疫情緩和後，唔少航空公司都陸續恢復來往各地嘅航線。韓國廉航真航空宣布4月24日起復飛澳門航線，單程$440 起 (來回連稅1,628 起)，凌晨機去晚機返。希望好快會恢復埋香港來往仁川嘅航線！真航空係韓國最大嘅廉價航空公司，最大嘅優點係包15KG免費托運行李，疫情前係唔少人去韓國玩嗰陣嘅好選擇！
【真航空復飛澳門 香港航線有望復飛】
真航空宣布4月24日起復飛澳門航線，喺官網見到可以預訂來往澳門及仁川嘅航班，每日去程及回程各一班，凌晨機去晚機返，時間都幾靚，而且已經包15KG托運行李！既然復飛得澳門，相信香港航線好快都會復飛。如果係嘅話，將會係第一間韓國廉航復飛香港航線！
【出發日期】4月24日起
【航班時間】
去程：LJ122 01:30-06:20
回程：LJ121 21:45-00:30
▼經我們測試，4月24日至27日，澳門來回仁川，單程$440 起 (來回連稅$1,628 起，包15KG托運行李)
▼雖然仲未公布復飛香港，但係喺官網已經見到可以選擇香港為出發地，相信恢復香港航線指日可待！
▼【秋遊首爾】秋季限定！一次過睇粉紅芒草＋波波草