日本櫻花季即將開始！如果問香港人呢幾年最掛住日本嘅乜嘢，相信櫻花係好多人第一時間諗起嘅答案之一。過去三年無得去日本，今年終於可以再去賞櫻啦！日本氣象株式會社最近公布咗2023年日本各地嘅櫻花開花日預測圖，最快3月18日東京就會開花啦！小編為大家整理日本各地適合賞櫻花嘅地點，快啲買定機票啦！
相關優惠：【東京羽田機場交通攻略】東京自由行必睇！2022羽田機場出市區交通方法大整合！單軌列車/京急電鐵/利木津機場巴士介紹！
日本氣象媒體Weathernews於3月1日公布嘅最新櫻花預測圖！最快東京、福岡3月18日就會開花！除咗日本各大地區嘅預測日期外，仲細緻到包括埋各個賞櫻勝地嘅預計開花日期添！
各地預計開花日期如下：
- 東京：3月18日
- 福岡：3月18日
- 名古屋：3月20日
- 大阪：3月23日
- 仙台：4月3日
- 札幌：4月25日
▼各地預計櫻花開花日期
日本各個賞櫻聖地預計櫻花開花日期如下：
- 東京都上野恩賜公園：3月19日
- 高知縣高知公園：3月19日
- 福岡縣舞鶴公園：3月20日
- 愛知縣鶴舞公園：3月20日
- 熊本縣熊本城：3月20日
- 靜岡縣駿府城公園：3月24日
- 廣島縣平和記念公園：3月25日
- 京都府嵐山：3月26日
- 長野縣高遠城址公園：4月3日
- 宮城縣白石川堤一目千本櫻：4月3日
- 青森縣弘前公園：4月17日
- 北海道五陵郭公園：4月23日
▼各個賞櫻聖地預計櫻花開花日期
提提大家，以上只係預測開花嘅日期，通常被認為最靚嘅「滿開日」係距離開花日大概一個星期後。而滿開日後過幾日就會迎來櫻花落下嘅「吹雪期」，亦都係另一種美景！
▼預計各地「滿開日」日期
相關優惠：【持續更新】日本環球影城2023年活動整合｜UNIVERSAL COOL JAPAN 2023——《SPYxFAMILY》、《名偵探柯南》合作確定！3月至7月復活節慶典活動
小編亦整理咗一啲熱門嘅賞櫻地點，大家可以睇下邊啲地方就腳，去旅行嘅時候順便賞櫻。
【14個賞櫻地點推介】
【關東地區】
東京——新宿御苑
位於東京市區嘅新宿御苑交通非常方便，因此係唔少當地人以及遊客嘅首選，無論賞櫻定係賞楓葉都係一個好地方。而且因為新宿御苑嘅櫻花樹品種比較多，所以賞花期一般較其他地方長。
▼新宿御苑
新宿御苑
【NAKED櫻花新宿御苑2023光雕表演】
日本光雕藝術團隊NAKED又有新搞作！新宿御院即將舉行「NAKED櫻花新宿御苑2023光雕表演」！
適逢櫻花季，NAKED將會聯同新宿御院帶黎「NAKED櫻花新宿御苑2023光雕表演」，活動日期由3月31日至4月23日。隨著園內種植嘅70種櫻花陸續盛開，到時候色彩繽紛嘅燈光將會追住盛開嘅櫻花移動，更有唔少互動式投影裝置俾遊客打卡。大家仲可以拎住夢幻嘅提燈周圍遊走，亦可以購買櫻花花瓣形狀嘅限量野餐墊。新宿御苑本來就係東京熱門嘅賞櫻勝地，有咗呢個活動連夜晚都可以賞櫻啦！
NAKED櫻花新宿御苑2023光雕表演
- 地址： 東京都新宿区内藤町11 新宿御苑 (地圖)
- 入場時間：晚上7:00 – 晚上9:00 (關門時間為晚上10:00)
- NAKED櫻花新宿御苑2023光雕表演官方網站
相關優惠：【東京迪士尼樂園/海洋】2023活動整合｜持續更新｜全新夜間匯演、40週年主題活動/酒店主題房間、幽靈公館期間限定活動、一年一度米妮日
東京——上野恩賜公園
上野恩賜公園亦係一個東京市區賞櫻嘅好選擇，同樣深受日本人喜愛。每年櫻花季都會有大約800棵櫻花樹綻放，非常壯觀，唔少民眾會一邊野餐一邊賞櫻。
▼上野恩賜公園
上野恩賜公園
- 地址： 東京都台東区上野公園 (地圖)
- 開放時間：5am – 11pm
- 電話：+81 338285644
