新一個星期就梗係要搶下機票喇！HK Express今個星期一次過出咗20個航點優惠！19年2月19日前出發，台灣$218、東南亞$248、韓國/日本$378 起！連稅計台中$618、芽莊$633、石垣島$638、峴港$686、熊本/高松/廣島/鹿兒島$758起！今次個價錢都算幾抵，特別係台中同埋石垣島！優惠一陣9點開賣！
韓亞嘅全年平飛賣到下年初夏啦！19年6月30日前出發，使用折扣代碼後，來回首爾$1,450 (連稅$1,885)！大家可能會問小編點解要咁早買定呀？下年買都未遲喇～是的是的！之不過呢個係長期優惠，無訂飛日期限制，即是隨時個價會再貴咗，同時愈早買就愈著數，好似宜家咁有大量凌晨機去晚機返嘅日子呀，無航班時間限制，鍾意揀邊班機都得！
HK Express買去送回最後一輪喇！基本上得番啲水尾平飛，得清邁連稅八百六囉！19年9月16日前出發，來回泰國$398、韓國$598、日本$798 起！連稅計清邁$860、釜山/濟州$1,023、名古屋$1,248、塞班$1,257、寧波$890！見到啲航點同價錢…唔一定飛就唔好買啦！一陣間9點開賣！
釜山航空終於都肯大減價啦！為慶祝十周年，來回連稅$761咋！抵爆！12月31日前出發，單程飛釜山$170 (來回連稅$761)！自從無咗行李後都未試過咁平，所以計埋行李千三有找都好抵囉！釜山航空仲係凌晨機去晚機返，放工出發去玩都無難度！平飛有限，官網開賣緊岩就入手喇！
HK Express買去送回！19年9月16日前出發，來回台灣$328、東南亞$398、韓國$598、日本$798 起！連稅計台中$728、芽莊$783、峴港$836、首爾$1,060、東京成田$1,251、大阪$1,281！一句講完，都係咁無特別，相反上星期個週末優惠仲吸引~一陣間9點開賣！
濟州航空出咗個last minute飛首爾優惠！11月出發，乘坐濟州航空，香港來回首爾$523 (連稅$993)咋！今次可以平飛去睇紅葉喇！航班時間都算唔錯，可以凌晨機去晚機返，玩盡個假期！小編查過系統，平飛唔算太多，要去就快喇！
香港航空有個限時三日嘅優惠！又要開動搶平飛喇！12月19日前出發 (視乎航點)，來回台北$510 (連稅$898)、沖繩$800 (連稅$1,129)、首爾$890 (連稅$1,345)、曼谷$900 (連稅$1,355)、岡山$1,200 (連稅$1,460)、峇里$2,520 (連稅$2,895)！台北連稅唔洗九百真係抵到爆！沖繩同埋首爾都係必搶！平飛手快有手慢無！
HK Express今日推出新一輪優惠！即買即出發，最平台灣連稅$676！12月10日前出發，單程飛台灣$138、東南亞$158、日本/韓國$238 起，來回連稅計台中/花蓮$676、芽莊$708、石垣島$736、熊本/高松/廣島/鹿兒島$896、釜山/濟州$901、首爾$938、福岡$971！花蓮仲有最後機會平飛，其他低過一千岩日子都入得過！官網已經開賣緊啦！
一陣朝早9點濟州航空開賣新一輪首爾平飛！又可以過一個白雪雪嘅冬天之旅啦！2019年1月1日至2月28日出發，使用優惠券後香港單程飛首爾$495 (來回連稅$1,446)、澳門首爾MOP405 (來回連稅$1,536)，無論新舊會員都可以拎到$100 優惠券使用架！今次話包埋農曆新年都有平飛，大家睇下好唔好運搶到啦！
Happy Saturday！今日有買來回去程一蚊最後一擊！19年9月3日前出發 (視乎航點)，來回台灣$329、韓國$429、日本$599 起，來回連稅計花蓮$723、釜山$848、熊本$1,053、塞班$1,191、名古屋$1,251、寧波$807！今次航點可能係花蓮平飛最後一次入手機會，其他航點價錢就一般般喇！優惠宜家開賣緊架喇！