漢莎航空連北非摩洛哥都有減呀！12月31日前出發，來回馬拉喀什$2,900 (連稅$4,450) 咋！馬拉喀什喺摩洛哥四大古城之一，由呢度可以開展一場撒哈拉沙漠之旅，騎住駱駝漫遊沙漠睇星星，呢個場景諗起都好夢幻啊！馬拉喀什嘅老城區亦都值得大家一去，處處充滿住中世紀風情，更加係聯合國文化遺產之一呢！呢個優惠暑假出發都係加約$300，岩晒一大班同學仔去冒險喇！
阿曼位於中東，係一個相當低調嘅國家！想去呢個冷門國度嘅話，機會嚟喇！國泰/斯里蘭卡航空推出咗優惠，11月30日前出發，經科倫坡轉機來回阿曼馬斯喀特$2,295 (連稅$2,867)！雖然阿曼地處中東，但佢神奇地擁有沙漠同埋極長嘅海岸線，當地嘅傳統市集亦極富特色！小編查過系統平飛數量唔算多，想去呢個神秘地方就唔好錯過喇！
俄航呢個波羅的海啟程之旅又黎喇！乘坐俄羅斯航空來回莫斯科 (直航) + 聖彼得堡只需$3,100 (連稅$3,767)，價錢仲已包埋23KG 行李。有「北方威尼斯」之稱嘅聖彼得堡位於波羅的海芬蘭灣沿岸，有多個熱門景點一定唔可以錯過，好似基督喋血大教堂、冬宮廣場及世界四大博物館之一嘅艾米塔吉博物館，啲建築物真係靚到世界級啊！有興趣就開始俄羅斯深度遊喇！
尼泊爾一直喺唔少人心目中嘅健行聖地，想飛過去嘅話就要留意呢個優惠喇！3至6月出發，坐中國東方航空來回加德滿都只需$899 (連稅$1,677) 咋。真係超級平啊！尼泊爾位於喜馬拉雅山脈南麓，擁有住多條知名嘅健行路線。今次機票逗留日期長達兩個月，咁就岩晒大家過去登山健行喇！
終於有平飛去夢幻冰島喇！11月30日前出發，使用折扣代碼後，來回冰島雷克雅未克$4,040 (連稅$5,113)！平飛集中係2至4月及11月，代表可以玩哂冰島春季同冬季兩個不同時節！除咗睇極光外，必定要去埋冰島最大嘅傑古沙龍冰河湖睇浮冰。有budget嘅話仲可以join直升機團係上空睇火山口架！真係好吸引啊！平飛數量唔算多，岩就快手喇！
埃及金字塔，小編細細個就聽過呢個名喇！宜家皇家約旦航空有個幾筍嘅優惠，5月31日前出發，使用折扣代碼後，經安曼轉機來回開羅只需$1,980 (連稅$3,634)！咁平嘅價錢就可以飛到去埃及朝聖，係小編見過嘅最低價！喺埃及除咗去金字塔，仲可以去黑白沙漠露營、尼羅河坐河輪、紅海潛水架！真係聽到都覺得好吸引！
之前小編都有介紹過平飛奢華王國首都呢個優惠，估唔到宜家又再平多幾百蚊！5月31日前出發，坐阿提哈德航空直航來回阿布扎比只需$2,510 (連稅$3,056)！阿布扎比相比起杜拜更富貴但低調，大家必定要去全世界造價最貴清真寺親身見證同埋去法拉利樂園玩最快過山車呀！
如果想去一個長啲嘅出走假期，小編建議大家坐西伯利亞鐵路，由莫斯科到海參威 (三等卧艙) 連稅只需5,075 RUB (約$599) 起！價錢除咗平，仲可以喺正年初一出走，七日時間足以避哂成個年！而整段鐵路有9,288公里，歷經8個時區，一路通往歐洲內陸，喺由古至今都係前往歐洲最平嘅方法黎架！小編自己都好想去一次呀！
自從香港人可以喺玻利維亞做落地簽之後，小編就心郁郁想去天空之鏡朝下聖！嚟緊會去其他南美地方嘅朋友，就更加要留意喇！12月14日前出發，秘魯利馬來回玻利維亞拉巴斯$721 (連稅$1,414)！配合埋之前同大家介紹嘅秘魯優惠，連稅唔使八千就去到轉玻利維亞喇！玻利維亞除咗天空之鏡，仲有紅湖同埋月亮谷等知名景點！有時間嘅話一於玩盡南美喇！
自從加咗燃油附加費，好耐都無出現平過五千蚊嘅摩洛哥機票啦！而今次嘅阿提哈德航空優惠，亦都唔止減歐洲航線，連摩洛哥都有份減，6月15日前出發，使用折扣代碼後，來回卡薩布蘭加$2,290 (連稅$4,304)！票價包30KG 行李，夠哂位買啲特式手信返黎！而犘洛哥一向視為非洲旅遊嘅入門版，剩係去撒哈拉沙漠睇星星都夠哂吸引啦～～