- 上野恩賜公園官方網站
相關優惠：【全新日本酒店】東京新酒店推介！反斗奇兵新主題酒店！澀谷型格新酒店！
東京——隅田公園
隅田公園位於淺草站附近，喺「吾妻橋」與「櫻橋」之間。沿隅田川步行至隅田公園期間，可以欣賞隅田川兩岸約450棵櫻花樹。到達隅田公園後，雖然櫻花樹數量唔算密集，不過勝在可以欣賞埋晴空塔嘅景色。
▼隅田公園
隅田公園
東京——銀座Art Aquarium「櫻花x金魚」期間限定企劃
日本櫻花季即將開始，有無諗過櫻花可以結合水族館？ 東京銀座嘅「Art Aquarium」藝術水族館一直都好評如潮，黎緊仲會推出春季全新企劃「めっちゃ桜 ～SAKURA Special～」。 呢個期間限定企劃將原本嘅常設展空間重新裝飾，結合櫻花、金魚，以藝術裝置及光影打造出櫻花紛飛嘅夢幻畫面，好有春日浪漫嘅感覺！企劃由即日起到4月25日，如果打算去東京賞櫻嘅話，記住順便去埋打卡！
Art Aquarium藝術水族館
- 地址： 東京都中央区銀座4丁目6−16 三越新館9階入場口 (地圖)
- 開放時間：早上10點 – 晚上7點
- 電話：+81 03-3528-6721
- 「Art Aquarium」藝術水族館官方網站
相關優惠：小編直擊：11月新開幕日本吉卜力樂園｜一票難求！海外遊客購票攻略！｜一文睇晒3大園區神還原《千與千尋》、《龍貓》經典場景
【關西地區】
大阪——大阪城公園
大阪城公園位於大阪府中央，唔止交通方便，規模仲非常大。園內嘅西之丸庭園種植咗約300棵櫻花樹。除咗可以賞櫻之外，仲可以順便參觀大阪城天守閣等歷史性建築。
▼大阪城公園
大阪城公園
相關優惠：【全新日本酒店】6間大阪新酒店推介！2023年3月開幕超近關西機場、臨空城Outlet！日本首間W酒店！環球影城全新官方酒店！名設計師型格新酒店！
大阪——大阪造幣局
大阪造幣局以「櫻花大道」聞名，種植嘅櫻花樹多達125種，每年四月中旬都會有約一星期時間對外開放，等民眾可以入內賞櫻。不過今年嘅確實開放日期仲未公布，想去賞櫻就要密切留意住啦！
▼大阪造幣局
大阪造幣局
相關優惠：【東京迪士尼樂園/海洋】2023活動整合｜持續更新｜全新夜間匯演、40週年主題活動/酒店主題房間、幽靈公館期間限定活動、一年一度米妮日
大阪——萬博紀念公園
萬博紀念公園除咗以由藝術家岡本太郎擔任製作嘅「太陽之塔」聞名之外，仲係一個熱門嘅賞櫻勝地。萬博紀念公園種植超過5000棵櫻花樹，佈滿成條道路，非常壯觀。園內仲設有博物館、餐廳、日式庭園等設施，賞完櫻都唔怕無嘢做。
▼萬博紀念公園
萬博紀念公園
- 地址：大阪府吹田市千里万博公園 (地圖)
- 開放時間：9:30am – 5pm；逢星期三休息
- 電話：+81 668777387
- 萬博紀念公園官方網站
相關優惠：【慳錢攻略】去日本Shopping必睇！2023日本各大商戶優惠券整合｜松本清、BicCamera、Joshin上新電器、Edion愛電王、Sofmap、KOJIMA、PAPASU、青山洋服
京都——哲學之道
哲學之道係一條步行道，位於京都市左京區，鄰近知名嘅銀閣寺、南禪寺。春天有盛開嘅櫻花、秋天有紅葉，因此被選為日本百大街道之一。而且因為係一條街道，所以不設開放時間，隨時想去都得。當櫻吹雪嘅時候，花瓣散落喺河面上，喺呢度散步心情都好啲。另外，呢度有唔少貓咪出沒，愛貓之人行行下隨時有驚喜！
▼哲學之道
哲學之道
- 地址：京都府京都市左京區 (地圖)
相關優惠：【持續更新】日本京都2023旅遊資訊｜自由行必睇｜兔年必去兔仔神社、京都市巴士一日周遊券9月起停售、最有特色貢茶二年坂店
京都——二條城
位於京都嘅二條城係世界文化遺產，以華麗嘅宮廷建築、庭園風景聞名，係唔少遊客到訪京都嘅必去景點，每逢櫻花季人潮就更誇張。城內超過400棵櫻花盛開，配合二條城建築物嘅風景，非常古色古香。
