户係赤坂。
酒店臨近六本本酒吧區同唔少文青景點,仲有著名嘅日枝神社。
▼ 酒店一共有140間客房,雙人房面積闊落
▼酒店內並無餐廳,改以同周邊店家合作,推出住宿者限定套餐,推動赤坂嘅「料亭」文化
OMO3 東京赤阪 by 星野集團
- 酒店地址:4-3-2 Akasaka, 赤坂 (地圖)
- OMO3 東京赤阪 by 星野集團網站
All Day Place Shibuya
2022年4月開幕嘅型格澀谷新酒店,酒店由Muji酒店團隊設計,房內裝修簡約之餘,又夠闊落。
酒店係明治通同青山通附近,行街Shopping就夠晒方便啦!
▼酒店有多種房型,無論情侶或家庭都啱住
▼夜晚想搵個地方飲返杯,可以嘅Mikkeller Kiosk,試下不同產地嘅手工啤酒
All Day Place Shibuya
- 酒店地址:東京都澀谷區澀谷1-17-1 (地圖)
- All Day Place Shibuya 網站
LA VISTA 東京灣
Dormy Inn旗下新酒店,La Vista品牌一向選擇係日本名勝風景區開立溫泉旅館酒店,今次更加係首度落户東京市區。雖然酒店位於市區,但依然非常注重為客人提供頂級嘅溫泉體驗。
▼ 酒店位於東京灣人工島,附近就係豐洲海鮮市場
▼酒店客房比一般商務酒店大,就算4人家庭入住都唔會覺得逼夾
▼ 酒店最大特點,一定係頂樓嘅無敵夜景風呂,仲有其他唔同功效嘅溫泉設施俾你享受
LA VISTA 東京灣
- 酒店地址: 東京都江東区豊洲6-4-40 (地圖)
- LA VISTA 東京灣網站
東京蒙特埃馬納酒店
2022年7月開幕,位於東京站附近,地理位置極方便!酒店以江户風格設計,以木系風格為主調
▼ 酒店房以樸素風格為主,實木顏色突顯和式感覺
▼房間設有4K Smart Tv,唔出街都可以係房入面煲劇
東京蒙特埃馬納酒店
- 酒店地址:東京都中央區日本橋3-3-15難波船舶旅館
- 東京蒙特埃馬納酒店網站
MIMARU SUITES 東京日本橋
2022年9月開幕,距離人形町車站,僅步行2分鐘。MIMARU 係日本相當受歡迎公寓式連鎖酒店,所有客房都標榜可以放到兩張床或以上。
▼ 客房除左夠哂闊落之外,仲有洗衣機同廚房,一應俱全。
MIMARU SUITES 東京日本橋
- 酒店地址:東京都中央區日本橋堀留町2-10-9 (地圖)
- MIMARU SUITES 東京日本橋網站
東京酒店未有心水?不如睇下大阪新酒店又吸引到唔到你!仲有香港航空紅葉季機票優惠,記得要搶啊!