fbpx
Flyday.hk 低成本旅遊情報網
Home 旅遊資訊 【日本環球影城】2023年活動整合|UNIVERSAL COOL JAPAN 2023——《SPYxFAMILY》、《名偵探柯南》合作確定!

【日本環球影城】2023年活動整合|UNIVERSAL COOL JAPAN 2023——《SPYxFAMILY》、《名偵探柯南》合作確定!

by Flyday.hk
0 comment

日本環球影城 (下稱「USJ」) 不時都會聯乘人氣動漫作品,推出限定遊樂設施同埋主題餐廳,每次都吸引好多遊客前往朝聖。USJ已經預告咗2023年嘅UNIVERSAL COOL JAPAN會有咩活動,當中包括會同近期大熱嘅《SPYxFAMILY》、以及黎緊將會推出新劇場版嘅《名偵探柯南》合作!真係好令人期待啊!


【關西機場-大阪市區京都交通攻略】關西機場出市區交通方法大整合!HARUKA 關空特急/利木津機場巴士/南海電鐵Rapi:t介紹!

日本環球影城 NO LIMIT! PARADE

日本環球影城又有新活動!睽違兩年半嘅花車巡遊「NO LIMIT!Parade」終於返黎啦!

日本環球影城前兩年有好多活動都因為疫情而取消咗,就好似「NO LIMIT!Parade」花車巡遊咁,相信好多人都覺得好可惜。好消息黎啦!「NO LIMIT!Parade」將會喺2023年3月回歸!官方仲將佢形容為開幕以黎最壯觀嘅花車巡遊,到時候除咗有大家熟悉嘅史努比、Minions、Hello Kitty、芝麻街等角色登場之外,最大嘅賣點就係Pokémon、Mario會首度參與花車巡演。幾乎集結晒所有最受歡迎嘅IP,陣容相當華麗!為咗令觀眾更加投入,環球影城仲推薦大家購買魔法泡泡棒,唔單止可以依照個人喜好組裝,仲可以跟住演藝人員一齊狂噴泡泡!

之前官方已經宣佈咗「Universal Cool Japam 2023」會同《SPYxFAMILY》、《名偵探柯南》合作,下年日本環球影城嘅活動真係好豐富,好期待啊!

▼「NO LIMIT!Parade」

日本環球影城「NO LIMIT!Parade」

▼「NO LIMIT!Parade」

日本環球影城「NO LIMIT!Parade」


小編直擊:11月新開幕日本吉卜力樂園|一票難求!門票超難買|一文睇晒3大園區神還原《千與千尋》、《龍貓》經典場景

日本環球影城 SPYxFAMILY 間諜家家酒

WAKU WAKU!日本環球影城下年將會推出以《SPYxFAMILY》為主題嘅解謎遊戲

日本環球影城嘅「UNIVERSAL COOL JAPAN 2023」宣布將會同超人氣作品《SPYxFAMILY》合作,推出可以俾遊客體驗解謎樂趣嘅互動式遊戲,活動日期由2023年2月17日至7月2日

玩家將會化身WISE特工,喺園區入面尋找隱藏喺四處嘅密碼,之後進行解謎。完成任務之後玩家可以欣賞現場娛樂表演,仲有機會同洛伊德/約兒/安妮亞合照!

▼《SPYxFAMILY》主題遊戲

日本環球影城 Universal Studios Japan SPYxFAMILY

▼《SPYxFAMILY》主題遊戲位置

USJ SPYxFAMILY地圖


【日本開關】2022年日本自由行懶人包 一文睇清最新入境文件、日本認可疫苗名單、MySOS 及 VISIT JAPAN WEB 申報教學

其實之前日本環球影城已經宣布咗「UNIVERSAL COOL JAPAN 2023」會同《名偵探柯南》合作,打造以《名偵探柯南The Escape~黑鐵的序幕~》為主題嘅遊樂設施同埋主題餐廳。唔知之後仲會唔會同其他作品合作呢?動漫迷下年一定要去日本環球影城朝聖!

▼《名偵探柯南》主題遊戲

日本環球影城 Universal Studios Japan 名偵探柯南

▼《名偵探柯南》主題遊戲

名偵探柯南主題遊戲▼《名偵探柯南》主題遊戲

名偵探柯南主題遊戲

▼《名偵探柯南》主題遊戲位置

USJ名偵探柯南地圖


【日本平機票】ANA全日空東京羽田來回機票優惠,包兩件行李,每位$2,980 起!加二千幾來回坐商務?!

日本環球影城 聖誕Minions

全世界最高嘅聖誕樹回歸大阪環球影城!「NO LIMIT! Christmas」活動終於翻黎啦!

大阪環球影城嘅「NO LIMIT! Christmas」之前因為疫情停辦咗兩年,今年終於再度舉辦。園區入面唔止有一棵30米嘅巨型聖誕樹,Minions仲會換上聖誕服裝同大家歡度佳節。

講開呢棵聖誕樹就勁啦!佢獲得兩項健力士世界紀錄,除咗高度獲得健力士世界紀錄認證之外,樹頂長達3米高嘅雪花裝飾都同時創下「世界最大雪花裝飾」嘅紀錄,打卡嗰陣一定好壯觀。

另外,為咗彌補呢3年無舉辦「NO LIMIT! Christmas」嘅遺憾,今年園區內所有人氣角色都會參與呢場盛事,其中就有由Minions領軍嘅「Minions Happy Christmas Greeting」。

除咗Minions之外仲會有其他角色登場,例如「Hello Kitty快樂銅管樂隊」等等嘅慶祝活動, 小編都好想去大阪環球影城過聖誕啊!


日本環球影城

經KKday預訂


【全新日本酒店】5間大阪新酒店推介!日本首間W酒店!環球影城全新官方酒店!名設計師型格新酒店!

可能好多香港人都仲未去過日本環球影城入面嘅超級任天堂世界,即刻睇下詳細攻略啦!仲可以睇埋大阪有咩新景點~

▼超級任天堂世界徹底攻略!3800円手帶洗唔洗買?園區竟然有隱藏景點!

▼大阪最新大型商場🛍三井LaLaport堺|Food Court先係本體😋|必食漢堡扒、大阪築地海寶飯、Antiqulture古著店、Onelove寵物用品店

相關優惠

發佈留言

This site uses Akismet to reduce spam. Learn how your comment data is processed.