相信西伯利亞鐵路係無數旅人夢想之旅！而夢想，或者無你想像中咁昂貴！西伯利亞鐵路有個震撼低價，限十月出發，由莫斯科坐到落尾海參威 (三等卧艙) 連稅都係$623蚊咋！西伯利亞鐵站全長9288公里，橫跨8個時區，要七日先可以坐足全程！整段旅程，除咗可以同當地人天南地北咁傾計，小編覺得最好玩嘅就係參觀沿途的鐵路站，唔同城市有唔同嘅特色美食，趁停站嘅時候落車走一圈就可以舌尖遊盡俄羅斯呢！
冰島！個個人聽到都好想去！包捨窮小編在內，而這些機會宜家就放係大家面前喇！19年6月13日前出發，乘坐北歐航空，來回冰島雷克雅未克只係$4,063 (連稅$5,066)起！試諗下平時買張英國機票都要4千中+廉航$600幾蚊仲要唔包行李都Over呢嚿錢，所以今次係抵到爛嘅！
作為世上碩果僅存嘅共產國家，古巴俾人嘅印象一直都係好封閉！想去親自探索下呢個神秘國度，就唔好錯過呢個優惠喇！ 19年5月31日前出發，坐俄羅斯航空來回古巴夏灣拿只需$4,500 (連稅$6,891)！連稅七千都唔洗！係古巴，時間仿似定格咗幾十年，滿街嘅古董車堆砌成古巴獨有嘅一條風景線！除咗雪茄同埋龍蝦外，仲有不一樣嘅加勒比海風情等你領略！小編查過系統，平飛唔算多，想去嘅朋友唔好猶豫喇！
非洲，好似好遙遠又好危險！今次等小編介紹一個非洲入門好去處俾大家喇！10至12月出發，使用折扣代碼後，來回摩洛哥卡薩布蘭加$3,330 (連稅$3,838)！連稅三千八咋！摩洛哥被稱為北非後花園，氣候相對溫和，治安都算唔錯！而且當地旅遊資源豐富，既可感受阿拉伯風情，又可以深入撒哈拉沙漠探險，亦可以去Chefchaouen影藍色小屋！小編查過系統，平飛唔算太多，聖誕出發都係加約$300，岩就快手喇！
突尼西亞呢個國家大家可能聽落幾陌生，但想浪遊北非嘅機會終於嚟喇！10至12月出發，使用折扣代碼後，坐皇家約旦航空來回突尼西亞突尼斯只需$2,680 (連稅$4,110)！突尼西亞位於非洲最北端，國內有40%面積係撒哈拉沙漠，擁有延續二千幾年嘅地中海古文明！係世上少有同時擁有沙漠、古文明同埋海灘嘅國家！小編查過系統，平飛唔算多！想認識呢個低調嘅國家就唔好錯過喇！
如果想去中東旅遊，約旦係其中一個入門好地方！宜家仲出咗個罕見優惠！9月至19年3月出發，使用折扣代碼後，坐皇家約旦航空來回約旦安曼只係$2,280 (連稅$3,235)。平時就算轉機都要四千蚊先有交易！約旦以失落嘅佩特拉古城同埋死海聞名於世！背後嘅故仔真係講三日三夜都講唔完！呢張機票停留日期有成45日咁長，玩完約旦仲可以順便陸路去埋以色列耶路撒冷朝聖架！
宜家要飛到被譽為世界上最詩情畫意既馬達加斯加都唔使5千蚊呀！9月1日後出發，使用折扣代碼後，坐毛里求斯航空來回馬達加斯加安塔那那利佛$2,600 (連稅$4,717) 起！價錢真係唔錯！不過有別於以往優惠，無得加多少少錢中停毛里求斯，要同這個top 5蜜月勝地擦身而過喇！
唔知有無fans好似小編咁，自從見到土耳其張熱氣球相就好想去朝聖？阿斯塔納航空宜家有個超抵優惠！19年3月15日前出發，使用折扣代碼後，來回伊斯坦堡只需$2,400(連稅$3,532) 咋！好抵啊！土耳其橫跨咗歐亞兩洲，有眾多名勝古跡等你發掘！去到當然一定要去卡帕多奇亞，熱氣球映襯住日出真係好唯美！
早幾日先介紹完夢想之旅西伯利亞鐵路優惠！今次到直航俄羅斯遠東城市海參崴，唔知又岩唔岩大家心水呢！19年2月9日前出發，直航海參崴$1,851 (連稅$2,257)。海參崴擁有唔少軍事博物館同潛艇，亦可以感受俄式風采架！
相信坐西伯利亞鐵路係唔少朋友嘅夢想之旅！7至10月出發，直航去程海參崴+回程莫斯科$2,750 (連稅$3,127)，可以由頭到尾咁坐西伯利亞鐵路喇。呢條鐵路係世上最長的火車線，全長9288公里，足足橫跨咗八個時區架！小編都曾經坐過西伯利亞鐵路橫跨歐亞大陸，雖然要日日捱乾糧咁濟~但沿路風景，同埋途中所見嘅人事物絕對令人一世難忘。平飛集中係十月，暑假出發都係加多幾百蚊！想去嘅朋友就唔好錯過喇！Lat…