印度呢個千年古國，充滿著各種稀奇古怪嘅事物同埋文化，想去探索嘅話機會嚟喇！印度香料航空新設咗香港直航新德里航線，11月至19年3月出發，直航來回新德里$1,870 (連稅$2,225)咋！直航印度嘅機票一向好貴，呢個價錢比其他對手平左一半有多！票價仲已包咗20公斤行李！即刻tag多幾個朋友一齊買飛去喇！
嘩嘩嘩！S7直航伊爾庫茨克平咗好多，至少減咗$500蚊咁多呀！19年1月28日前出發，直航來回伊爾庫茨克$1, 880 (連稅$2,278)！以上價錢未包行李，需要行李可以升高一個級別至Economy Flex，每程貴約$153！
蒙古航空優惠賣到明年暑假喇，唔使捱住凍去睇藍天草原呀！2019年7月18日前出發，使用折扣代碼後，直航來回蒙古烏蘭巴托$3,300 (連稅$3,403) 起，最平價錢並非每個月都會搵到，有可能會貴多$100蚊左右！仲有小編建議大家喺3月份後先好出發，因為10月開始轉凍，而烏蘭巴托貴為世界上最寒冷嘅首都，冬天溫度約零下十度到至零下三十度之間，分分鐘變冰條架！
小編諗返起幾年前去柬埔寨，平極都要三四千先飛到！不過宜家就唔同，愈黎愈多平飛選擇！19年3月30日前出發，使用折扣代碼後，坐瀾湄航空來回金邊只需$290 (連稅$834)咋！真係平到爆炸啊！票價仲包咗15 KG行李！喺金邊可以參觀S21監獄博物館同埋Killing Fields，了解紅色高棉歷史，不過想去埋吳哥窟就要額外轉飛機或者坐巴士啦！
講起中東，可能好多人都有啲興趣但無從入手，宜家機會嚟喇！10月至19年5月出發，使用折扣代碼後，坐皇家約旦航空直航來回安曼$2,810 (連稅$3,708)。呢個價錢真係好抵，平時就算轉機都要四千蚊先有交易！約旦除咗有死海，亦有文化遺產佩特拉古城，同埋瓦地倫沙漠！有咁豐富嘅景點同埋歷史文化，可以想像，喺果度旅行都會幾好玩！
講起亞美尼亞呢個國家，可能好多人都好陌生，不過其實呢個地方有好多野值得探索！19年6月30日前出發，使用折扣代碼後，坐俄羅斯航空來回亞美尼亞葉里溫$4,300 (連稅$4,879)！亞美尼亞係世界上第一個基督教國家，境內有千年歷史的修道院，全高加索最大的湖泊，而首都葉里溫的設計同埋建築物都好值得你到此一遊架！
想同另一半享受陽光與海灘，又要有浪漫+刺激行程，咁貪心一於去關島啦！19年3月31日前出發，使用折扣代碼後，直航來回關島$1,600 (連稅$2,029)。關島除咗有浪漫既水晶教堂同沙灘，仲有好多刺激野玩！例如揸飛機、跳傘等，去歐胡島北岸嘅鯊魚灣仲可以玩浮潛添架！ 去到關島自由行一定要體驗一下潛水，初學者都可以輕鬆掌握，亦唔使擔心英文唔好同教練有溝通障礙。可以探索平靜溫暖，魚類封堵的水域，用一日時…
大溪地除左係官恩娜出生地，仲係一個世界知名嘅度假勝地！不過等香港出發嘅平機票，可能等幾年都唔使旨意等到，相反如果喺奧克蘭出發就愈遠愈有機喇！11月6日前出發，坐新西蘭航空，奧克蘭來回大溪地連稅NZD589 (約港幣$3,090) !不過兩程機都唔包行李，加行李費貴多NZD40。
相信好多人都對鐵路旅行有種嚮往！十至十一月出發，坐西伯利亞鐵路由莫斯科坐到落尾海參威 (三等卧艙) 連稅都係$577蚊咋！西伯利亞鐵站全長9288公里，橫跨歐亞大陸，歷經8個時區，要七日時間先可以坐足全程架！盧布貶值令到宜家係史上最合適的時機去坐呢條夢想鐵路！去到仲可以去順手參觀埋紅場同埋冬宮添！
埃及，相信唔少人細細個就聽過呢個名！埃及航空終於出咗開航優惠！9至12月出發，使用折扣代碼後，來回開羅$4,030 (連稅$4,704)咋！去埃及除咗睇金字塔同埋木乃伊之外，仲可以坐遊輪遊尼羅河，同埋去紅海潛水架！提提大家，呢套飛要中停曼谷，但唔需要落機架，咁就可以舒舒服服咁飛到去埃及喇！