今個復活節如果無打算外遊，又未諗到同小朋友去邊到放鬆下？香港美利酒店 The Murray, Hong Kong推出一系列復活節餐飲禮遇及親子同樂活動，包括The Tai Pan 、Garden Lounge及The Arches嘅節日親子自助早午餐、Popinjays 自助醉人香檳早午餐！小朋友仲可以係享受自助早午餐嘅同時，酒店更準備咗復活節活動俾小朋友參加，包括彩蛋遊戲、魔術表演、臉部彩繪及近距離接觸由Jurassic Garage帶嚟嘅珍奇動物。如果有養寵物嘅話，仲可以係3月31日帶埋佢地去免費參加寵物市集！今個復活節一家大細去香港美利酒店度過難忘假期啦！
香港美利酒店優惠｜推出復活節餐飲禮遇及親子同樂活動｜節日自助早午餐、與寵同樂早午餐及寵物市集
香港美利酒店推出一系列復活節餐飲禮遇及親子同樂活動，包括The Tai Pan 、Garden Lounge及The Arches嘅節日親子自助早午餐、Popinjays 自助醉人香檳早午餐！小朋友仲可以係享受自助早午餐嘅同時，酒店更準備咗復活節活動俾小朋友參加，包括彩蛋遊戲、魔術表演、臉部彩繪及近距離接觸由Jurassic Garage帶嚟嘅珍奇動物。如果有養寵物嘅話，仲可以係3月31日帶埋佢地去免費參加寵物市集！今個復活節一家大細去香港美利酒店度過難忘假期啦！
【預訂日期】即日起
Eggcellent 早午餐
The Tai Pan 及 Garden Lounge 將推出“Eggcellent”早午餐。你可以同小朋友一邊享受節日自助早午餐及於草坪上參與尋找復活節彩蛋遊戲。早午餐期間酒店更將提供魔術表演及臉部彩繪。成人每位$898 起，兒童(5 至 11 歲)每位$588 起，另收加一服務費。
【供應日期】3月30至31日(12:00 pm 至 2:30 pm)
▼ The Tai Pan 及 Garden Lounge Eggcellent 早午餐
復活節滋味早午餐
The Arches推出復活節奇珍動物冒險之旅 — 連滋味早午餐體驗。提供一系列自助早午餐美食，包括沙律及海鮮冷盤、自選意大利麵區、沙嗲烤肉串燒、即切烤北京填鴨等。仲有小朋友最愛嘅迷你芝士漢堡、披薩及蜂蜜芥末雞塊等美食,自助甜品區提供美味雪榚、果凍、復活節蛋及美味榚點。享受美食之餘，仲可以近距離接觸由 Jurassic Garage 帶來不同嘅珍奇動物。大人想小酌一杯，早午餐亦提供無限暢飲的氣泡酒或 Ruinart 香檳！成人每位$598起，無限暢飲需另外收費，兒童(5 至 11 歲)每位$498 起，另收加一服務費。
【供應時間】3月29日(12:00 pm – 2:30 pm)
【奇珍動物冒險之旅時間】3月29日(1:00 pm – 3:00 pm)
▼ The Arches 滋味早午餐
▼ 奇珍動物冒險之旅
Popinjays 醉人香檳早午餐
除小朋友嘅活動之外，復活節期間香港美利酒店Popinjays亦準備咗醉人香檳早午餐俾大朋友們參加！當日提供現場 DJ 音樂，可以望住繁華城市景致享用豐富佳餚，包括一系列的海鮮冷盤、芝士、沙律，烤肉區更提供即切烤牛柳及燒羊架，另外仲有Popinjays 經典甜點。客人更加可另選「Popin-Ways Style」或 Ruinart 香檳無限添飲套餐及免費享用迎賓魚子醬！成人每位$898至$1,698 起(視乎套餐)，另收加一服務費。
【供應時間】3月30至31日(12:00 pm 至 7:00 pm)
▼ Popinjays 醉人香檳早午餐
The Arches 與寵同樂早午餐及寵物市集
除咗帶同小朋友外，屋企毛孩都可以一齊去香港美利酒店一適享受親子時光。The Arches提供與寵同樂早午餐，可以品嚐自助早午餐，提供琅琅滿目的佳餚美饌，包括沙律及海鮮冷盤、周打海鮮湯、即切烤北京填鴨及燒春雞等，亦有為小朋友提供迷你芝士漢堡、披薩及炸薯條。自助甜品區提供美味雪榚、果凍、復活節蛋及美味榚點。食飽後還可享用專業寵物攝影服務，幫寵物影下靚相。活動當天仲有寵物市集，可以為心愛嘅毛孩揀返份復活節禮物！成人每位$598起，兒童(5 至 11 歲)每位$498 起，另收加一服務費。
