上次同大家分享左北海道Club Med Tomamu，今次再同大家介紹兩間同樣係一價全包既滑雪度假酒店！同樣位於北海道，離小樽40分鐘既Club Med Kiroro岩岩先係2022年12月開幕，好快已經受大家熱捧，因為地理原因令積雪特別厚，去到5月都仲可以滑到雪！如果你自問係對滑雪有信心，都可以試下另一間Club Med Sahoro，主打中高階嘅滑雪場。
22年12月全新開幕Club Med Kiroro
上年先開既Club Med Kiroro好快成為熱門酒店，呢度只係比12歲以上嘅住客入住。酒店離小樽約40分鐘、札幌機場約90分鐘。呢度因為地理原因令積雪特別厚，去到5月都仲可以滑到雪。甚至有人即日來回或者只係住一晚，所以酒店旁邊亦設有大眾滑雪學校，比非住客都可以一嘗滑雪之樂。
▼Club Med Kiroro
房間介紹
Club Med Kiroro房間有傳統酒店同和式房揀，酒店相對較細規模設施亦較為集中，房間面積亦無 Club Med Tomamu 咁大，但都住得舒服。酒店加入不少貼心位，例如床前設有USB充電、床尾放有鞋椅，方便大家換滑雪鞋。
▼Club Med Kiroro 房間
▼Club Med Kiroro 房間
▼Club Med Kiroro 浴室
▼Club Med Kiroro 和式房間
餐飲介紹
同其他Club Med一樣，酒店設有自助餐區域同特色餐廳。有趣嘅係自助餐同時設有日式和西式區域，除左食物唔同之外，連室內設計裝潢都好貼題，某程度上可以話係兩間餐廳，不過大家都可以自由係兩邊攞食物。餐廳供應一日四餐，包括早餐、午餐、下午茶同晚餐。
▼Club Med Kiroro 自助餐 (日式部分)
▼Club Med Kiroro 自助餐 (西式部分)
▼Club Med Kiroro 自助餐食物
想試自助餐以外既食物，亦可以坐Shuttle去即將開幕既Club Med Kiroro Grand，入面既燒肉特色餐廳已經開左，可以係度享用炭燒北海道牛肉、羊肉等等。價錢當然都係已經包左係房費入面，記得預先book定啦！
▼Club Med Kiroro 特色餐廳
食飽飽之後，去返大堂旁既酒吧，呢度不時都會有小食供應，夜晚亦會化身Party現場，去吧枱叫返杯特色cocktail繼續同G.O.狂歡！
▼Club Med Kiroro 派對時間
滑雪體驗
Club Med Kiroro 有提供免費滑雪板同滑雪課程，呢度特別適合對自己有要求嘅初學者。呢度有條適合初學者嘅chairlift長雪道，好處係初學者都可以試下滑耐少少既感覺。但係如果無信心，可以揀去Club Med Tomamu，個到有條短型滑道 (Magic Carpet)，適用初學者同小朋友。
▼Club Med Kiroro 滑雪借用處
▼Club Med Kiroro 滑雪存物櫃
▼Club Med Kiroro 滑雪場
▼Club Med Kiroro 滑雪場
▼Club Med Kiroro 滑雪場
如果覺得掌握到技巧，可以試下另外三條綠道，甚至再上去試下紅色同黑色滑道，由上面望返落黎嘅感覺，完全唔同！房費已經包埋Ski Pass，可以坐纜車去唔同滑道。
▼Club Med Kiroro 滑雪場
設施
酒店設有室內外風呂同健身室，辛勞左 (aka玩左) 一日之後，浸一浸成個人都鬆哂，相信夜晚一定會好好訓。
▼Club Med Kiroro 風呂
▼Club Med Kiroro 風呂
四處走走
黎到北海道，唔少人都會想去小樽。呢度坐大約40分鐘車就可以去到小樽運河，有興趣可以加錢參加半日遊，學整當地特色玻璃，亦可以報名試下冬日限定嘅雪地騎馬。
▼Club Med Kiroro 雪地騎馬體驗
Club Med Sahoro
Club Med Sahoro離之前介紹過既Club Med Tomamu 大約一個鐘，有啲客人會一次過試哂兩間酒店。呢間酒店主打中高階嘅滑雪道，如果你自問對滑雪有信心，即管黎挑戰下啦！
▼Club Med Sahoro
▼Club Med Sahoro 大堂
▼Club Med Sahoro大堂
酒店房間以日式和西式作主調，除左有大床外，大都設有日式榻榻米。如果多過兩個人入住，亦可以化身成為地鋪。
▼Club Med Sahoro 房間，設有榻榻米
▼Club Med Sahoro 房間，設有榻榻米
酒店設有室內泳池同戶外熱池，可以邊浸住、邊睇住小朋友學滑雪。同時亦有專門比小朋友學滑雪嘅地方，大朋友同小朋友都可以玩得開心。
▼Club Med Sahoro 戶外熱池
▼Club Med Sahoro 小童滑道
▼Club Med Sahoro 室內泳池
酒店嘅特色餐廳提供日式火鍋，重點係有得食長腳蟹，黎到北海道唔好錯過啦！除左特色餐廳之外，當然都可以去食自助餐。餐廳採光度十足，有大量自然光，提供不少日式同西式選擇。
▼Club Med Sahoro 特色火鍋餐廳
▼Club Med Sahoro 特色火鍋餐廳
▼Club Med Sahoro 自助餐
Club Med特點
Club Med主打一價全包的滑雪住宿體驗，費用看似較一般resort稍高，但細心一看，費用已包括住宿、一日4至5餐、不同程度的滑雪課程，加上每晚都有的表演和無限酒水供應，其實都係相對有競爭力。這裏的前線職員稱為G.O.，亦是Club Med的靈魂，他們不僅前台、酒吧、甚至是滑雪教練等不同崗位提供服務，亦是你旅程的朋友。不時看到G.O.和客人同枱用膳，或飲酒作樂。
▼Club Med 主打一價全包的滑雪住宿體驗
Club Med優惠
處於日本最北既北海道，去到5月都仲可以滑雪！Club Med不定期都會推出優惠，官網看到的價錢已包括住宿、一日多餐、滑雪課程、Ski pass、全天候酒水供應等，基本上沒有額外支出。
Last Minute Club Med Kiroro春季優惠 (旅遊日子由即日起至2023年5月1日)：
- 5日4夜 all-inclusive 標準房套票 $16,588起 (兩位成人)
Early Bird Club Med Kiroro冬季優惠 (旅遊日子由2023年12月上旬至24年5月上旬)：
- 5日4夜 all-inclusive 標準房套票 $19,752起 (兩位成人)