HK Express優惠|HK Express機票優惠|HK Express 日本優惠|香港快運 HK Express 於12月15日起加開福岡凌晨機,每星期五班,早上7時抵達福岡!最近再減福岡票價,輕便飛去程$250起、回程$150起,來回連稅 $1,675 起;訂隨心飛包來回20行李連稅$1,975 起!去程視乎日子可以揀凌晨機或中午機,回程$150只限早機,加多一百就可以揀午機返。其他日本機票優惠可以參考港航、ANA、日航、大灣區等都有優惠!
【HK Express日本優惠】12月15日起新增凌晨機!福岡連稅1千6起,包行李連稅1千9起!
香港快運於12月15日起加開福岡凌晨機,每星期五班,早上7時抵達福岡!最近再減福岡票價,輕便飛去程$250起、回程$150起,來回連稅 $1,675 起;訂隨心飛包來回20行李連稅$1,975 起!
另外於12月15日起,逢星期一、二、四、五及日加開香港往返福岡航班,部分日子增至每日5班來回!新增凌晨機02:55由香港出發,07:10抵達福岡,回程08:10起飛、11:05抵港。想玩盡福岡,可以自由配搭凌晨去、晚返航班!新增班次暫定營運至2027年3月26日。
【預訂日期】即日起
【出發日期】即日起至2027年3月31日
以上價錢未包行李費用,需要另加行李:
- 行李寄艙費用:20kg 每程$310,32kg 每程$430
- 網上後加行李:20kg 每程$380,32kg 每程$510
超出重量限制的行李將被收取$120/公斤的費用,單一行李重量不能超過32公斤。每件行李最大尺寸限158厘米 / 62吋 (⾧+寬+高)。
▼ 經我們測試,27年3月5日至3月15日出發,HK Express 來回福岡連稅$1,675 起,包20kg行李連稅$1,975 起。

▼ 於12月15日起,逢星期一、二、四、五及日加開香港往返福岡航班,部分日子增至每日5班來回!新增凌晨機02:55由香港出發,07:10抵達福岡,回程08:10起飛、11:05抵港。

凌晨機最大好處係朝早已經到達福岡,可以先去博多食個早餐,再開始行街、食拉麵或者安排一日遊。福岡機場距離市中心非常近,由機場國內線客運大樓乘地鐵去博多只需約5分鐘,去天神亦只需約11分鐘。
福岡除咗係日本九州嘅購物及美食天堂,冬天仲有唔少值得去嘅地方!如果計劃12月飛福岡,可以順道去2026年聖誕市集睇燈飾;1月至3月出發亦可以安排天神購物、美食之旅。
福岡 Christmas Advent 2026|博多站聖誕市集
福岡冬季最受歡迎活動之一「Christmas Advent」聖誕市集於2026年再次登場!今年福岡多個地點都有大型聖誕市集,包括 JR博多站前廣場、天神中央公園及福岡市役所前廣場等。現場有歐陸風格聖誕小屋、燈飾、特色美食及熱飲,充滿聖誕氣氛,夜晚打卡一流!
其中 JR博多站前廣場聖誕市集由2026年11月7日至12月25日舉行,交通非常方便。如果12月15日乘 HK Express 新凌晨機抵達,當日夜晚就可以去行聖誕市集!
活動日期: 2026年11月7日至12月25日(博多站前廣場)
地點: JR博多站前廣場
官方資訊: Christmas Advent 2026

ONE FUKUOKA BLDG.|天神大型新商場+2026聖誕打卡
2025年4月開幕嘅 ONE FUKUOKA BLDG. 已經成為福岡天神區最新購物地標之一。商場集購物、餐飲、酒店及藝術空間於一身,約130間商店及餐廳進駐,包括多間首次登陸九州嘅品牌,非常適合去福岡掃貨!
而今年商場更會舉辦「ONE FUKUOKA BLDG. XMAS 2026」,由11月20日至12月25日期間設置特色聖誕裝飾,包括以玩具屋為主題嘅藝術聖誕樹,去天神行街時可以順道打卡!
活動日期: 2026年11月20日至12月25日
地址: 福岡市中央區天神1-11-1
交通: 地鐵天神站直達
官方資訊: ONE FUKUOKA BLDG.

