冷門優惠

冷門優惠
August 15, 2017

機會來了！極平飛古巴！香港出發埋單五千！上海來回古巴夏灣拿連稅$3,591 – 墨西哥航空

古巴呢個地方，一生人值得去一次，而且仲趁未消失前要盡快去！小編上次發現嘅古巴超平飛竟然再出現，香港出發嘅話來回連稅埋單五千左右！簡單黎講係墨西哥航空有特價，下年2月前出發，上海出發來回古巴夏灣拿連稅只係$3,591，再加一張香港來回上海機票(港航大約一千鬆啲)，計埋條數總共五千有找！抵啦喂！缺點係要轉兩次機，只要唔怕坐飛機就得啦！

冷門優惠
August 6, 2017

價錢創新低！18年3月前出發，來回蜜月小島塞舌爾只需$1,900 – 斯里蘭卡航空

自從斯里蘭卡航空轉左直飛科倫坡之後，唔少fans都慨嘆無左一個平靚正飛曼谷的選擇。不過有失都有得既，以後坐佢轉機可以轉少一次。宜家佢地推出優惠，下年3月31日前出發經科倫坡轉機，來回塞舌爾只需$1,900 (連稅$3,716)，有指定信用卡再減二百！呢個價錢應該創左新低，平平地可以飛到去非洲、而且呢度仲係威爾王子Honey Moon個度，一聽就知正啦！最緊要係比較少會見到亞洲人，咁先似去左旅行麻！

冷門優惠
July 22, 2017

勇闖喜馬拉亞山！暑假都有平！18年3月19日前出發，來回加德滿都只係$2,150 – 捷特航空

有無Fans計劃勇闖喜馬拉亞山呢？18年3月19日前出發，使用折扣代碼後，捷特航空二人同行經印度來回加德滿每人只係$2,150 (連稅$2,641)！呢個價錢已包30KG 行李同飛機餐，仲可以暑假出發添！去尼泊爾最出名就緊係行潘恩山啦！可以睇日出之餘仲可以睇埋喜馬拉亞山，表示無能力登頂既小編會選擇坐飛機睇喜馬拉亞山囉！

冷門優惠
July 9, 2017

旅人的夢想！坐西伯利亞鐵路！直航海參崴+莫斯科$2,300 – 俄羅斯航空

不少旅行者的夢想都是坐一次西伯利亞鐵路，一次過橫跨亞歐板塊8個時區！呢隻機票就完全係岩哂！俄羅斯航空直航海參崴+莫斯科$2,300 (連稅$2,628)，重點係不同城市來回，可以莫斯科出海參威入，或者掉轉都得！咁就可以坐西伯利亞鐵路由起點到終點！唔知冬天去到會唔會覺得「最近天氣開始轉涼了」？