國泰航空優惠｜國泰澳洲機票優惠｜澳洲平機票｜想去澳洲旅行嘅朋友留意！國泰航空 Cathay Pacific 再推澳洲機票優惠，直航來回悉尼、墨爾本5千頭就有交易！當中來回悉尼低至$5,067 起、墨爾本$5,248 起，包23kg寄艙行李！今次優惠適用於2027年3月至7月指定日子出發，無論想趁澳洲夏天去悉尼海灘、秋天去墨爾本睇紅葉，或者安排冬季旅遊都啱用！計劃明年去澳洲就可以趁今次優惠入手！另外港航同澳航都不定時有優惠，可以留意比較價錢！
【國泰航空澳洲優惠】直航澳洲平飛！來回悉尼 墨爾本連稅5千起！2027年3至7月出發！
國泰航空澳洲限時優惠重點
- 優惠日期： 即日起至2026年11月19日
- 出發日期： 2027年3月至7月指定日子
- 優惠航點： 悉尼、墨爾本
- 最低票價： 來回$5,067起
- 寄艙行李： 包1件23kg寄艙行李
國泰航空澳洲線再有機票優惠！經 HopeGoo 用 Flyday 獨家優惠碼 FLYDAY100 預訂，減$100後折後來回悉尼連稅低至$5,067 起、墨爾本$5,248 起，可以於明年2027年3月至7月指定日子出發！
如果想一程去晒悉尼同墨爾本兩個城市，經 Trip.com 預訂亦可以搜尋不同城市進出嘅多城市機票，再比較國內航班同交通費用，睇吓邊種訂法最划算。
【優惠日期】即日起至11月19日
【旅遊日期】2027年3月至7月
經HopeGoo預訂
Flyday獨家優惠碼 FLYDAY100，新客戶經HopeGoo手機app預訂機票最多減$80或$100！
經Trip.com預訂
12月31日前Flyday獨家機票99折優惠碼 FLYDAY1F
▼ 經我們測試，經 HopeGoo 用 Flyday 獨家優惠碼 FLYDAY100 預訂，減$100後折後來回悉尼連稅低至$5,067 起、墨爾本$5,248 起。
2027年澳洲旅遊最佳時間｜3月至7月橫跨夏、秋、冬三季
澳洲位於南半球，季節同香港相反！今次國泰優惠橫跨2月至7月，可以因應自己喜歡嘅天氣及活動安排出發：
| 出發月份 | 澳洲季節 | 旅遊特色 |
|---|---|---|
| 2-3月 | 夏季 | 海灘、戶外活動、陽光度假 |
| 3月至5月 | 秋季 | 天氣較涼爽、賞秋葉、行山 |
| 6月至7月 | 冬季 | 城市美食、冬季活動、維多利亞州滑雪 |
其中悉尼比較適合鍾意海灘、歌劇院及海港景色嘅旅客；墨爾本就以咖啡文化、藝術展覽、特色餐廳同大洋路自駕遊聞名，兩個城市各有特色！
悉尼最新景點2027｜全新魚市場、Bondi Beach海灘
1. New Sydney Fish Market｜2026年新開幕悉尼魚市場
去悉尼除咗歌劇院、海港大橋，今年仲多咗一個全新地標！斥巨資重建嘅 Sydney Fish Market 已於2026年1月19日正式開幕，位於 Blackwattle Bay 海濱，擁有極具特色嘅波浪形屋頂，集新鮮海產、餐廳、咖啡店及海濱觀景空間於一身。全新魚市場有超過40間商戶進駐，遊客可以即場品嚐澳洲生蠔、龍蝦、刺身及各款海鮮，仲可以沿住海濱步道散步打卡，非常適合安排半日行程！
官方網站： https://www.sydneyfishmarket.com.au/
2. Bondi Beach｜悉尼必去海灘＋海岸步道
如果2月至3月去悉尼，正好可以感受澳洲夏末至初秋嘅海灘氣氛！Bondi Beach 係悉尼最具代表性嘅海灘之一，擁有金黃色沙灘、蔚藍海水及多間特色咖啡店。除咗去海灘曬太陽，亦可以挑戰著名嘅 Bondi to Coogee Coastal Walk，沿途經過岩石海岸、海灣同多個觀景位置，邊行邊欣賞太平洋海景，鍾意影相嘅朋友一定唔好錯過！
墨爾本最新景點2027｜藝術三年展、大洋路自駕遊
1. NGV Triennial 2026｜大型國際藝術三年展免費入場
