日本開關後，唔少人已經迫不及待返鄉下。除咗熱門嘅東京、大阪，近年越黎越多人鍾意去九州旅行。九州位於日本本島嘅西南方，主要有7個縣，分別係福岡縣、大分縣、佐賀縣、長崎縣、熊本縣、鹿兒島縣以及宮崎縣。小編為大家持續更新九州最新旅遊資訊，以及搜羅各個最新景點。想睇櫻花嘅話仲有日本2023櫻花攻略！覺得淨係玩九州唔夠喉？小編中準備咗東京旅遊資訊、大阪旅遊資訊、京都旅遊資訊、名古屋旅遊資訊，快啲計畫你旅程嘅下一個目的地啦！
相關優惠：【持續更新】日本環球影城2023年活動整合｜UNIVERSAL COOL JAPAN 2023——《SPYxFAMILY》、《名偵探柯南》合作確定！3月至7月復活節慶典活動
福岡縣
【THE ROYAL PARK CANVAS 福岡中洲 8月開幕】
香港航空早前宣布開辦福岡航線，大家有無打算去玩呢？ 8月有新酒店開幕，遲啲去旅行時住宿又有多間好選擇！
THE ROYAL PARK CANVAS 福岡中洲將於8月4日開幕，由福岡機場乘搭地下鐵只需四個站就到，相當方便！酒店位於福岡市區購物精華地段「中洲」，鄰近地下鐵「中洲川端站」，周圍有美麗嘅河景、熱鬧嘅購物區，以及地道屋台小食。最特別嘅係酒店以森林系為風格，到處都被植物包圍，而三樓更有以「九州山谷」為主題嘅公共大浴場！房間則以「自然」為主題，以簡約風格嘅木頭裝潢，配上大地色系嘅傢俬，打造居家舒適嘅感覺。
宜家已經可以預訂8月4日起嘅住宿，有興趣嘅話記得去酒店官網預約啦！
THE ROYAL PARK CANVAS 福岡中洲
- 地址： 福岡県福岡市博多区中洲5丁目6 (地圖)
- 電話：+81 092-291-1188
- THE ROYAL PARK CANVAS 福岡中洲官方網站
相關優惠：【慳錢攻略】去日本Shopping必睇！2023日本各大商戶優惠券整合｜松本清、BicCamera、Joshin上新電器、Edion愛電王、Sofmap、KOJIMA、PAPASU、青山洋服
【mina天神4月完成合併重開】
隨著日本自由行陸續恢復，福岡作為其中一個熱門嘅目的地，當地有唔少新建設施即將開幕迎接遊客嘅到來。其中一個就係大型商場「mina天神」！ 「mina天神」即將與隔離嘅「NORTH天神」合併，成為一棟面積超過6,700坪嘅大型商業娛樂設施，並於4月28日正式重新開幕！到時候會有九州最大嘅UNIQLO、LoFt！另外亦有GU、JINS進駐，更加會有JINS喺日本唯一一間咖啡店！「mina天神」鄰近地下鐵空港線「天神車站」，交通方便，以後去福岡可以盡情shopping！
mina天神
- 地址：福岡県福岡市中央区天神4丁目3-8 (地圖)
- 電話：+81 092-713-3711
- mina天神官方網站
【J.S. FOODIES x Sanrio Strawberry Cafe】
Sanrio fans注意！日本「J.S. FOODIES」將與Sanrio合作推出主題cafe，以及一系列以角色為造型嘅甜品！
喺香港都有分店嘅「J.S. FOODIES」相信大家都唔會太陌生。雖然香港都有，但係有啲menu就係日本限定！日本嘅「J.S. FOODIES」以及旗下品牌「J.S PANCAKE CAFÉ」、「J.S. BURGERS CAFE」將與Sanrio合作，推出「士多啤梨咖啡館」。餐點上面將會見到多個人氣角色嘅面孔，包括Kuromi、My Melody、Cinnamoroll、Pochacco，可愛到唔捨得食！
