港航個首爾優惠真係平到不得了，今次終於有個堅抵嘅mega sale喇！20年1月15前出發，來回首爾只需$635 (連稅$1,343)，票價仲已包咗30KG 行李！今次真係平到好誇張，分分鐘仲平過其他廉航啊！航班時間限晚機出發，可以揀返下午機返香港，岩晒打工仔時間啊！
繼國泰同埋美國航空之後，港航都加入洛杉磯線大混戰！限10月出發，坐香港航空直航來回洛杉磯只需$1,600 (連稅$3,453)，票價已經包咗2件23KG 行李！港航已經好耐好耐都無出過咁平嘅美國平飛，今次堅係抵啊！一於拉埋落去比較埋三間航空公司嘅優惠喇！
HK Express延續上星期賞秋優惠！多個航點連稅一千有找！20年8月17日前出發 (視乎航點)，來回台灣$176、東南亞$196、日本$356、韓國$376 起。連稅計台中$704、芽莊$765、清萊$805、石垣島$829、曼谷/清邁$845、釜山/濟州$932 等！價錢同上星期一樣無咩驚喜。一陣9點開賣睇下有無岩日子平飛啦！
雖然中秋假都放完，但係加航仍然出優惠賀一賀！仲要有平飛去黃刀鎮實現睇極光願望呀！20年5月31日前出發，來回黃刀鎮$4,960 (連稅$6,999)！票價已包2件23KG行李，以上次優惠平番幾百蚊，仲只需要轉一次機就去到喇！
想計劃快閃之旅，最方便當然係一次過就訂哂機票+住宿啦！今次永安旅遊推出HK Express限時套票優惠！會員憑優惠券每位即時減$100添！折後曼谷3日2夜套票連稅每人$1,373 起 (以入住曼谷素坤逸X2氛圍酒店為例)；其他套票例如首爾$1,376、大阪$1,752起、東京$1,919 起！姐係平時訂機票加多幾百蚊就有2晚酒店住宿，而且航點全部都係港人最愛目的地添！優惠限時3日，今晚12點即上永…
之前小編同大家介紹咗墨西哥航空個南美優惠，原來出發去古巴都有平啊！下年2至6月出發，連稅計首爾來回古巴只需$4,605！加多張千五蚊左右香港去首爾嘅機票，連稅六千幾就飛到去古巴食龍蝦、坐古董車喇！停留時間仲有成一年，可以慢慢玩盡呢個鐵幕共產國度喇！
接近年尾無咩假，總會想快閃去幾日旅行！長榮今日推出台北平飛，係年尾12月20日前出發，來回台北只需$610 (連稅$1,252)，包埋熱餐同埋30KG 行李！想早去晚返其實都只係加多$40，起碼玩足咁多日唔好蝕寶貴假期！另外星期四/五/六出發都係加約$139！想知訂購詳情就入黎啦！
樂桃開賣新一輪沖繩/大阪回程優惠！仲首賣到下年3月尾喇！大家可以買咗日本回程張飛先！10月8日至2020年3月28日出發 (視乎航點)，沖繩飛香港單程3,890円 (約$284)，連稅6,470円 (約$473)；大阪飛香港單程4,490円 (約$328)，連稅7,610円 (約$556)！價錢同上次優惠一樣，不過可以預早plan定下年三月嘅行程！優惠聽晚9點開賣，只限4日咋！
美國航空又有平飛俾大家直航飛洛杉磯啊！限20年2至4月出發，直航來回洛杉磯只需$1,190 (連稅$3,107)！雖然今次無上次咁平，但直航價真係好抵囉！而且已經包咗2件23KG行李，同埋可以儲到三千幾avios 架！
小編岩岩收到通知，緬甸個免簽安排延續到下年9月，可以繼續免簽去呢個隱世國度喇！緬甸航空同時出咗個優惠，9月30日前出發，來回仰光只需$1,596 (連稅2,301)。10月至20年4月15日出發，都係$1,922 (連稅$2,627)！而且聖誕、新年、復活節等紅日都有平！可以好好探索下呢個地方喇！