fbpx
Flyday.hk 低成本旅遊情報網
Home 旅遊資訊 #小編出走:2020年落成沖繩酒店!室外天然溫泉、飲品放題、拉麵宵夜時段、距離國際通5分鐘步程!沖繩逸之彩深層溫泉酒店|試住報告

#小編出走:2020年落成沖繩酒店!室外天然溫泉、飲品放題、拉麵宵夜時段、距離國際通5分鐘步程!沖繩逸之彩深層溫泉酒店|試住報告

by Flyday.hk
0 comment

自疫情以來第一次飛,小編相隔三年終於可以再嚟日本南部——沖繩!落機後由那霸機場出發,搭單軌電車到市中心嘅牧志站,行3分鐘左右就到小編今次入住嘅東瀛遊沖繩逸之彩深層溫泉酒店。呢間酒店於2020年12月建成,行5分鐘就到超人氣國際通。房價一晚港幣$800左右,近車站又近國際通,浸到天然溫泉,性價比高呀!黎緊去沖繩旅行會住返幾日那霸的話,可以考慮下住呢間,亦都可以買自由行套票又或者跟團㗎~


【日本開關】2022年日本自由行懶人包 一文睇清最新入境文件、日本認可疫苗名單、MySOS 及 VISIT JAPAN WEB 申報教學

咁耐無離開過香港,相信好多人對旅行都覺得有啲生疏,誇張啲講甚至唔記得咗點樣去旅行,小編都唔例外!去旅行做足準備,出發之前睇下沖繩攻略溫故知新先!

▼🇯🇵2022沖繩最強Q&A超詳盡攻略🌊|沖繩最佳季節🗓、自駕不自駕玩法🚗、最佳酒店位置🏨、必去景點📍、Shopping必行🛍、必食美食手信、冬天玩法etc.


【全新日本酒店】東京新酒店推介!反斗奇兵新主題酒店!澀谷型格新酒店!

一踏入酒店,大堂設計充滿著沖繩氣息,中間嘅沙石擺設、前枱後面嘅牆身以藍色玻璃堆砌,感覺就好似去咗沖繩海灘一樣,每日出入經過大堂都有種療癒感覺~

▼酒店大堂

沖繩逸之彩深層溫泉酒店Okinawa Hinode Resort & Hot Spring Hotel Lobby 酒店大堂

【榻榻米房間】

房間設計以和式簡約風格為主,床嘅區域地下有鋪設榻榻米,需要換左拖鞋先入去,就好似平時生活喺日本咁,將玄關同正室相隔開,感覺上好乾淨舒適~今次房間位於3樓,所以景觀就一般,望到嘅都係相鄰住宅。雙人床房200呎左右,兩人住都好夠空間,枕頭仲有軟硬兩面,床褥又舒適,小編每晚都訓得好好。除咗普通房型,酒店亦提供森林/海洋主題豪華房,設有獨立露天溫泉水按摩浴池,仲放到4張床,好適合一家大細或一班朋友每晚喺房慢慢浸浴~

▼酒店房間

沖繩逸之彩深層溫泉酒店Okinawa Hinode Resort & Hot Spring Hotel Room 房間

▼酒店房間

沖繩逸之彩深層溫泉酒店Okinawa Hinode Resort & Hot Spring Hotel Lobby Room 房間5

▼酒店房間

沖繩逸之彩深層溫泉酒店Okinawa Hinode Resort & Hot Spring Hotel Room 房間

森林/海洋主題豪華房

沖繩逸之彩深層溫泉酒店Okinawa-Hinode-Resort-Hot-Spring-Hotel-Room 其他房型

獨立露天溫泉水按摩浴池

沖繩逸之彩深層溫泉酒店Okinawa-Hinode-Resort-Hot-Spring-Hotel-Room 其他房型

【酒店餐飲】

自助早餐時段為早上7點至10點,酒店自助早餐驚喜地相當豐富,有各款前菜、熟食、刺身、壽司、湯飯、麵包等。大人一位為¥1,800 (約$102),可帶一位12歲以下小朋友一齊食。另外,每日早上10點至晚上10點提供飲品放題,唔止有森永雪糕食,客人亦可以無限暢飲Orion啤酒﹑清酒﹑Highball等各式飲品,仲可以自己調酒。晚上8點半至9點半係拉麵宵夜時段,拉麵口味每日轉換,份量超輕盈,唔怕食滯。玩到攰返嚟可以上二樓抖抖,食碗輕量拉麵先瞓覺!

▼酒店自助早餐

沖繩逸之彩深層溫泉酒店Okinawa Hinode Resort & Hot Spring Hotel Buffet 自助早餐.jpg

▼酒店自助早餐

沖繩逸之彩深層溫泉酒店Okinawa Hinode Resort & Hot Spring Hotel Buffet 自助早餐

▼酒店自助早餐

沖繩逸之彩深層溫泉酒店Okinawa Hinode Resort & Hot Spring Hotel Buffet 自助早餐

飲品放題

沖繩逸之彩深層溫泉酒店Okinawa Hinode Resort & Hot Spring Hotel Buffet 24小時飲品放題2

拉麵宵夜時段

沖繩逸之彩深層溫泉酒店Okinawa Hinode Resort & Hot Spring Hotel宵夜拉麵

【深層水天然溫泉】

走到酒店二樓飯堂出面,會見到酒店最大賣點——露天室外溫泉!有別於一般公共溫泉或浴場,呢到可以男女共浸,著泳衣浸又可以,啱晒一家大細/情侶/一班朋友。溫泉係原地挖掘,所以溫泉水係原地抽取同埋完全天然!泳池就暫時關閉,4月至10月先開放返。二樓設有洗手間及更衣室,方便大家浸溫泉或游水後梳理下。需要洗衫可以去二樓提供嘅24小時免費洗衣服務,乾衣則需要額外收費~

▼露天室外溫泉

沖繩逸之彩深層溫泉酒店Okinawa Hinode Resort & Hot Spring Hotel 室外溫泉

▼室外泳池

沖繩逸之彩深層溫泉酒店Okinawa Hinode Resort & Hot Spring Hotel 泳池

▼二樓洗手間及更衣室

沖繩逸之彩深層溫泉酒店Okinawa Hinode Resort & Hot Spring Hotel 2樓更衣室

【其他服務】

若果想租車周圍玩,酒店亦提供豐田Toyota租車服務,可以直接喺酒店取車還車,check in完放好行李先攞車出發,相當方便。


【日本平機票】ANA全日空成田航線回復至每日一班!來回每位低至$3,150 起!包兩件23KG行李!

日本開關冇耐,相信大家第一時間都會諗去東京﹑大阪呢啲超超超人氣嘅日本城市先。正值旅遊旺季,如果想有渡假感覺,唔想有太多遊客嘅話,小編強烈建議沖繩俾大家! 睇完酒店review,如果大家想知道小編去咗邊度玩嘅話,記住睇埋2022沖繩景點合集如果對呢間溫泉酒店有興趣,可以睇下以下嘅自由行套票。唔想自由行嘅話跟團都可以架!

立即預訂:

沖繩自由行套票 沖繩旅行團

 

相關優惠

發佈留言

This site uses Akismet to reduce spam. Learn how your comment data is processed.