泰航呢排真係好積極，密密出優惠之餘，宜家平飛賣到去下年喇！20年1月21日前出發，坐泰國航空來回曼谷$900 (連稅$1,639)，以泰航嚟講呢個價錢算係幾抵。不過最平優惠價限下午機或者晚機出發，想早機去晚機返要加多約$164，而且票價已經包咗20KG 行李！
濟航開賣暑假八月限定平飛，係真唔真一陣開賣睇下啦！限8月出發，濟州航空單程飛首爾/濟州$290、澳門單程飛首爾$305 起 (來回連稅計濟州$1,254、首爾$1,288 起、澳門首爾$1,326)！價錢以暑假旺季出發算係幾抵，無論去首爾定濟州都可以揀凌晨機去晚機返！不過優惠未包行李，諗清楚先好訂！優惠陣間9點開賣！
澳洲減價戰又再開始，維珍澳洲航空直航最抵價去到連稅3千8有找咋！8月19日至20年3月31日前出發，直航來回悉尼/墨爾本$2,881 起 (連稅計墨爾本$3,796、悉尼$3,846)！比對手澳航同國泰平少少，價錢已包2件23KG 行李，亦可以Open Jaw玩哂2大城市架！
呢排啲長線平飛終於有返啲消息，國泰岩岩都出咗個美國優惠！9至12月出發，直航來回洛杉磯/三藩市只需$2,733 (連稅$4,734)！國泰好耐都無咩點出啲抵嘅美國優惠，今次優惠直航連稅四千七算係近期筍價！不過有少少可惜嘅就係今次無得open jaw一次過玩晒洛杉磯同埋三藩市！票價已包2件23KG 行李，小編查過系統，平飛數量唔算多，想飛就快手喇！
今期fanfares真係貴到一個點！仲要係唔多熱門航點！但反而套票既價錢叫做正常啲！推介既有3日2夜西安$2,052、胡志明市$2,347。
上次HK Express難得地出咗個幾抵嘅優惠，今個星期又再出返買來回機票送去程，即係又貴返喇嗚嗚嗚！20年6月22日前出發 (視乎航點)，來回台灣$328、東南亞$398、日本/韓國$598 起。連稅計台中$882、芽莊$950、熊本/石垣島$1,093、釜山/濟州$1,178 等！都係果句，岩時間嘅話都可以入手嘅！優惠陣間9點開賣！
嘩！好鬼抵呀！加航忽然間出左個勁抵飛美加優惠！直航來回溫哥華連稅$3,165、多倫多$3,882、轉機飛美國$2,964！呢個價錢平過對手國泰接近一半，仲要係一年內最低價，唔洗諗必入手！只賣兩日咋！優惠7月22號就完！
尋日同大家推介完新航個優惠，今日國泰就即刻跟住減喇！9至10月出發，坐國泰航空來回新加坡只需$903 (連稅$1,711)！航班時間雖然有限制，但係都叫做靚時間，可以凌晨/早機去晚機返！票價包咗30KG行李，不過留意返優惠同新航一樣都係賣到去聽日，所以想飛獅城嘅話聽日要買飛喇！
嘩！岩岩坐係office嘅小編真係大叫咗一次出嚟！韓亞突然再推激抵價平飛，連稅千四飛首爾，真係堅堅堅堅平啊！7月至10月出發，來回首爾$700 (連稅計$1,408)！同上兩次一樣價錢，搶到就等於賺到喇！平到唔識形容啊啊啊！今次一樣暑假都有平，但凌晨機去晚機返已經無咩飛，想飛就即刻去搶喇！價錢已包埋23KG 寄艙行李同餐飲！
樂桃岩岩出咗個回程優惠，宜家又有個香港出發優惠，大家可以同時下手來回程平飛喇！8月至20年1月出發，單程飛沖繩$298、大阪$348 起 (來回連稅計沖繩$1,006、大阪$1,147 起)！今次比起之前嘅優惠貴咗少少，但無限航班時間，凌晨機去晚機返都係連稅一千頭搞得掂都算係咁喇！沖繩仲要賣到去下年一月添！優惠星期日凌晨開賣！