fbpx
Flyday.hk 低成本旅遊情報網
Home 旅遊資訊 【東京成田機場交通攻略】東京自由行必睇!2022成田機場出市區交通方法整合!N’EX成田特快、京成電鐵Skyliner、利木津機場巴士介紹!

【東京成田機場交通攻略】東京自由行必睇!2022成田機場出市區交通方法整合!N’EX成田特快、京成電鐵Skyliner、利木津機場巴士介紹!

by Flyday.hk
0 comment

日本終於開關啦!相信唔少人已經預訂咗去東京嘅機票,出發之前記住睇咗日本自由行懶人包先。事隔幾年無去過旅行,可能大家已經忘記咗點樣由機場出市區,就等呢篇文章幫你溫故知新啦。東京有羽田、成田兩個機場,成田機場以國際航班為主,航班班次亦較密集,相信係大部分旅客嘅首選。上一篇文章為大家整合咗三種由羽田機場出發去東京市區的交通方法,今次小編整理咗三種由成田機場前往市區嘅交通方法及車票價錢,分別有N’EX成田特快、京成電鐵Skyliner及利木津機場巴士,俾大家參考邊種交通最合適!


【日本開關】2022年日本自由行懶人包 一文睇清最新入境文件、日本認可疫苗名單、MySOS 及 VISIT JAPAN WEB 申報教學

【NEX成田特快】

N'EX成田特快

乘搭N’EX成田特快可以由成田機場直達東京市區及郊區嘅各大車站,例如東京、澀谷、新宿、品川、橫濱,每半個小時至一個小時一班車。前往東京站大概需時53分鐘。其賣點在於無須轉車一車直達東京站,因而成為好多遊客嘅熱門選擇。

N’EX成田特快路線圖N'EX成田特快 路線圖乘搭N’EX成田特快到東京站嘅成人單程票價為¥3,070 (約$173),到品川、澀谷、新宿為¥3,250 (約$183),到橫濱為¥4,370 (約$247)。

N’EX成田特快價錢

N'EX成田特快 票價

N’EX成田特快推出東京站來回成田機場套票,成人票價為¥4,070 (約$231),可於14天內往返東京站和成田機場一趟。往返東京站同成田機場嘅正常票價為¥6,140 (約$349),使用呢個來回優惠可以節省¥2,070 (約$118),因此小編推薦選擇乘搭N’EX成田特快嘅遊客購買呢個來回套票。套票可於成田機場JR售票處官方網站購買。

N’EX成田特快東京站來回成田機場套票

N'EX成田特快 來回


【日本平機票】ANA全日空成田航線回復至每日一班!來回每位低至$3,150 起!包兩件23KG行李!

【京成電鐵Skyliner】

京成電鐵skyliner京成電鐵Skyliner可從成田機場直達上野、日暮里、青砥、新鐮谷,每20分鐘就有一班車。它的賣點是日本國內除了新幹線外速度最快的電車,從成田機場到日暮里只要36分鐘,到上野只要41分鐘,因此也是一種快捷省時的交通方法。

京成電鐵Skyliner路線圖

京成電鐵skyliner路線圖京成電鐵Skyliner嘅成人單程票價為¥2,300 (約$130),來回為¥4,480 (約$253)。車票可於成田機場售票處、京成電鐵Skyliner官方網站KKDAY購買。

經KKday預訂

 

京成電鐵Skyliner車票價錢

京成電鐵skyliner車票另外,京成電鐵Skyliner亦設有包含24小時、48小時、72小時東京地鐵車票套票,適合一天內多次乘搭東京地鐵嘅遊客購買。套票可以喺成田機場售票處、京成電鐵Skyliner官方網站Klook購買。

經Klook預訂

 

  • 成人Skyliner單程+24小時地鐵:¥2,890 (約$163)
  • 成人Skyliner單程+48小時地鐵:¥3,290 (約$186)
  • 成人Skyliner單程+72小時地鐵:¥3,590 (約$203)
  • 成人Skyliner來回+24小時地鐵:¥4,880 (約$275)
  • 成人Skyliner來回+48小時地鐵:¥5,280 (約$298)
  • 成人Skyliner來回+72小時地鐵:¥5,580 (約$315)

京成電鐵Skyliner+東京地鐵車票套票價錢

京成電鐵skyliner東京地鐵套票


小編直擊:11月新開幕日本吉卜力樂園|一票難求!門票超難買|一文睇晒3大園區神還原《千與千尋》、《龍貓》經典場景

【利木津機場巴士】

利木津機場巴士 limousine bus

巴士車費較貴,以新宿站為例,成人票價¥3,200 (約$181)車票可於成田機場利木津巴士櫃檯或KKDAY購買。於KKDAY購買車票會平啲,成人單程$175,來回$254。

成田機場嘅機場巴士路線非常多,可直達新宿、日本橋、銀座、日比谷、六本木、池袋等東京市區各地,並直接停靠多個熱門酒店門前。大家可以喺利木津巴士官方網站查詢由成田機場出發到各個巴士站嘅時間表及價錢。

經KKday預訂

 

除咗價錢最貴之外,巴士需時亦較鐵路長。以成田機場出發去新宿為例,乘搭利木津巴士需要將近兩小時,如果乘坐N’EX成田特快只需90分鐘

雖然價錢最貴而且車程最長,但若果一家大小出發、或者攜帶大件行李,唔想拖著行李上落樓梯轉車嘅話可以選擇乘搭。另外,深夜需要出入機場亦可選擇!


【全新日本酒店】東京新酒店推介!反斗奇兵新主題酒店!澀谷型格新酒店!

綜合比較

優點 缺點
N’EX 成田特快 – 中間價位

– 直達東京、新宿、橫濱等地區

-班次較密

– 如果要去其他地區,有機會要轉乘電車或巴士,如拖著大型行李、有老人及小孩隨行較唔方便
京成電鐵Skyliner – 價錢最實惠

– 直達上野、日暮里、青砥、新鐮谷

– 如果要去其他地區,有機會要轉乘電車或巴士,如拖著大型行李、有老人及小孩隨行較唔方便

– 較少目的地可選擇

利木津機場巴士 – 如拖著大型行李、有老人及小孩隨行較方便

– 較多目的地可選擇

-可直達熱門酒店門口

– 深夜也有班次

– 價錢最貴

– 車程時間較長

 

以價格黎講,京成電鐵Skyliner價錢最實惠,又可快速直達上野,可惜目的地選擇唔係太多。若前往東京、新宿、池袋等地區嘅話,小編會建議乘坐N’EX 成田特快,班次較密而且一車直達東京站,無須專車。但如果要喺夜間乘車、有老人及小孩隨行或者攜帶大型行李,利木津機場巴士可能係較好嘅選擇。

相關優惠

發佈留言

This site uses Akismet to reduce spam. Learn how your comment data is processed.