雖然小編對蒙古呢個地方認識唔深，但網上睇到啲相已經好想去！而宜家坐蒙古航空親身飛過去，19年10月10日前出發，直航來回烏蘭巴托$3,150 (連稅$3,479) ！今次平飛日子都有唔少架，不過就建議最好10月份前嘅日子出發，因為春夏季時分，草原更加綠油油加上漫天星星，真係靚到爆！而且小編有眼不識泰山，原來可以入住豪華版蒙古包，豪華到好似入住五星級酒店架！
S7於今個星期做六折優惠，飛去伊爾庫茨克又平多一點點喇！而且出發日期去到19年月10月26日，直航來回伊爾庫茨克$1, 798 (連稅$2,195)！票價未包行李，直接升級做Economy Flex會抵過就咁存行李！
俄羅斯摩爾曼斯克係北極圈內最大城市之外，亦有傳聞話呢度係極光爆發聖地！11月至19年4月出發，使用折扣代碼後，來回摩爾曼斯克$3,900 (連稅$4,577)！宜家去到四月都有機會睇到極光，相比起其他極光聖地呢到旅客人數較少，所以極光團價錢都比北歐平啲，大家仲可以去斴近嘅哈士奇村Husky Park體驗哈士奇狗拉雪橇同坐雪上摩托車，或穿着北方禦寒傳統服飾架！
港航峇里線真係好少有優惠，今次last minute出發連稅價都係2千3咋！12月19日前出發，直航來回峇里島$1,587 (連稅$2,312)！票價包20KG 寄艙行李同飛機餐，不過航班時間未必人人受到。但小編搵到橫跨聖誕節係12月19日至12月28日都係加多$100，一於飛去過一個不同嘅陽光海灘聖誕假期啦！
嘩！原來漢莎航空個雙11優惠都有冰島筍飛，連稅講緊只需4千咋！19年1至3月出發，來回冰島雷克雅未克只需$2,260 (連稅$4,009)！優惠日子唔多，4千呢個價都係萬中無一，不過其他日子都係約4千2就有交易！手快有手慢無，平飛睇極光嘅機會可遇不可求呀～
雲南麗江可能係旅人們最想追尋嘅世外桃源，宜家機會黎喇！19年3月21日前出發，乘坐中國東方航空來回麗江$812 (連稅$1,336)！麗江坐落雲南省，自古以來係絲綢之路同茶馬古道嘅中轉站，以玉龍雪山下嘅麗江古城最具特色，更被聯合國教科文組織列為世界文化遺產架！
知道緬甸免簽之後，小編真係開心咗好耐，宜家終於俾小編掘到張平飛喇！19年3月31日前出發，來回仰光$1,620 (連稅$2,089)咋！緬甸係虔誠的佛教國家，人民熱情純樸善良，但國家長年封閉令它蒙上一層神秘面紗，值得大家好好探索！小編特別推介一定要去尋訪千年古都蒲甘，係當地揸住e-bike穿越佛塔嘅感覺真係好奇妙！果度嘅日出更加令人一見難忘！
小編喉咗呢套平機票好耐，有睇過<<春光乍洩>>應該會好想去黎耀輝同何寶榮嘅愛情之地，不過睇戲容易，等機票減價就好難，萬萬聲點捨得去喎！好彩喺19年7月20日前出發 (視乎航空公司)，乘坐聯合航空來回阿根廷布宜諾斯艾利斯$5,641 (連稅$6,900) 、加航$6,458 (連稅$7,385) 起！
基本上秘魯機票跌到6字頭都值得留意喇！19年5月20日前出發，乘坐ANA+聯合航空來回利馬$5,744 (連稅$6,862)！如果唔坐ANA飛東京轉機，改坐哂聯合航空喺美國轉機會平多$60蚊，而且可以喺農曆新年期間出發，好似去程19年2月6日，回程2月12日打後都係咁平！
天氣開始涼啦，如果想繼續同陽光玩遊戲就去探下夏蕙E啦。19年3月31日前出發，經關島轉機來回夏威夷$2,800 (連稅$3,604)咋。經關島轉機個好處就係轉機時間好短，連埋轉機時間只要大約13個鐘就到達目的地。想延續個夏天，就唔好錯過喇！