如果計劃2027年2月至4月去墨爾本，可以順道參觀 National Gallery of Victoria（NGV）舉辦嘅國際藝術三年展！今屆展覽由2026年12月13日至2027年4月11日舉行，展出超過80個藝術及設計項目，涵蓋當代藝術、攝影、雕塑、時裝及大型裝置藝術等。展覽分佈於 NGV International 四層展館，最吸引係免費入場，適合鍾意藝術、設計及打卡嘅旅客！
展覽日期： 2026年12月13日至2027年4月11日
官方網站： https://www.ngv.vic.gov.au/
2. Great Ocean Road｜墨爾本必去大洋路＋十二門徒石
第一次去墨爾本，當然唔少得安排大洋路（Great Ocean Road）一日遊！呢條全長約243公里嘅海岸公路，沿途有懸崖、沙灘、雨林及多個觀景位置，最著名就係十二門徒石（Twelve Apostles），巨大石灰岩柱屹立於海面，非常壯觀。可以選擇自駕或者參加當地旅行團，由墨爾本市中心出發，順道遊覽海邊小鎮及觀景台。如果時間充裕，建議安排兩日一夜，行程會更加輕鬆！
悉尼及墨爾本最新美食2026／2027｜新開餐廳及必食推介
悉尼：Get Sashimi｜全新魚市場人氣刺身店
2026年新開幕嘅悉尼魚市場，除咗可以買海鮮，仲引入多間特色餐廳！其中 Get Sashimi 以新鮮刺身、壽司及日式海鮮飯聞名，並於全新魚市場開設壽司列車概念分店，主打新鮮吞拿魚及優質海產。鍾意食海鮮嘅朋友可以順道試吓澳洲當地海產，食完再去海濱影相，一次過滿足食玩兩個願望！
墨爾本：Roma Ristorante｜2026年新開幕意大利餐廳
墨爾本一向有好多特色餐廳，2026年5月新開幕嘅 Roma Ristorante 亦值得留意！餐廳位於市中心 Collins Street，由當地資深餐飲團隊打造，以羅馬傳統料理為主題，供應各式意大利麵、傳統菜式及甜品。餐廳裝潢以復古意大利風格為主，設有戶外露台同用餐空間。如果行完墨爾本市中心或者欣賞完藝術展，想坐低食餐好嘅，可以考慮提前訂位！
官方網站：https://romamelbourne.com.au/
國泰航空澳洲優惠常見問題 FAQ
Q1：國泰航空香港飛澳洲來回機票幾錢？
A1：今次國泰航空優惠，香港直航悉尼來回HK$5,067起、墨爾本來回HK$5,248起，適用於2027年2月至7月指定出發日期，實際售價及稅費以訂票系統為準。
Q2：國泰航空澳洲優惠最遲幾時預訂？
A2：今次優惠預訂期截至2026年11月19日，優惠機位視乎供應，建議盡早搜尋合適出發及回程日期。
Q3：國泰航空飛悉尼、墨爾本包唔包寄艙行李？
A3：國泰經濟艙「輕便」票價一般包括1件23kg寄艙行李及1件7kg手提行李；「標準」及「彈性」票價則一般包括2件23kg寄艙行李，實際行李限額以預訂票種為準。
Q4：2027年幾月去澳洲最好？
A4：如果鍾意海灘及戶外活動，可以考慮2月澳洲夏季；3月至5月天氣逐漸轉涼，適合城市觀光及賞秋葉；6月至7月則進入冬季，適合想體驗澳洲冬日氣氛嘅旅客。
國泰航空介紹
國泰航空 Cathay Pacific 成立於1946年9月24日，以香港國際機場為主要樞紐，係香港最具代表性嘅國際航空公司之一，同時亦係寰宇一家 oneworld 航空聯盟創始成員。國泰提供涵蓋亞洲、歐洲、美洲、澳洲及中東等地嘅國際航線網絡，並營運空中巴士 A350、A330及波音777等寬體客機。
2026年適逢國泰航空成立80周年！國泰近年持續提升機艙產品及旅客體驗，其中最新一代爾雅商務艙 Aria Suite 已於2024年率先在翻新波音777-300ER客機上推出，並於2025年3月開始應用於部分悉尼往返香港航班。全新商務艙配備私人趟門、平躺座椅及升級影音娛樂系統，同一機型亦設有全新特選經濟艙及升級版經濟艙。
國泰航空亦於 AirlineRatings「2026年全球最佳航空公司」評選中，獲選為全球最佳全服務航空公司第2名，其爾雅商務艙及品牌貴賓室亦分別獲頒全球最佳商務艙及最佳航空公司品牌貴賓室獎項。
值得一提係，澳洲同國泰航空有深厚歷史淵源，國泰於1946年成立翌日，首班航班正正係由悉尼飛往香港。時至今日，澳洲仍然係國泰重要長途航線市場之一，提供香港直航悉尼、墨爾本等主要澳洲城市嘅航班服務。
