最新優惠

This is Halloween~Halloween！樂桃今晚推出新大阪優惠！19年3月19日前出發，單程飛大阪$218 起 (來回連稅$816)！真係平過對手成舊水有多！航班時間都幾靚下，凌晨機去晚機返，可以玩盡個假期！優惠今晚12點開賣，岩就上官網訂啦！

幾日前ANA全日空已經預告推出驚喜優惠！名古屋連稅價唔使2千3，必搶史上新低價呀！19年5月31日前出發，來回名古屋$1,850、東京$2,500 (連稅計名古屋$2,290、東京羽田$2,940、成田$2,943)。價錢已經包咗2件23KG 行李，可享受埋ANA嘅優質服務同飛機餐！優惠可以Open Jaw，一於入手以上兩個航點玩住先啦！

樂桃最近好進取再出大阪回程優惠！19年3月19日前出發，大阪單程返香港$208 起 (連稅及手續費約$353)！價錢回升返，但就買到明年3月前出發。記住要去返日本網站或英文網站先訂到，今晚11點開搶！

上個星期先宣佈長崎涼美出場！今個星期就開賣喇，而且開賣價都算唔錯！19年1至3月期間出發，單程飛長崎$235 起 (來回連稅$730)，睇完個價都知以後快閃日本又多一個選擇喇！而且今次真係幾好，搵到大量日子都有平飛！為咗更方便大家搵到平飛，航班只限星期二、四、六出發呀！

樂桃接佢個sis香草棒，今晚出大阪回程優惠！最平大阪飛香港$139 (連稅$284)！不過……平嘅飛自然難爭兼且出發日期得3日，只限10月28日至31日出發，但航班時候無限制！如果11至12月出發，單程就要貴多$70蚊，不過係坐夜晚果班機，所以都叫做有少少睇頭！今晚11點開搶！

香草航空係聽日下午兩點再開賣東京平飛！19年2月28日前出發，單程飛東京成田$288 起 (來回連稅$1,045)！最低價$288只限去程，回程最平$388！今次優惠出發日期同上次一樣，亦可以凌晨機去晚機返，咁就可以玩盡個假期喇！優惠聽日下午兩點開賣！

樂桃今晚特別推出「大阪我撐你！」優惠以吸引旅客支持大阪！19年3月19日前出發，單程飛大阪$148 起！航班時間包埋凌晨機去晚機返，可以玩盡每一日。而關西市面嘅交通系統亦已完全恢復，所以好歡迎大家去大阪旅遊架！優惠今晚12點開賣，一齊支持關西旅遊業啦！

ANA有幾好坐，相信好多人都知！岩岩佢地出咗個優惠，識貨嘅就唔好錯過喇！19年3月31日前出發，來回名古屋$2,350 (連稅$2,760) 咋！連稅二千八就可以歎住飛日本喇！無論係近期想去睇紅葉，或冬天去賞雪都得！票價仲已經包咗2件23KG 行李，咁想掃幾多手信返嚟都唔洗驚超重喇！

樂桃嘅優惠終於強勢回歸喇！19年3月19日前出發，單程飛大阪$298 (來回連稅$971)！連稅唔洗一千蚊！航班時間都幾靚下，凌晨機去晚機返，可以玩盡個假期！今次仲要係第一次賣到去下年三月添！優惠今晚12點開賣，岩就上官網訂啦！

ANA個最新大阪優惠打破咗新低價，平到令人難以置信呀！10月27日前出發，使用折扣代碼後，來回大阪$1,860 (連稅$2,316)！之前最低價都要賣緊2千5，今次2千3相信短期內都好難打破喇！小編私心都鍾意坐ANA，飛機餐同佢地嘅服務成正比，一樣咁Good！當然2件23 KG行李堅係無得輸！黎緊又話要加燃油附加費，嗚嗚，都係快啲買定穩陣呀！