樂桃香港站7周年優惠嚟到最後一擊，同之前一樣咁抵啊！4至7月出發 (視乎航點及優惠日期)，香港單程飛沖繩/大阪$177 起 (來回連稅計沖繩$762、大阪$802 起)！岩日子出發嘅話，沖繩呢個價真係必入手！今次大阪優惠都可以揀凌晨機去晚機返架！
Sakura Sakura～如櫻花 盛開到落下！大家仲想喺今年睇到呢個場景嗎？4月30日前出發，香港航空來回札幌$2,250 (連稅$2,756)，久違靚價，票價大殺四方！而北海道4月尾先開櫻花 ，大家仲有機會賞到櫻，有心唔怕遲呀！小編都好想去～
新航開賣新優惠俾大家平遊獅城啦！6月30日前出發，來回新加坡$1,091 (連稅$1,642)，雖然無上次震撼超低價咁吸引，但票價同樣包30KG 行李。如果揀晚機去仲有得坐全新波音787-10 客機舒舒服服飛去獅城添！
Hilton近排無咩聲氣，宜家終於捕到佢出優惠喇！20年1月前入住，東南亞澳紐酒店低至65折起，好似入住吉隆坡蒲種希爾頓花園酒店，折後每晚連稅只需$220 起！優惠國家包括馬來西亞、泰國、越南、澳洲、紐西蘭等地，而且入住日期去到下年1月，記得把握機會入手平酒店喇！提提大家，記得申請定Hhonor 會員先再訂呀！
歐洲優惠出唔停，宜家連英航都罕有地出優惠！12月6日前出發，使用折扣代碼後，來回歐洲各大城市$1,982 起 (連稅計華沙$3,470、布拉格$3,541、米蘭$3,568、布達佩斯$3,615、蘇黎世$3,623、馬德里$3,711、維也納$3,745 等等)！連暑假八月出發都有平，真係學生哥福音，兼且仲可以open jaw玩多幾個城市添！抵啊！票價已包23KG行李！
坐長途機，就梗係要坐五星航空公司歎返下喇！卡塔爾航空有個限時優惠，11月30日前飛，來回歐洲各大城市經濟艙$2,340 起，連稅計莫斯科$4,003、雅典$4,156、威尼斯$4,198、索菲亞$4,345、巴塞隆拿$4,514 等；商務艙都係$17,280 起 (連稅$19,126 起)！今次優惠多咗啲東歐航點，俾大家去發現歐洲嘅另一面！優惠限今明兩日，真係要即刻入手啊！
宜家飛日本下下都二千起跳，下次不如加少少直飛澳洲喇！限五月出發，澳洲航空直航來回悉尼只需$2,500 (連稅計$3,384)！呢個價錢以澳航嚟講真係幾平下，可以舒舒服服飛越大平洋喇！票價已包30KG行李！
香港出發溫哥華嘅平飛一直唔見有減，但反而回港有平呀！6月12日前出發，香港航空溫哥華直航來回香港$2,376 (連稅$3,581)。不過搵過系統唔見有好多飛，掛住香港嘅屋企人就快啲訂，順便番黎喪食香港美食解下思鄉病！
尼泊爾優惠停咗一排，終於又有喇！12月31日前出發，坐中國東方航空來回加德滿都只需$1,173 (連稅$1,948)！票價已經包咗20KG行李，連稅唔使二千蚊就飛到去睇雪山喇！
國泰岩岩放風話落實收購HK Express，唔通因為咁搞到連Fanfares都咁無睇頭？今期小編真係唔知邊個地方抵呀。。。。
