九龍海逸君綽酒店推出平日午餐外賣優惠，提供多國菜式選擇！$90就有兩個餸菜，可以揀金沙骨或西蘭花炒帶子等 (包白飯同是日老火湯)。另外仲有日式午餐如牛丼$108、雜錦海鮮丼$168 (配麵豉湯或麥茶)、仲有每日西式午餐，主菜可以揀肉類、意粉或薄餅添！
繼W酒店之後，又一間奢華五星酒店嘉里酒店大推外賣優惠！而且同樣可以疊加Deliveroo 外賣自取7折優惠！真係想像唔到咁抵！嘉里酒店百味村餐廳提供各國美食，折後辣雞炸豬扒飯只需$48、忌廉汁烤雞意粉$69、海南雞飯$76、至尊牛肉漢堡$76，就連套餐如泰式咖哩豬肉配飯，連埋前菜及飲品都只係$83！超！級！抵！呢啲機會可一不可再！可以用平民價錢試到五星酒店級數嘅食物！
九龍香格里拉大酒店嘅外賣自取都幾吸引！只要30分鐘前落單即刻有得食！仲要供應多國美食如意式、印度、泰國同西式套餐！價錢如蘑菇燉牛肉$110、牛肉千層麵$120同椒鹽中蝦$135 起。每日上午11時至下午9時供應！
Times Square時代廣場推出Happy Rewards 購物獎賞第2擊！以電子消費滿$800 (可累積2張不同商戶單據)，即可換領2張$50購物優惠券及1張$50美食優惠券，逢星期四仲有雙倍獎賞！共4張$50購物同2張$50美食券回贈！滿$5,000可同時額外換領2張$300優惠券，買得多著數更多呀！
尖沙咀海港城推出Always Rewarding 消費獎賞！以電子消費滿$1,000 (可累積3張不同商戶單據)，即可換領1張$100購物優惠券及1張$50美食優惠券，滿$5,000仲有額外$500優惠券！星期二及星期日仲有雙倍獎賞，最高可享50%回贈！
W酒店呢個外賣優惠真係睇到小編嘩出嚟！堅係抵！特別係The Kitchen用Deliveroo 訂仲有7折優惠，折後中/西式兒童餐$62、肉醬/卡邦尼意粉$67、安格斯漢堡配沙律$81，同埋其他菜色由$62至$151 起！星宴都有9折優惠，三道菜套餐折後只係$133 (包湯、蜜汁叉燒、野菌炒肉絲、蒜蓉炒西蘭花及白飯)！真係平到有啲不可思議，平時二個人就咁食個晚餐都要過千蚊！宜家分分鐘仲平過大快活！
正呀！今次連The Mira 國金軒都有外賣優惠！自取仲有75折！折後3道菜午市套餐$148.5 (包老火湯、前菜、4選1主菜同是日時蔬)、另外4人家庭餐$688 起，可任選4款主菜、包埋老火湯同白飯，非常抵食！可散叫即點即製點心或其他菜色由$56.25至$441起，係辦公室或屋企都能享用米芝蓮星級滋味美食！
朗豪坊商場最近有個POP UP eSTORE 推出7折現金券，可以先買現金券後再去消費！現金券每次使用數量不限，仲可以同商戶優惠，或特價貨品同折扣優惠一齊使用添！變相折上折超抵！想知有咩品牌同訂購方法再睇以下詳情啦！
疫情下最好都係避免咁多聚餐！想留係辦公室或家中試下星級酒店餐飲？宜家連酒店都有外賣送遞服務呀！預訂香港JW萬豪酒Dolce 88外賣5款以上美食或套餐，即享免費送遞服務至金鐘區，如果外賣自取仲有9折！小編睇番折後一個凱撒雞肉沙律都係$54，海南雞飯都係$90，喺金鐘區食飯都差唔多價錢啦！
港島海逸君綽酒店有個勁抵嘅海景客房套票「悠閒住宿」優惠，平到幾乎係送間房俾你住啊！9月30日前入住，房價只需$990 起 (連服務費$1,089 起) 即可升級入住貴麗豪華海景客房，仲包埋$800 餐飲額同埋延遲到下午六點退房！預訂房價$1,490 起的套票仲可以升級貴賓樓層，即時享受多$500餐飲額，同埋有貴賓閣待遇添！真係好吸引啊！
