又到冬天，有咩正得過去北海道滑雪！韓亞航空罕有地出咗個雪季平飛，劈到去連稅三千咋！20年3月31日出發，經首爾來回札幌只需$2,175 (連稅計$3,064)！平時飛北海道，就算係淡季轉機都要三千幾，今次喺滑雪旺季十二月至三月都有平真係好難得！優惠價錢已包咗23KG 寄艙行李同餐飲，想去首爾食下野嘅話都可以揀個轉機時間長啲嘅航班啊！
韓亞呢個Dream Fare優惠真係無限loop，宜家再度連稅千5有找飛首爾啦！11月20日至20年1月20日出發，來回首爾只需$800 (連稅$1,480)，包埋23KG行李仲可以凌晨機去晚機返！優惠名額加到有200個，雖然機會大咗都要同人鬥快，記得係星期3下午3點準時官網搶飛呀！
澳航今次開賣早鳥平飛，而且出發日子仲包埋暑假添！20年9月15日前出發 (視乎航點)，來回澳洲各大城市2,860 起 (直航連稅計墨爾本$3,757、布里斯班$3,833、悉尼$3,853；經轉機朗塞斯頓$4,011、荷伯特/阿德萊德$4,021 起)，票價已包30KG行李，優惠亦可以open jaw揀唔同城市出入。直航早鳥價的確吸引，而且4千頭仲可以飛去睇粉紅極光呀！
港航首爾線再度激減，重點價錢係包埋30KG行李丫麻！12月17日前出發，來回首爾$527 (連稅$1,207)。航班時間限晚機去早機返，宜家last minute 可以去一轉買下秋冬衫呀！
又多一個暑假出遊好籍口啦！中華航空推出暑假優惠，連稅只係千5有找，可以plan個一家大細親子遊啦！7月9日至8月22日出發，來回台北/台中/高雄/台南$861 起 (連稅計台北$1,482、台中/台南/高雄$1,487 起)。台北/高雄/台中仲可以選擇早去晚返，或者Open jaw 玩哂2個不同城市都得！
Santa Claus is coming to town🎶🎶🎶踏入十一月，即係意味住浪漫的聖誕佳節同埋新年就快嚟到喇！英航有個超抵冬季優惠，俾大家趁住英鎊同埋歐羅低水出去感受節日氣氛啊！20年5月31日前出發，最平來回歐洲各大城市$1,980 起 (連稅計都柏林$3,188起、華沙$3,213起、赫爾辛基$3,218起、巴塞隆拿$3,251起、馬德里$3,260起、哥本哈根$3,276起、布拉格…
想啟程去睇世界遺産白川鄉合掌屋？遊覽埋日本三大庭園兼六園？坐長榮出發去小松啦！20年3月28日前出發，坐長榮航空來回小松只需$2,106 (連稅$2,674)，票價包埋30KG 行李同餐飲！由小松出發去白川鄉/金澤都算方便同近，唔使下下經名古屋去！而且坐長榮仲可以自制一票兩地，揀個長少少轉機航喺台北出境食下野行街呀！
新加坡航空岩岩出咗個快閃平飛優惠，連稅千五就飛到去獅城喇！20年2月29日前出發，來回新加坡只需$1,033 (連稅$1,585)，票價已包30KG行李！航班時間方面可以揀返午/晚機出發，回程可以揀晚機返！嚟緊可以去食辣椒蟹同埋咖央多士喇！
想飛南美，平時嘅話七八千真係走唔甩！不過宜家聯合 + ANA 航空有優惠，20年6月30日前出發，來回秘魯$3,920 起 (連稅$5,685 起)！票價已包2件23KG 行李，停留期限仲長至六個月，可以去南美流浪喇！
想搵曼谷暑假平飛，首選一定係捕住埃塞俄比亞航空！宜家機會終於黎喇！20年9月30日前出發，使用折扣代碼後來回曼谷$900 (連稅$1,277)！就咁睇以為價錢貴番百幾蚊，但講緊暑假出發都係呢個價！而且包埋2件23KG 行李同飛機餐，兼坐787客機！暑假旺季7至8月都有唔少飛，一於帶埋屋企一家大細出發啦！
