嘩～萬眾期待嘅國泰fanfares 激安大減Round 2黎喇！繼續有4個航點做減價，11月30日前出發 (視乎航點)，連稅計曼谷$1,390、首爾$1,695、福岡$2,901、洛杉磯$4,982。要數最吸引當然係曼谷同首爾線，價錢仲直逼今年最低價添！另外福岡同洛杉磯就比平常fanfares價再平啲。記得準時較鬧鐘起身，先有機會搶到曼谷/首爾暑假尾平飛架！
不得了！每個航點至少平五百蚊以上！國泰fanfares激安第一擊開波，票價果然不負所望呀！今次有4個航點減價，11月11日前出發 (視乎航點)，連稅計台北$1,299、新加坡$1,592、東京$2,396、西雅圖$4,492！小編講到明要Mark實台北同東京，台北全年優惠賣緊千六/七，而東京講緊長期企硬三千七/八，篤下計數機就知足足平成千銀呀，而且快過人搶分分鐘搶到暑假尾平飛！至於西雅圖自開航以黎…
雖然已經放完復活節假，但係仲有唔少復活優惠可以延續快樂，好似加航就有個黃刀鎮優惠！9月至20年3月出發，來回黃刀鎮$7,060 (連稅$7,666)！平時飛溫哥華/多倫多都要五六千，宜家加多少少就可以飛埋去黃刀鎮喇！票價已包2件23KG行李，呢點非常好，因為如果分開買嘅話內陸機唔包行李，仲會賣到貴一貴添架！
國泰好耐都無出過美國優惠，宜家叫係出咗個幾抵嘅洛杉磯返港優惠！8至12月出發，洛杉磯來回香港只需$1,655 (連稅$3,681)！今次優惠有成六個月停留期，各位旅居洛杉磯嘅朋友可以返香港小住一陣喇！
聯合航空最近成日都有last minute優惠，好似宜家去洛杉磯連稅三千四咋！5月10日前出發，來回洛杉磯$1,488 (連稅$3,466)！票價已包2件23KG 行李，咁係outlet掃幾多katespade手袋同埋Levi’s牛仔褲都夠位裝喇！
香港出發溫哥華嘅平飛一直唔見有減，但反而回港有平呀！6月12日前出發，香港航空溫哥華直航來回香港$2,376 (連稅$3,581)。不過搵過系統唔見有好多飛，掛住香港嘅屋企人就快啲訂，順便番黎喪食香港美食解下思鄉病！
自從達美航空無飛西雅圖之後，要去果邊要轉至少一次機，宜家終於等到國泰開航喇！7月11日前出發，使用折扣代碼後，直航來回西雅圖只需$3,050 (連稅$4,776)！票價已包兩件23KG行李，連七月出發都有平！獨市航線好少減，岩就快手喇！
加航開賣回港探親優惠，有邊個喺加拿大嘅fans想返香港丫？！20年2月27日前出發，乘坐加拿大航空由溫哥華直航來回香港$2,296 (連稅$3,786)，以上價錢包咗2件23KG 行李，記得買定啲加拿大手信派俾屋企人同朋友啦！
好衰架！又賣到咁鬼平，究竟係未要迫人飛美國咋！3月22日前出發，美國航空直航來回洛杉磯$1,620 (連稅$3,294) 起！呢個價絕無對手可以打倒，連港航都唔得呀！票價包2件23KG行李，而且飛AA仲可以儲里數添呀，小編坐過一次唔係好差！
今次好多亞洲城市，不過睇黎都唔算好抵，可以格埋其他航空公司價錢先！連稅計來回吉隆坡$1,683，而沖繩都要$2,482，麻麻地！