▼二條城
【「NAKED FLOWERS 2023 櫻 世界遺産・二条城」】
好受大家喜愛嘅日本創意藝術團隊「NAKED」又有新活動啦！今次係同京都二條城合作，仲可以一邊欣賞燈光表演，一邊賞櫻！
日本櫻花季就黎開始，大家買咗機票未呢？如果準備去關西賞櫻嘅話，一定唔可以錯過「NAKED FLOWERS 2023 櫻 世界遺産・二条城」！ 活動由日本創意藝術團隊「NAKED」打造，由3月17日去到4月15日。京都二條城本身已經係一個好出名嘅賞櫻地點，今次活動將會以二條城呢個歷史建築作為舞台背景，加入光影、音效，將歷史及現代藝術融合。活動每日由晚上6點到10點舉行，遊客可以喺夜間一邊睇住燈光表演，一邊賞櫻，就算夜晚都唔怕無活動啦！
二條城
相關優惠：#小編出走：2020年落成沖繩酒店！室外天然溫泉、飲品放題、拉麵宵夜時段、距離國際通5分鐘步程！沖繩逸之彩深層溫泉酒店｜試住報告
【九州地區】
福岡——舞鶴公園
舞鶴公園鄰近福岡市區，係福岡市內賞櫻最著名嘅地方之一。除咗有過千棵櫻花樹之外，每逢櫻花季呢度仲會有「福岡城櫻花祭」，有唔少特色攤檔，非常熱鬧。
▼舞鶴公園
舞鶴公園
相關優惠：#小編出走：2023沖繩景點合集！國際通、牧志公設臨時市場、壺屋通、泊港漁市場
福岡——淺井一本櫻
一般常見嘅賞櫻勝地都係以櫻花樹數量眾多而聞名，但係淺井一本櫻就恰恰相反。呢度只有一棵樹齡超過100年嘅櫻花樹，喺1986年被指定為市內嘅保持樹木，受到當地人悉心保護，可以話係寶貴嘅綠化財產。除咗欣賞櫻花樹本體之外，仲可以打卡映照喺池面上嘅「倒立櫻花」，好似天空之鏡咁，非常特別。
▼淺井一本櫻
淺井一本櫻
- 地址：久留米市山本町耳納1511-1 (地圖)
- 開放時間：24小時
長崎——大村公園
大村公園係玖島城嘅遺跡，同時亦係日本櫻花名所百選及日本歷史公園百選之一，可以話係長崎縣首屈一指嘅賞花景點。呢度有超過2,000株以上嘅櫻花，更有當地獨有嘅櫻花品種「大村櫻」。
▼大村公園
大村公園
熊本——熊本城
講到喺熊本縣賞櫻，點可以少得最有代表性嘅熊本城呢！熊本縣被阿蘇山等氣勢宏偉嘅自然景觀包圍，係一座已經有約400年嘅城堡。春天時城內嘅櫻花盛開，壯觀嘅城堡映照著粉紅色嘅櫻花，非常漂亮。
▼熊本城
熊本城
【北海道地區】
北海道——圓山公園
圓山公園位於札幌市區，係北海道嘅賞櫻勝地。去圓山公園嘅話一定要去公園入面嘅北海道神宮，因為氣候緣故，呢度係全日本少數有機會睇到櫻花、梅花同時盛開嘅地方。
▼圓山公園
圓山公園
北海道——松前公園
松前公園因為位於北海道嘅最南端，所以係北海道內櫻花相對比較早盛開嘅地方。園內種植過萬棵櫻花樹，仲有各種各樣嘅歷史遺跡，櫻花季嘅時候仲會舉辦櫻花祭典！
▼松前公園
松前公園
【中部地區】
名古屋——名古屋城
名古屋城除咗係一個著名嘅歷史古蹟之外，同時亦係一個賞櫻嘅好地方。喺櫻花季嘅時候，呢度有過千棵櫻花樹綻放，以名古屋城作為背景，配上象徵日本嘅櫻花，非常有日本風情。
▼名古屋城
名古屋城
名古屋——東山動植物園
東山動植物園唔止係日本第三大動物園，仲係唔少人選擇賞櫻各地方。植物園嘅「櫻花迴廊」入面有超過100棵櫻花樹。賞完櫻仲可以順便去埋動物園，適合一家大細去玩！
▼東山動植物園
東山動植物園
- 地址：愛知県名古屋市千種区東山元町3丁目70 (地圖)
- 開放時間：9am – 4:30pm；逢星期一休息
- 電話：+81 527822111
- 東山動植物園官方網站
▼日本2月就有櫻花睇啦🌸東京出發2個半小時賞早櫻河津櫻😍
▼日本便利店之爭！邊間炸雞最好食😋開箱最新超好食甜品！居日小編推介各種宵夜聖物