香港航空｜香港航空復飛塞班島｜塞班島優惠｜ 香港航空 Hong Kong Airlines 近排動作多多，有唔線航線開辦及復飛！宜家更加宣布由4月28日起復飛塞班島！機票亦已開賣，來回塞班$3,648 起 (連稅$4,481起)，包2件23kg行李。今次復飛每星期將會有兩班航班往返，以A330客機執飛，夜機去凌晨機返！
香港航空塞班島優惠｜4月28起復飛！來回$3,648 起包2件23kg行李｜一星期兩班航班往返香港至塞班島
好消息！香港航空宣布由4月28日起復飛塞班島！機票亦已開賣，來回塞班$3,648 起 (連稅$4,481起)，包2件23kg行李。
航班詳情
- 去程：HX076 19:35-02:35+1 (逢星期四、日)
- 回程：HX077 04:05-07:00 (逢星期一、五)
【優惠日期】即日起
【出發日期】4月28日至10月25日 (回程需於10月25日前)
(輸入Flyday專屬優惠碼「MT508」，即享2%優惠，最高減$300)
消費滿$1,500輸入「HSBCGO100」減$100 (名額不限，適用所有滙豐信用卡)
消費滿$1,500輸入「HSBCVPGO150」減$150 (限滙豐白金Visa卡用戶首2,000名)
▼ 經我們測試，經永安旅遊用Flyday專屬優惠碼「MT508」預訂，4月28日至5月3日，香港航空來回塞班$3,648 起 (連稅$4,481起)，包2件23kg行李。
小編出走｜上天下海玩盡塞班島
講起陽光與海灘，唔知大家會諗起邊個地方呢﹖唔想次次都係果幾個選擇﹖今次小編有個好地方推介俾大家！距離香港約五個小時航程的美屬塞班島，位於太平洋心臟地區，整個海島被一望無際的海洋包圍，水質清澈透明，連TVB節目「當四葉草碰上劍尖時」同埋「三日兩夜」都曾經係度實地取景！一齊嚟睇下有咩玩喇！
嚟得海島，當然離唔開玩水！係塞班島本島附近嘅軍艦島係當地水上活動大本營！軍艦島外圍有一圈天然嘅環形珊瑚，阻隔咗海浪，係裏面潛水風平浪靜，好安全架！最重要嘅係，果度嘅景色真係靚到令人嘩一聲！靚到連一向細膽嘅小編都忍唔住玩咗浮潛、拖傘同埋海底漫步！
前面就係軍艦島
島上劃咗個安全區域俾人浮潛
連小朋友都玩！
玩完浮潛就去玩海上拖曳傘。著好安全帶，工作人員就開船拉咗小編上天！小編有少少畏高，上去果時真係有啲驚！不過係幾十米半空吹住風望返落嚟都幾得意！
一飛衝天！
而最令小編覺得amazing嘅就係海底漫步！就算唔識游水，只要戴咗一個類似太空人嘅頭盔就可以呼吸無阻咁係四米深嘅海床上步行！喺海底腳踏實地嘅感覺好奇妙！行行下工作人員仲俾咗啲腸仔小編餵魚，俾大量魚仔包圍嘅感覺超級幸福啊！
除外精彩嘅水上活動之外，塞班島亦係少有可以學習揸飛機嘅地方！只要你年滿14歲，就可以喺機師指導下，揸住小型飛機環塞班島二十分鐘！學完仲有一張證書留念添！
靚仔機師
開始喇
係機上望返落去好正
上完天下完海，一於做返啲靜態少少嘅活動喇！小編向來都覺得去一個地方旅行，一定要了解下當地嘅歷史。所以小編去咗參觀CNMI Museum of History and Culture。呢座由前日軍醫院改建而成嘅博物館，詳細介紹咗北馬里亞納群島四千幾年歷史，更收錄原住民查莫洛人和卡若蘭人的史前用品，以致西班牙、德國、日本、第二次世界大戰及美聯邦時期的展品，想了解多啲塞班島歷史嘅朋友就唔好錯過喇！
博物館外觀
傳統草屋
去完博物館，小編就去咗跟原住民學傳統手藝─香蕉樹畫同埋織花環！香蕉樹畫，顧名思義，即係用香蕉樹原木為畫筆，混合唔同顏色，用創意同埋想像印出你想要嘅圖案！
原住民導師，據說佢係當地部落大人物！
混和顏料
小編畫嘅香蕉樹
學完香蕉樹畫，就由導師嘅姐姐教我地織花環。
姐姐話所有花都係佢係屋企附近親自採摘。
小編織咗個花環俾自己。
玩咗咁耐，係時候休息下！去旅行，美食當然係不可或缺嘅一環！小編推介PIC太平洋島度假村嘅Buffet！食物款式應有盡有！仲有啤酒同埋紅酒任飲！
今次小編都好好彩撞岩一年一度嘅馬里亞納國際美食節！美食節於每年五月嘅周六舉行。島上的酒店和餐廳傾巢而出展示佢地嘅美食！無論係傳統查莫洛美食，定係日式、美式、中式食物，各款酒類都可以一網打盡！現場仲有音樂表演添！
大門口
入場要先換Token
南瓜餅
睇完小編咁正的行程，係咪想即刻動身飛去呢個太平洋小島度假呢？最後，想同大家分享多個超抵用嘅機場接送+lounge服務。去塞班島嘅航班時間都係凌晨到達同埋離開，想舒服少少就要前後租多兩晚酒店，又貴又唔抵！小編推介可以去係市區嘅Mariana Lounge休息下，果度嘅長椅真係好好訓！宜家訂機場接送仲送埋12小時lounge access！來回點對點接送只係US$28咋！超吸引！詳情：http://www.marianagrandservice.com
塞班島實用資料
時差：快香港2小時
貨幣：美元
簽證：持有 BNO 及香港特別行政區護照可豁免美國簽證入境塞班島(必須同時出示有效的香港永久性居民身份證)，並逗留 45 天 。