濟航岩岩上個星期先出過優惠，今個星期又再接力，想去韓國嘅朋友有福喇！限9月出發，濟州航空單程飛首爾/濟州$290 起 (來回連稅計濟州$1,256、首爾$1,289 起)！價錢算係幾抵，而且航班時間超級正，無論去首爾定係濟州都可以揀凌晨機去晚機返，9月尾仲有機會睇到紅葉添！留意返優惠未包行李架！優惠陣間9點開賣！
繼續係暑假出發嘅fanfares關係，今次都幾抵吓，暑假快閃去個旅行啱晒！來回連稅曼谷$1,877、福岡$3,144、約翰內斯堡$5,241等！
之前同大家介紹過芬蘭航空個冰島同埋直航赫爾辛基優惠，小編發現原來佢飛歐洲其他航點都好抵！9至12月出發，來回歐洲各大城市只需$2,200 起，連稅計巴塞隆那$3,592、華沙$3,769、哥本哈根$3,908、巴黎$3,920起、布拉格$3,987 等等！連稅三千五就飛到去歐洲確係抵，票價已包23KG行李！而且坐芬蘭航空有樣好，就係喺芬蘭轉機，時間夠晒短同直航差唔多！
成日去泰國渡假，不如去吓馬來西亞啦！10月至20年5月出發，坐馬印航空來回連稅檳城只係$897、浮羅交怡$947！連稅唔使一千蚊就去到啦！浮羅交怡仲有水上屋俾大家chill吓㗎，一於發掘下馬來西亞另一面喇！
呢個星期HK Express終於有啲誠意，部份航點都幾抵買！20年6月15日前出發 (視乎航點)，來回東南亞$196、台灣$216、日本$356、韓國$376 起。連稅計台中$770、清萊$826、石垣島$851、鹿兒島$951、濟州$956！今次算係真優惠，濟州/鹿兒島都幾值得入手！優惠陣間9點開賣！
眼見之前長榮出咗個超抵劈價，華航都唔執輸，即刻追住減啊！8至11月出發，來回台北只需$578 (連稅$1,226)！今次優惠連稅千二蚊就飛到轉，比起平時再平咗少少，仲可以早機去晚機返啊！嚟緊想平飛台北嘅朋友又多個選擇喇！
皇家約旦航空出咗個罕有優惠，俾大家超平直飛安曼！9月至20年3月出發 ，使用折扣代碼後，直航來回安曼$2,392 (連稅計$3,800)！直航飛安曼真係好少有減，平時就算想轉機飛過去都無咩選擇，呢個價錢真係好抵啊！票價已包23KG行李！
聯合航空呢排真係成日都有驚喜俾大家，岩岩佢地又有漏網美國平飛，飛洛杉磯連稅最平三千二有找！限9月4至5日出發，使用折扣代碼後，來回洛杉磯$1,300 (連稅$3,181)；9至12月其他日子出發，都係$1,950 (連稅$3,857)！呢個價錢夾岩日子出發真係無得頂啊！ 票價已包2件23KG 行李，可以瘋狂去outlet掃平袋，兼且去反轉環球影城喇！
尋日同大家介紹咗長榮個台北超抵價，宜家小編發現佢暑假都好抵飛啊！7至8月出發，使用折扣代碼後，來回台北只需$1,024 起 (連稅$1,674 起)！暑假旺季呢個價錢飛到去台北堅係抵！優惠可以早去午回，如果想玩盡啲假期晚機出發都係加多$80 起！難得有暑假last minute平飛，各位爸爸媽媽可以自制親子遊學團，帶小朋友出去見識世界喇！
正呀！汶萊皇家航空又有新航線，嚟緊會開航去布里斯班呀！7月29日至11月30日 (旺季除外)，來回澳洲布里斯班只需$2,010 (連稅$3,298)。雖然開航價錢咁平，不過票價都包30KG 行李，暑假尾都有少量日子可以出發架！