由今日開始芬蘭航空將會做11月歐洲優惠！19年4月30日前出發，使用$200折扣代碼後，來回歐洲各大城市$1,400 起，連稅計里加$2,828、華沙$2,960、斯德哥爾摩$3,230、巴黎$3,356、倫敦$4,318)！最平連稅2千8咋飛到歐洲堅抵抵抵抵抵呀，而倫敦四千中都叫做合格有餘喇！至於其他歐洲航點就麻麻地！
北歐航空歐洲優惠第x次延續！呢個絕對係好事，即係仲有機買到連稅3千幾嘅歐洲機票呀！19年6月14日前出發，使用折扣代碼後，來回歐洲各大城市$2,450 起，連稅計都柏林$3,551、日內瓦$3,678、阿姆斯特丹$3,665、蘇黎世$3,764、羅馬$3,723、巴黎$3,770、布魯塞爾$3,760等！
少有喎！俄航獨市嘅莫斯科都減價，仲要有多個$200折扣代碼使，折後直航來回莫斯科$2,800 (連稅$2,898) 起！2千幾直航仲唔抵玩呀，不過唔同日子出發，價錢會有少少唔同，但都係維持2千8至3千左右，海鮮價呀！宜家盧布咁低，食野買野仲平，餐餐食好西完全唔使睇價錢咁滯～
唔好見到英航就以為係倫敦優惠！其實佢其他歐洲航線一樣咁SO~好似以下呢條航線咁！19年6月12日前出發，二人同行來回里斯本$2,826 (連稅$4,299)！對於長期貴過人嘅里斯本，都算係值得入手！不過小編發現有部分日子出發，其中一程坐維珍會平$112蚊左右，仲抵！但日子就難搵啲，一定要撞呀！
英國直航優惠齊哂章喇！因為國泰都跟住減到5千蚊以下，19年4月30日前出發，二人同行直航來回倫敦每人$3,450 (連稅格域$4,775、希斯路$5,043)！就連曼徹斯特都有減，價錢只需$3,450 (連稅$4,777) 起！真係比以前平咗多多聲～Fanfare都做唔到呢個價呀！不過暫時見到得淡季有平飛咋！
正當倫敦線減得如火如荼！原來維珍嘅曼徹斯特都有減！仲要係4千蚊咋咋咋咋咋咋！19年6月12日前出發，二人同行來回曼徹斯特每人$2,170 起 (連稅$4,006)！而倫敦轉飛曼徹斯特果程係坐英航！雖然無得中停倫敦，但係轉機時間都可以喺希斯路機場買下野！
身在倫敦嘅fans有無搵緊平機票返香港呀？宜家維珍推出回港優惠，拿拿臨一解思鄉病啦！19年7月5日前出發，維珍航空倫敦直航來回香港$755 (連稅$4,223)！連稅4千2到就可以直航飛到返黎見下屋企人，而且仲係坐夢幻787客機添！如果你地又掛住外國班親戚朋友都可以召喚佢地返黎香港架！
國泰嘅歐洲平飛不知不覺再減價，最低價連稅4千2咋！19年6月13日前出發，國泰直航來回歐洲$3,875 起，連稅計都柏林$4,242、巴塞羅拿$4,340、阿姆斯特丹$4,355、馬德里$4,388、米蘭$4,403、布魯塞爾$4,431、蘇黎世$4,436、羅馬$4,548、巴黎$4,649、法蘭克福$4,938、倫敦$5,117、曼徹斯特$5,172。
飛倫敦嘅機票真係越出越平！今次到維珍來回連稅4千5咋！19年6月15日前出發，維珍直航來回倫敦$2,928 (連稅$4,506)！真係好耐無見過呢個低價重現，而且仲可以坐到夢幻787客機添！提提大家，訂飛時要留意寫明有寄艙行李先有23KG行李架！
歐洲交通係其中一個好燒錢嘅環節，所以唔想荷包啲錢咁快殆盡，小編建議歐遊可以坐巴士！其中長期以平取勝嘅Flixbus，19年4月11日前出發，單程往各地歐洲城市€3.99 (約港幣$36) 起！Flixbus旗下有多條歐洲巴士路線，基本上你嗡得出名嘅城市都會搵到，而且比起坐火車唔會慢好多 ，大約相差1小時左右 (無Delay的話)！