去韓國又點止首爾呢？小編見到釜山航空繼官網彈咗航班時間出黎，之後又無左香港選擇，諗住都無啦！點知近排係旅行社又出返黎，今次仲可以訂添！最早下年1月5日起有顯示香港-釜山航班時間！但官網就未有顯示價錢，可能密謀準備復飛香港線呀！
雖然旅行社可訂，但係來回要KRW628,600 (約$3,770)，雖然包15kg行李，但都好難買得落手，唯有等遲下優惠。起碼都有返間韓籍廉航飛香港，都係好事。
【出發日期】2023年1月5日起
【訂飛日期】即日起
(暫時見官網有顯示航班但未接受預訂！所以耐心等等開賣價錢公佈！)
其他網站折扣代碼可以參考另一篇：【持續更新】23年1月旅遊優惠碼！Cheaptickets.hk、Klook、Kkday、Trip.com、永安旅遊、Agoda、國泰等機票/酒店/本地活動優惠碼/Discount code 大曬冷！
▼釜山航空復飛香港？
釜山航空航班時間 (2023年1月5日至3月25日)
- 去程：BX398 12:35-17:10
- 回程：BX397 08:40-11:35
▼根據之前經驗，見到特價機票就係最平優惠價但不包行李，到時開賣記得去搶飛喇 (暫時官網無左香港選擇)
而家韓國已經無哂任何入境檢疫要求，即係唔需要做檢測，無任何打針要求，亦唔需要落地做檢測，之但係千其唔可以鬆懈！因為仲有一樣野要做，就係飛之前72小時要做K-ETA 簽証！無論特區定係BNO 都要整！
▼飛韓國前72小時一定要先做K-ETA
