如果身在三藩市嘅fans最近要搵返港平飛，呢個優惠真係黎得合時啦！限9月尾出發，港航三藩市直航來回香港只需$937 (連稅$2,072)，去/回程仲可以坐A350添！你無睇錯呀！2千頭就可以坐直航返港真係平到開巷，不過留意得幾個出發日子咋！
維珍+英航個歐洲優惠又失驚無神彈出黎啦！連稅同樣三千三有找激抵呀！20年3月31日前出發，使用折扣代碼後，經倫敦轉機來回歐洲各大城市$2,550 起 (連稅計都柏林$3,292、巴塞隆拿$3,346、米蘭$3,452、蘇黎世$3,462、哥本哈根$3,421、布拉格$3,587、維也納$3,625、羅馬$3,649 等)！價錢包埋23KG 行李，仲可以open jaw唔走回頭路玩幾個國家啦！
呢排啲中東3寶歐洲優惠好似靜哂水咁，但好彩仲有卡航推出優惠俾大家飛！12月31日前出發，經多哈轉機來回歐洲各城市$2,041 起 (連稅計米蘭$3,828、雅典$3,865、伊斯坦堡$3,873等)，票價已包30KG 行李同飛機餐！雖然仲有其他航點同步有平，不過大多數都去番4千樓上！優惠亦可以揀不同城市來回，唔走回頭路玩哂兩地啦！
最近啲美國長線平番唔少！好似美國航空連稅3千1飛洛杉磯！今次到國泰出手一齊減喇！10月3日前出發，直航來回洛杉磯只需$1,690 (連稅$3,692)，價錢仲平過fanfares價！票價仲包埋2件23KG 行李！另外係10月4日後出發，只係加多約$780，直航連稅$4,474！想計劃美國遊就睇下啦！
香港航空呢排出咗個輕遊日本優惠！最抵價連稅千一有找！20年1月15日前出發，港航來回沖繩/米子/岡山只需$420 起 (連稅計沖繩$1,088、米子/岡山$1,385)！話到明輕遊所以只包10KG寄艙行李！不過都可以openjaw玩哂2地，算係咁啦！
有時有個長假期，唔想去咁遠又想玩多一兩個國家，可以一次過玩晒日本同埋韓國都係一個好主意！小編發現易斯達航空有個勁平嘅鹿兒島同埋首爾優惠！20年3月31日前出發，鹿兒島單程飛首爾連稅只需$248 起，掉返轉首爾單程飛鹿兒島都係連稅$310 起！跟住自己再搭配返來回鹿兒島同埋首爾嘅open jaw機票，咁就可以自制一票兩地機票，超平玩盡日本同埋韓國喇！
英航推出歐遊筍飛優惠，打算飛英歐過冬就不能錯過今次既早鳥優惠！20年6月30日前出發，最平來回歐洲各大城市$2,880 起 (連稅計巴塞隆那$4,135、布拉格$4,166、米蘭$4,190、阿姆斯特丹$4,197、羅馬$4,247 等等)，多個航點連稅都係4千頭咋！仲有直航倫敦$3,480 起 (不包寄艙行李連稅$5,013)！另外訂機票+酒店套票享額外85折優惠，好似包3晚巴塞隆那酒店嘅套票筍…
秋來也秋去！黎緊入秋梗係要去韓國睇紅葉啦！9月10日至10月31日出發，濟州航空單程飛首爾/濟州$215、澳門單程飛首爾$305 (來回連稅計濟州$1,101、首爾$1,134、澳門首爾$1,322)！會員亦可以用埋$100現金折扣，折後香港來回首爾連稅$1,034，即plan 10月去深秋韓楓美景遊啦！不過優惠未包行李要另購，一陣9點開賣啦！
之前小編出發去伊斯坦堡，當然有去卡帕多奇亞坐熱氣球睇日出啦！宜家有優惠俾大家跟住小編行程去玩呀！20年3月31日前出發，坐土耳其航空直航來回伊斯坦堡只需$2,551 (連稅計$4,182)，票價包埋30KG行李！土耳其航空係唯一直航飛伊斯坦堡，宜家連稅四千頭算係唔錯！留意小編之後會再詳情介紹伊斯坦堡有咩好玩景點啦！
想以最抵價錢玩轉越南？咁坐Vietjet 越捷航空一定岩喇！除咗富國島有平外，另一條越南航線胡志明市同樣咁抵！限9月出發，來回胡志明市連稅只係$577 起，留意票價未包行李，但每程加15KG都只係$115，計埋都係八百蚊就飛到轉越南喇！
