英國機票淨係稅都差唔多要二千九蚊，所以皇家約旦航空飛倫敦嘅票價真係好平好平呀，3月1日至5月31日期間出發，使用折扣代碼後，來回倫敦$1,070 (連稅$3,926)，即刻為個荷包慳咗一千蚊有多，而且轉機時間比起其他中東航空都唔算話長好多，但就要中停曼谷一陣及喺安曼轉機囉！如果好想痴住啲復活節假一齊放，最遲可以揀4月14日出發，最早則揀4月24日回程，但都要請成8日假呀！
你地等左好耐嘅野返黎！唔搶正傻仔！「港歐上」兩年後捲土重來！漢莎/瑞士航空香港來回歐洲 + 上海連稅$2,643 起，連稅計華沙$2,643、波圖$2,809、里斯本$2,820、布達佩斯$2,994、尼斯$3,154、布魯塞爾$3,167等！誇張到唔能夠形容呀！票價包23KG行李，多個航點都勁平！
嘩！差少少走漏眼啊，漢莎航空有個快閃冰島優惠，價錢都幾抵架！2至3月出發，來回雷克雅未克只需$3,100 (連稅$4,861)咋！2至3月係冰島嘅冬天，係最大機會睇到極光嘅時間，岩晒影相發燒友。去到仲可以去冰川健行，同埋去藍冰洞探險添！平飛數量唔算多，岩就把握機會去追尋極光喇！
下下都飛倫敦，不如今次飛埋去曼徹斯特玩啦！11月30日前出發，使用折扣代碼後，國泰直航來回曼徹斯特$2,772 (連稅$5,230)、倫敦格域$2,829 (連稅$5,279)！價錢仲平過之前，而且一個人出發都得！呢套飛仲可以Open Jaw，去哂兩道就唔使揀得咁辛苦啦！不過唔好嘅地方就喺旺季日子出發通通無平，即係要清大家一大半AL。
Megabus岩岩推出咗優惠，岩晒大家平玩英國！3月14日前出發，英國境內巴士線單程只需£3 起 (約港紙$31 起)！好似倫敦往伯明翰 £3 (約港紙$31)、往牛津都係£5 (約港紙$52)咋！真係好平啊！喺倫敦市內就咁搭程地鐵最平都要成£3，但宜家差唔多價錢就可以去到其他城市喇！小編查過系統，平巴士飛都幾多，仲有好多其他路線俾你揀，有興趣嘅可以去望望！
Yeah！阿聯酋航空又有優惠俾大家平飛英國喇！11月30日前出發，使用折扣代碼後，來回倫敦$1,650 起 (連稅$4,426 起) 咋！相信大家都知道倫敦有好幾個機場，今次優惠特別在可以俾大家自由搭配進出機場，你可以喺希思路機場入境，回程由格域機場飛香港，或者需配搭廉航嘅話，去程可以飛斯坦斯特機場，返嚟倫敦玩多一兩日再經希思路機場返香港，價錢都係差唔多咋！咁就可以緊貼返自己行程喇！
呢排有唔少歐洲優惠，連瑞士/漢莎航空都唔執輸！12月31日前出發，坐瑞士/漢莎航空轉機來回歐洲各大城市只需$2,110 起 (連稅計日內瓦$3,892、維也納$3,944、羅馬$3,947、哥本哈根$3,953、布拉格$3,954、阿姆斯特丹$3,990等)！今次優惠價錢都算幾抵下，連稅唔洗四千就已經飛到好多歐洲城市，仲可以openjaw玩多幾個地方添！而且喺歐洲轉機有個好處，就係可以慳返好多轉機…
東歐嘅平飛小編平時好少介紹！但今次卡塔爾航空推出嘅羅馬尼亞優惠好正呀！10月31日前出發，使用折扣代碼後，來回羅馬尼亞布加勒斯特$2,430 (連稅$3,793)！羅馬尼亞有「吸血鬼故鄉」之稱，大家一定要去下布蘭城堡，因為係吸血鬼德古拉弗拉德三世住過嘅城堡黎！而且仲有唔少世界遺產，部份都市或小鎮仲係之前德國薩克森歷史遺跡。北部Maramures更有10座以上嘅木造教堂群，手工繪製聖像佈滿整座教堂，…
國泰嘅倫敦直航回港優惠再次開賣！11月20日前出發，國泰倫敦 (希斯路/格域) 直航來回香港$1,929 起 (連稅$4,360)。呢個價錢以國泰嚟講都算平，但要留意返有可能來回係唔同機場，唔好去錯地方！另一賣點就係由格域機場來回可以坐到A350客機，正呀！最近有需要返黎香港就睇下岩唔岩啦！
如果想去一個長啲嘅出走假期，小編建議大家坐西伯利亞鐵路，由莫斯科到海參威 (三等卧艙) 連稅只需5,075 RUB (約$599) 起！價錢除咗平，仲可以喺正年初一出走，七日時間足以避哂成個年！而整段鐵路有9,288公里，歷經8個時區，一路通往歐洲內陸，喺由古至今都係前往歐洲最平嘅方法黎架！小編自己都好想去一次呀！