「J.S. BURGERS CAFE」由即日起已經供應聯名menu，去到5月16日，而「J.S. FOODIES」、「J.S PANCAKE CAFÉ」將於3月23日開始供應，去到5月22日。Fans一定唔可以錯過呢個打卡嘅機會！
Sanrio Strawberry Cafe
相關優惠：【東京迪士尼樂園/海洋】2023活動整合｜持續更新｜全新夜間匯演、40週年主題活動/酒店主題房間、幽靈公館期間限定活動、一年一度米妮日
熊本縣
【阿蘇熊本機場新航廈3月23日開幕】
HK Express早前公布10月29日起復飛熊本。大家下次去熊本嘅時候，阿蘇熊本機場有新設施！
位於日本九州嘅阿蘇熊本機場，將會有新旅客航廈大樓於3月23日正式開幕。新航廈運用縣產木材，設計亦以木色為主，打造出闊落嘅空間感。呢度設有完善等候空間、購物商店、餐廳、咖啡廳，一共20多間店鋪。
餐廳包括以天草新鮮海鮮製作嘅壽司店「鮨 福伸」、以阿蘇自家牧場養育牛隻製做嘅牛丼料理「あか牛食堂よかよか」、販售熊本名產辛辣蓮藕嘅「おだ商店」、由熊本在地老字號茶店經營嘅「TSUGUTO」等等，全部都充滿日本特色。臨上機之前都可以食返餐好嘅，再買埋手信都仲得。大家下次去熊本玩嗰陣就可以見到煥然一新嘅阿蘇熊本機場啦！
阿蘇熊本機場
- 地址： 熊本県上益城郡益城町大字小谷1802-2 (地圖)
- 電話：+81 096-232-2311
- 阿蘇熊本機場官方網站
相關優惠：小編直擊：11月新開幕日本吉卜力樂園｜一票難求！海外遊客購票攻略！｜一文睇晒3大園區神還原《千與千尋》、《龍貓》經典場景
【南阿蘇鐵路全線恢復營運】
HK Express 10月29日起復飛熊本，唔少人都計畫去九州旅行。黎緊會去熊本縣玩嘅話交通會更加方便，因為南阿蘇鐵路將於7月全線重開！
熊本縣嘅南阿蘇鐵路依傍住阿蘇山脈而建，沿途風景非常漂亮，不過因為2016年熊本大地震，南阿蘇鐵道受到重創，一度全線停止運行。後來「中松- 高森」路段已經喺同年恢復行駛，不過「立野－中松」路段就因為需要進行大工程，導致一直無辦法開通。好消息黎啦！南阿蘇鐵路早前宣布工程陸續完成，並將會喺今年7月15日恢復全線運行！屆時熊本縣入面嘅基礎交通將會全部重建完成，大家去玩又更方便啦！
疫情資訊
【日本解除口罩令】
香港航空突發開咗新航線去福岡，大家係咪已經準備好出發去日本呢。大家留意日本已經解除口罩令啦！日本由今日起正式解除口罩令，無論室內或室外，都由民眾自行判斷是否佩戴口罩。JR東日本早前亦宣布，乘搭電車時無需再戴口罩，並會取消提醒乘客佩戴口罩嘅廣播。
不過有日媒做嘅網絡民調就顯示，有超過一半嘅民眾會繼續戴口罩。其實因為花粉症嚴重，喺疫情前好多日本人本身已經有戴口罩嘅習慣，所以相信即使宜家解除咗口罩令，喺日本街頭唔戴口罩嘅人數都唔會大幅上升。唔知大家去日本玩嘅時候又會唔會繼續戴口罩呢？
相關優惠：小編直擊：11月新開幕日本吉卜力樂園｜一票難求！海外遊客購票攻略！｜一文睇晒3大園區神還原《千與千尋》、《龍貓》經典場景
▼日本福岡最新商場LaLaport！朝聖最球最高高達立像