講到去日本,除咗遊覽景點名勝、享受美食之外,行街shopping都係不可或缺嘅一環!日本開關後,相信好多人都已經迫不及待要去瘋狂購物。小編為大家整理咗一啲日本商戶嘅優惠碼,包括好多香港人必定會去嘅大丸百貨、松坂屋百貨、松本清、BicCamera,以及Joshin上新電器、Edion愛電王、Sofmap、KOJIMA、PAPASU、青山洋服,以及必去嘅免稅店銀座三越本館8樓 Japan Duty Free GINZA、樂天免稅店 銀座店。大家去買嘢嘅時候記得出示呢啲優惠碼啦!
目錄
免稅店類
【銀座三越本館8樓 Japan Duty Free GINZA】
上機前唔夠時間喺機場嘅免稅店shopping?不如黎位於東京銀座三越本館8樓嘅「Japan Futy Free GINZA」!只要出示機票、護照,就可以喺呢度以免稅價格購物,店家仲會將你買嘅貨物送去東京羽田機場或成田機場,到時候過咗海關之後,就可以去「免稅商品提貨處」櫃檯領取,唔使自己拎住一袋二袋去機場,非常方便!而Japan Futy Free GINZA最大賣點就係有資生堂旗下嘅品牌,包括Shiseido、Clé de Peau Beauté、THE GINZA、IPSA、BAUM、SERGE LUTENS、THE COTTON。
只要出示以下優惠碼,就可以獲得機場免稅價格+95折優惠,有效期限去到2024年3月31日。
▼銀座三越本館8樓 Japan Duty Free GINZA優惠碼
【樂天免稅店 銀座店】
樂天免稅店 銀座店位於「東急廣場銀座」(TOKYU PLAZA GINZA) 嘅8樓、9樓,同樣可以出示機票、護照,然後以免稅價格購物。購物後店家會將貨物送到東京羽田機場或成田機場,喺過咗海關之後就可以去「免稅商品提貨處」櫃檯領取。樂天免稅店 銀座店佔地兩層,合共有超過200個品牌進駐,係東京都內最大規模嘅Duty Free免稅店。品牌包括雪肌精、Sulwhasoo、Jo Malone、M.A.C、COACH、TISSOT等等。
只要出示以下優惠碼,購物滿10,000日圓可享1,000日圓折扣、滿20,000日圓可享2,000日圓折扣,有效期限去到2024年6月30日。
▼樂天免稅店 銀座店優惠碼
百貨類
【大丸百貨&松坂屋百貨】
大丸百貨、松坂屋百貨係日本代表性嘅老牌百貨公司,深受日本人及遊客喜愛,喺全東京、大阪、京都、札幌、名古屋、靜岡、神戶都有分店。到店購物時,需直接出示本連結的優惠券 (不可出示截圖),購物滿3,000日圓可享95折,以及辦理退稅手續即贈送美食券,有效期限去到2024年8月31日。
▼大丸百貨、松坂屋百貨優惠碼
藥妝類
【松本清及PAPASU】
相信鍾意去日本嘅大家對松本清一啲都唔會陌生,因為佢係買藥妝嘅一個熱門選擇!松本清喺日本嘅分店超過1100間,可以話周圍都見到佢嘅身影。而PAPASU就係松本清集團旗下嘅藥妝店。到店購物時,出示優惠碼最高可以獲得7%優惠+10%退稅,有效期限去到2024年3月31日。
▼松本清及PAPASU優惠碼
▼松本清
▼PAPASU
電器家品類
【BicCamera、KOJIMA】
講到要喺日本買電器,好多人都會第一時間諗起BicCamera。BicCamera係日本最大嘅家電、藥妝專賣店,售賣嘅商品種類非常豐富,應有盡有。全日本有超過60間店鋪,多個熱門地區如新宿、池袋都設有分店。KOJIMA同樣係一間日本電器鋪,係BicCamera集團旗下嘅品牌,喺日本家電業銷售排行榜位居第七位。到店購物時,出示優惠碼最高可以獲得7%優惠+10%退稅,有效期限去到2024年8月31日。
▼BicCamera、KOJIMA優惠碼
▼BicCamera
▼KOJIMA
【SOFMAP】
SOFMAP同樣係BicCamera旗下嘅店鋪,主要售賣電腦、電子產品,以及動漫週邊商品,喺日本有24間分店。到店購物時,出示優惠碼最高可以獲得7%優惠+10%退稅,有效期限去到2023年12月31日。
▼SOFMAP優惠碼
▼SOFMAP
【JOSHIN上新電器】
Joshin上新電器以售賣家電為主,亦都有延伸到賣藥品、化妝品、CD/DVD、模型等。比較特別嘅係佢嘅分店主要集中喺關西地區,如大阪、京都,東京都內只有三間分店。到店購物時,出示優惠碼可獲得8%優惠+10%退稅,有效期限去到2024年12月31日。
▼JOSHIN上新電器優惠碼
▼JOSHIN上新電器
【EDION愛電王】
EDION愛電王售賣日本新穎家電雜貨,喺全國有近1200間分店,同樣係選購電器家品嘅好地方。到店購物時,出示優惠碼可獲得7%優惠+10%退稅,有效期限去到2025年12月31日。
▼EDION愛電王優惠碼
▼EDION愛電王
服裝類
【青山洋服】
青山洋服係日本一間擁有將近60年歷史嘅老字號西裝連鎖品牌,受到男性上班族喜愛,不但係日本第一嘅西裝店,西裝銷售量仲係全世界第一位。除咗男裝之外,仲有售賣女士套裝、制服,以及各種配飾。到店購物時,出示優惠碼可獲得10%優惠+10%退稅,有效期限去到2024年7月31日。
▼青山洋服優惠碼
▼青山洋服