放暑假放到悶悶地，有無Fans心血來潮想飛返轉日本？ 國泰假期有日本套票優惠，可以即買即飛仲即減三百，折後福岡/大阪3日2夜暑假套票連稅只需$5,115 起 (入住The b Hakata酒店) 咋！福岡位於九州北部，亦係最熱鬧繁華城市，景點美食夠哂多，今次套票優惠仲可以openjaw玩埋大阪添！輕鬆遊福岡幾日後，尾程可以去埋大阪掃貨一舉兩得喇！
唔知道有無人好似小編咁，對南太平洋島國有種嚮往？小編搵到個罕見優惠！限9月出發，東京來回法屬新喀里多尼亞連稅 $3,973咋！加張千幾蚊既香港來回東京機票，唔洗六千就可以去到呢個南太平洋島國喇！新喀里多尼亞係法國嘅海外屬地，風景明媚，擁有美麗的海岸風光、沙灘、島嶼、海底景觀，其環狀珊瑚礁更被列入世界遺產！係世界上第二長！新喀里多尼亞比其他南太平洋島國相對發達，係探索嘅入門好地方！
今日繼續有HK Express第二round Mega Sale！仲要日本最平連稅只係$611咋！19年6月24日前出發，單程飛台灣$98、東南亞$118、日本$238 起！來回連稅計花蓮$591、石垣島$611、芽莊$623、廣島/高松/鹿兒島$731、暹粒$862！今輪有花蓮同石垣島價錢平通街兼係獨市航點，而廣島/高松/鹿兒島連稅七百三都係入手之選！一陣9點搶返套平飛喇！
相信西伯利亞鐵路係無數旅人夢想之旅！而夢想，或者無你想像中咁昂貴！西伯利亞鐵路有個震撼低價，限十月出發，由莫斯科坐到落尾海參威 (三等卧艙) 連稅都係$623蚊咋！西伯利亞鐵站全長9288公里，橫跨8個時區，要七日先可以坐足全程！整段旅程，除咗可以同當地人天南地北咁傾計，小編覺得最好玩嘅就係參觀沿途的鐵路站，唔同城市有唔同嘅特色美食，趁停站嘅時候落車走一圈就可以舌尖遊盡俄羅斯呢！
冰島！個個人聽到都好想去！包捨窮小編在內，而這些機會宜家就放係大家面前喇！19年6月13日前出發，乘坐北歐航空，來回冰島雷克雅未克只係$4,063 (連稅$5,066)起！試諗下平時買張英國機票都要4千中+廉航$600幾蚊仲要唔包行李都Over呢嚿錢，所以今次係抵到爛嘅！
放暑假放到悶悶地，一於把握平優惠飛返轉喇！樂桃今日推出新優惠，10月27日前出發，單程飛大阪$280 起 (來回連稅$905)！連稅9百就飛到轉大阪喇！8月出發每程都係加一百蚊咋！不過就睇下好唔好運搶到喇！優惠今晚12點開賣！
長榮嘅全年台北平飛終於賣到下年1月喇！連稅價只係千二兼早去晚返玩足咁多日！19年1月29日前出發，來回台北$849 (連稅$1,232)。系統平飛數量充足，大家最想要嘅早去晚返航班都有得選擇，價錢仲已包咗30KG 行李。想快閃遊幾日或玩足2個星期都得，而且跨年都有平，好似揀返去程12月30日，回程2019年1月3日就會搵到平飛，仲要時間勁靚，即搶呀！
今期Fanfares好吸引！好多地方都好值得入手呀！出發日期估計係7月底及9月中，推介既有來回首爾$1,300 (連稅$1,750)、大阪$2,300 (連稅$2,768)、札幌$3,300 (連稅$3,627)、溫哥華$3,300 (連稅$3,906)、以色列特拉維夫$3,300 (連稅$3,836)！溫哥華就岩晒大家去參親！以色列就更加3千幾蚊去好抵玩啦！
日日喺Office坐8個鐘都pat pat痛！假設去希臘旅行坐船去外島玩快極都起碼坐5個鐘，同樣令到pat pat受苦，咁不如輕輕鬆鬆坐飛機，50分鐘直達目的地喇！10月31日前出發，Ryan Air雅典單程飛聖托里尼連稅€17.27、米科諾斯€19.98，來回聖托里尼連稅港幣約$317、米科諾斯$367！除咗呢2個島，飛塞薩洛尼基 (Thessaloniki)、伊拉克利翁 (Heraklion)…
不得了！華航全年平飛又再減價！12月31日前出發，使用折扣代碼後，來回台灣$840 起 (連稅台北$1,067、高雄$1,197、台中$1,251) 起咋！連稅一千就飛到去台灣喇！而且仲有大量航班時間俾你揀，早機去晚機返都唔洗加錢！票價已包咗30kg行李！快閃去台灣幾日瘋狂食玩買不是夢！