去福岡除咗購物,當然唔少得食好西!福岡以博多豚骨拉麵、明太子及牛腸鍋最出名,冬天去更加適合食熱辣辣嘅料理!
博多もつ鍋こうづき本店|2026年新開幕牛腸鍋餐廳
冬天去福岡一定要試博多牛腸鍋(Motsunabe)!「博多もつ鍋こうづき」於2026年1月26日正式開設新本店,位於福岡藥院區,主打博多特色牛腸鍋,亦有新鮮魷魚刺身及其他特色料理。牛腸鍋用牛內臟配上韭菜、高麗菜、蒜頭及濃郁湯底烹煮,冬天食非常暖胃,適合朋友或者一家人一齊享用!
地址: 福岡市中央區藥院2-14-29
官方資訊: 博多もつ鍋こうづき

博多豚骨拉麵+明太子|福岡必食經典美食
福岡係博多豚骨拉麵發源地之一,以濃郁豚骨湯底配幼身拉麵聞名。當地亦有不少屋台(路邊攤檔),夜晚可以去天神或中洲一帶體驗福岡特色屋台文化,食碗熱辣辣拉麵,再配串燒同關東煮,非常有日本地道風味!
另外,明太子同樣係福岡必食名物,除咗經典明太子飯,當地亦有明太子烏冬、明太子多士等不同食法。去博多同天神購物時,不妨順道試吓!

▼HK Express 推出4種票價,小編同大家詳細分析新票價有咩好,有咩唔好!
HK Express福岡優惠常見問題 FAQ
Q1:HK Express香港飛福岡來回機票幾錢?
A1:今次去程單程低至HK$250、回程HK$150起,未包括稅項。以公開票價示例計算,「輕便飛」來回連稅HK$1,675起;「隨心飛」包20kg寄艙行李,來回連稅HK$1,975起,實際票價視乎航班及出發日子而定。
Q2:HK Express福岡凌晨航班幾時開始?
A2:全新 UO866 凌晨航班由2026年12月15日起至2027年3月26日期間指定日子營運,凌晨02:55由香港出發,早上07:10抵達福岡,逢星期一、二、四、五及日提供服務,實際以航空公司安排為準。
Q3:HK Express福岡平機票包唔包行李?
A3:最平「輕便飛」票價只包括1件7kg以內隨身物品,不包寄艙行李。「隨心飛」則包括1件7kg以內隨身物品及1件20kg寄艙行李,如果打算去福岡買手信,可以考慮包行李票種。
Q4:凌晨機抵達福岡,方便去市中心嗎?
A4:福岡機場距離市中心非常近,由國內線客運大樓乘地鐵去博多約5分鐘、天神約11分鐘。但國際航班抵達後,需要先從國際線客運大樓乘免費接駁巴士去國內線客運大樓轉乘地鐵。若酒店未能提早入住,建議先寄存行李再開始行程。
HK Express日本航點
現時HK Express提供最多直飛日本航點*選擇,包括東京 (羽田/成田)、大阪、名古屋、福岡、高松、廣島、仙台、沖繩、石垣、小松等,連同國泰航空飛往東京 (羽田/成田)、大阪、名古屋、福岡等大城市,整個集團佔超過一半香港至日本航線份額。
*靜岡及下地島 (宮古) 現已停飛

HK Express介紹
香港快運航空(HK Express)為國泰集團旗下低成本航空公司,亦是通過國際航空運輸協會運行安全審計(IOSA)的註冊航空公司。HK Express連續12年獲國際航空評級機構AirlineRatings頒發「七星安全評級」,更於2025年成為全球首間獲頒最高級別「七星PLUS安全評級」的低成本航空公司。
香港快運於2026年更榮獲AirlineRatings評選為「全球最佳低成本航空公司」及「全球最安全低成本航空公司」雙料冠軍,其中安全排名連續兩年位居全球第一。作為國泰集團成員,香港快運自2013年轉型為低成本航空公司以來,累計接載超過3,500萬名旅客。
▼ 香港快運航空 HK Express

