奔向大草原嘅機會黎喇！宜家仲係最佳旅遊時間去蒙古玩添！20年4月30日前出發，蒙古航空直航烏蘭巴托$3,239 (連稅$3,567)！票價包咗23KG 行李同機上餐飲，仲可以喺暑假出發住蒙古包睇星星！不過10月開始轉凍，宜家快啲趁好季節去玩啦！
今期fanfares 唔知係咪因為暑假出發關係，因為都真係幾貴下！來回連稅大阪$3,096、洛杉磯$5,481；布吉3日2夜$2,699！布吉連埋2晚酒店其實呢個價錢暑假黎講真係唔算貴啊～
話咁快就七月，炎炎夏日最岩就係快閃去台灣幾日，食下芒果冰或者芋泥甜品消消暑！國泰航空推出台北/台中/高雄套票優惠，最吸引就梗係精選酒店住兩晚送一晚喇！好似入住五星級君品酒店為例，入住三晚俾兩晚價錢，折後四日三夜套票每人連稅$3,060 起咋！或者用優惠價錢入住捷絲旅西門町館四日三夜套票連稅都係$2,820 起！其他優惠仲有保證客房升級、精美贈品、免費享用迷你吧等等，想平歎靚酒店就要睇埋下面喇！
就咁講小松可能大家唔會太知係邊，但一提起白川鄉同埋立山黑部，相信大家都會好有畫面！20年1月15日前出發，長榮航空來回小松只需$2,159 (連稅$2,755)！由小松去白川鄉同埋再遠啲嘅立山黑部都算幾方便，今個冬天可以瘋狂睇夢幻雪景喇！
終於等到釜山航空出Big sale喇！一年得兩次咁抵嘅sale架咋！10月至20年3月出發，釜山航空單程飛釜山$130 起 (來回連稅計$934)！連稅九百飛到釜山堅係抵，航班時間仲係凌晨機去晚機返添！小編見到平飛唔算多，要搶就快喇！
HK Express今個星期又係買去送回！好悶呀！20年6月8日前出發 (視乎航點)，來回台灣$328、東南亞$398、日本/韓國$598 起。連稅計台中$882、芽莊$950、峴港$997、曼谷/清萊/清邁$1,028、熊本/石垣島$1,093！買去送回價錢大致都係咁，最平台中連稅都要$882，點買呀咁！官網開賣緊，諗清楚時間岩先買啦！
濟航一陣9點開賣秋遊優惠，食正紅葉季出發呀！10月1日至11月30日出發，濟州航空單程飛首爾$290、濟州$435 起 (來回連稅計首爾$1,289、濟州$1,546 起)！航班時間最正係凌晨機去晚機返，但記得價錢仲未包行李架！仲想plan去睇紅葉就要入黎搶飛喇！
想去澳紐工作假期體驗外國生活！維珍澳洲航空宜家都有全年停留平飛呀！20年2月3日至3月31日前出發，直航來回悉尼/墨爾本$3,150 (連稅計悉尼$4,088、墨爾本$4,348、轉機奧克蘭$4,479)！以平常優惠價錢稱不上平，不過價錢包2件23KG 行李兼成12個月停留期限，岩哂Working Holiday之友啦！
卡塔爾航空為慶祝第5度奪得Skytrax全球最佳航空，推出新優惠多謝大家，帶大家飛去更多歐洲旅遊熱點！20年3月31日前出發，經多哈轉機來回歐洲各大城市經濟艙$2,290 起 (連稅計莫斯科$3,944、雅典$3,977、阿姆斯特丹$4,423、蘇黎世$4,443、布拉格$4,514、巴黎$4,902、曼徹斯特$5,518 等)；除咗以上熱門航點，今年年中卡塔爾航空增加新航點，好似里斯本、拉巴特、…
尋日同大家介紹咗芬蘭航空直航赫爾辛基嘅優惠，宜家小編掘到飛冰島都超級抵！9至12月出發，芬蘭航空來回雷克雅維克只係$3,300 (連稅$4,692)！優惠出發日期岩岩好覆蓋咗極光旺季9月至下年3月，仲可以揀個長少少嘅轉機時間玩埋赫爾辛基添！票價已包23KG 行李，仲儲到三千幾Avios架！