【供應時間】3月31日(12:00 pm – 2:30 pm)
【寵物市集時間】3月31日(12:00 pm – 5:00 pm)，免費向公眾開放。
▼ The Arches 寵同樂早午餐
▼ 寵物攝影服務
【酒店其他相片】
▼香港美利酒店 高級房面積約409平方呎
▼香港美利酒店 N2 Grand Room面積538 平方呎
▼香港美利酒店 Signature Suite
▼香港美利酒店 The Tai Pan餐廳
▼香港美利酒店 Garden Lounge餐廳
▼香港美利酒店 Popinjays餐廳
▼香港美利酒店 Cotton Tree Terrace
▼Wellness at The Murray水療房間
▼美利酒店泳池
【小編入住＋餐飲實測】
大堂甚至房內設計，全部都係以木色同黑色為主，時尚感重。Package包升Explorer suite，間房有成800幾呎，兩個人住好舒服，窗外對住香港公園，唔會望住高樓大廈，私隱度相對比較高。
▼Explorer suite
▼Explorer suite
之後入到房，有一張king bed，床前面係一張沙發仔同電視。而側邊就有一個小型衣帽間，入面有瑜伽墊、保險箱同浴衣等。
▼Explorer suite 睡房
▼Explorer suite 衣帽間
洗手間以雲石為主，仲有大浴缸可以浸浴！而且有兩個洗手盤，佢嘅沐浴設施都好齊備，連絲瓜絡、指甲銼同漱口水都有。
▼Explorer suite浴室
▼Explorer suite 浴缸
▼茶品有Tea WG茶包，有咖啡機，另外仲可以自己加購好多款嘅酒、薯片、零食同汽水等。 🍴嚟到最重要嘅餐飲環節！
美利酒店一共有5間餐廳：The Tai Pan、Popinjays、Garden Lounge、Cotton Tree Terrace及Murray Lane，另有in-room dining。今次小編主要用$2,000食房內晚餐同早餐。
晚餐用電話叫完嘢食之後等咗大約15分鐘就送到房，比想像中快！酒店以trolley送入房間，並且可以直接用佢個餐車 (職員會推入嚟然後開成圓枱) 食晚餐，好彩間房夠大！食物質素都唔錯！晚餐嗌咗烤美國特級牛柳、烤澳洲羊扒、美利漢堡同埋波士頓龍蝦扁意粉；自選配菜有得揀炸薯條、蒜蓉炒菠菜、沙律、白飯、焗馬鈴薯等，好豐富。推薦羊扒，六成熟啱啱好！而且份量都好足夠，意粉亦有原隻龍蝦！兩個人食三道菜好飽，所以其實嗌兩份都一定夠食。
▼烤美國特級牛柳
▼波士頓龍蝦扁意粉
▼美利漢堡
早餐喺The Thai Pan食，提供半自助早餐 (每位$328 另加一)，每人可叫一款主食，有西式或中式選擇，任叫飲品 (茶或咖啡) 同埋任食沙律、冷盤、麵包或cake。小編叫咗Egg Benedict配Flat White。任食區域熱食有燒賣、水餃、牛肉球、奶皇包及叉燒包等。冷盤同埋甜點算幾多，有好多唔同種類嘅牛角包同cupcake選擇。其中最推薦食葡撻，個人鍾意奶味重嘅葡撻。
▼美利酒店早餐 Egg Benedict
▼美利酒店早餐
▼美利酒店早餐
▼美利酒店早餐
總括而言，周末入住美利酒店，如果想放空休閒咁渡過一日，呢度係一個唔錯嘅選擇！好似小編我咁懶嘅人放假真係唔想出去周圍走，喺呢度包埋$2,000餐飲額，真係可以食到好多嘢，包晒三餐都都冇問題。晚餐唔食咁多嘢仲可以留錢食埋呢度好出名嘅Garden Lounge Afternoon Tea或者去附近嘅香港公園行下、喺酒店打下卡都好正。另外仲可以加每晚$300將房間升級至Signature Suite，睡房會有個小窗台，打卡一流！而且浴室會更大！
酒店餐廳包括：
- The Tai Pan餐廳
- Popinjays餐廳
- Garden Lounge餐廳
- Cotton Tree Terrace
- Murray Lane
- 客房內用餐