埃塞俄比亞航空宜家逢星期五都有個激抵六折優惠代碼,俾大家勇闖非洲啊!20年3月31日前出發,坐埃塞俄比亞航空來回非洲各大城市只需$2,720 起 (連稅計塞舌爾$4,648、津巴布韋維多利亞瀑布$5,266、肯亞$5,416、盧旺達$5,546、馬達加斯加$5,830、烏拉圭$5,983)!仲有其他好多小編都唔知邊度嘅航點hahaha!嚟緊想挑戰自己,探索非洲大世界,就一於捕實埃塞俄比亞航空星期五個優惠喇!
【出發日期】
即日起至20年3月31日
【訂飛日期】
即日起至11月29日 (即係今日!)
【停留期限】
1個月
【優惠代碼】
AFRICA
【訂飛網址】
埃塞俄比亞航空官網 (連稅$2,530 起)
平時飛非洲真係好有少平飛,埃塞俄比亞航空一劈就劈到去六折,即刻覺得非洲同自己近咗好多!今次有好多唔同非洲航點有平,仲可以open jaw唔同國家出入添!好似小編搵到飛塞舌爾,最平連稅$4,530 咋!
精選航點
塞舌爾 $4,530
津巴布韋維多利亞瀑布 $5,266
肯亞 $5,416
盧旺達 $5,546
馬達加斯加 $5,830
烏拉圭 $5,983
坦桑尼亞 $6,088
津巴布韋哈拉雷 $6,112
納米比亞 $6,120
加納 $6,575
坐商務一樣有平架!
肯亞 $13,648
納米比亞 $19,330
塞舌爾/津巴布韋維多利亞瀑布 $19,681
坦桑尼亞 $19,713
之前小編就去咗被譽為非洲馬爾代夫嘅塞舌爾,除咗享受陽光與海灘之外,仲發現到兩大寶物!一於睇下小編報告喇!
講起非洲,相信唔少人會即刻諗起野生動物同埋沙塵滾滾嘅沙漠!但原來去非洲都可以享受陽光與海灘,歎resort享受海島假期架!小編今次去嘅塞舌爾,就係一個遠離非洲大陸嘅群島國家,由包括主島馬埃島 (Mahe Island)在內嘅115個小島組成,係非洲面積最細嘅國家。雖然大家可能好少聽過塞舌爾呢個國家,但原來佢有兩個好特別嘅寶物:椰子與巨龜,等小編同大家介紹下喇!😚😚
- 令人浮想聯翩嘅海椰子
海椰子係世界三大珍稀植物之一,亦係世界上最大的果實,全世界只可以喺塞舌爾Coco De Mer保護區搵到,珍貴無比。 海椰子係一種極富神秘色彩的植物,雖然生長速度極為緩慢,但壽命非常長,一般可以存活過千年。而佢最特別之處,就在於其果實有雌雄之分,而且其外型同人類男女性器官驚人地相似!😱😱😱詳細小編就唔形容喇,大家睇相就知!真係似得好誇張!小編第一眼見到真係覺得好震撼,原來喺世界的另一端係有一種咁千奇百趣嘅存在!
- 巨型亞達伯拉象龜
喺塞舌爾棲息住全世界最大型嘅陸龜 – 亞達伯拉象龜。亞達伯拉象龜係陸地上最長壽同埋最巨大嘅生物之一,身長可達1.8米,體重最重可達375KG,非常誇張。大家可以喺塞舌爾唔同地方見到佢地嘅蹤跡,小編仲有機會親手餵佢地食野添!唔好睇佢地行動好慢咁,但佢地都幾為食🤤🤤🤤!食野嘅速度一啲都唔慢😮😮😮要伸手出去餵佢地食野,真係少啲勇氣都唔得!
除咗呢兩大寶物之外,塞舌爾貴為威廉王子同埋凱特王妃嘅蜜月地,亦擁有藍天碧海、極多富有特色嘅Resort同埋豪華Villa,係一個好正嘅蜜月度假勝地呢!
(From amusing planet)