前排大韓航空套全年飛已經平咗唔少,估唔到近期出發出發再減,連稅千8有找呀!12月12日前出發,來回首爾只需$1,003 (連稅$1,754)。價錢一向包23KG 行李同韓式餐,仲繼續有得凌晨機去晚機返添!
大韓航空
之前各間航空公司都推出咗超抵嘅韓國優惠,小編岩岩發現平飛捲土重來,仲賣到去下年9月啊!20年9月4日前出發,坐大韓航空來回首爾只需$1,200 (連稅$1,872)。今次優惠連住勞動/端午/七一紅日都有平,超級抵飛,而且賣到去一年之後,嚟緊可以早啲計劃行程喇!優惠價錢已包23KG 行李,而且同之前一樣都幾多航班時間選擇架!
呢排啲韓國優惠無停過,岩岩小編發現大韓航空又再減咗佢個首爾優惠,真係平到好誇張啊!9月至20年3月出發,坐大韓航空來回首爾只需$1,100 (連稅$1,753)。價錢已包23KG 行李,而且同之前一樣可以揀凌晨機去晚機返架!今年可以平飛去首爾玩雪喇!
大韓延續咗個佢首爾優惠,仲賣到去下年三月添!9月至20年3月出發,坐大韓航空來回首爾只需$1,200 (連稅$1,820)。承接傳統,呢個優惠有唔少航班時間選擇,可以凌晨機去晚機返架!今次出發日期都幾長,嚟緊個冬天可以飛去首爾賞雪同埋食韓燒喇!價錢已包23KG 行李!
可能係之前韓亞減得太勁,搞到大韓都忍唔住將啲票價一減再減!8月28至9月26日出發,坐大韓航空來回首爾只需$1,150 (連稅$1,809)。價錢已包23KG 行李,仲有好多航班時間選擇,可以凌晨機去晚機返!雖然出發日期好短得一個月,但呢段時間咁岩就係太陽花嘅旺季,可以衝過去夢幻太陽花海打卡喇!
呢排韓風減價戰無停過!大韓亦都加入減至二千樓下!10月31日前出發,大韓航空來回首爾$1,206 起 (連稅$1,991),價錢已包23KG 行李,航班時間仲可以凌晨機去晚機返!秋天遊首爾當然要賞下花,仲可以跟住小編之前介紹睇粉紅夢幻芒草架!
講起北海道,相信唔少人都心思思想飛返轉,大韓航空岩岩就開咗首爾飛旭川新航線,可以俾多個新選擇大家飛北海道!9月30日前出發,經首爾轉機來回旭川只需$2,568 (連稅$3,311)!淨係見到連稅三千三飛北海道已經夠晒吸引,想停埋首爾食韓燒都係加約六百蚊!去北海道唔使次次飛札幌咁悶喇!
近排啲韓元係咁跌,真係心郁郁想飛轉去首爾瘋狂購物呀!10月31日前出發,大韓航空來回首爾$1,410 起 (連稅$2,117),價錢包埋23KG 行李同韓式拌飯飛機餐,航班時間仲可以凌晨機去晚機返呀!除咗韓元大跌好吸引外,10月中打後仲係紅葉盛放日子,仲唔把握機會計劃個首爾賞楓購物團!
有時想快閃去下旅行,揀返個平套票一次過搞掂機票+住宿真係幾方便!宜家大韓航空有個幾抵嘅套票優惠,5月1日至7月4日出發 ,來回首爾4日3夜套票每人只需$2,406 起咋!比淨買機票貴少少少少少咋!平得嚟航班時間又夠晒靚,可以早機去晚機返,開開心心玩盡韓式假期喇!
生日快樂!大韓航空50週年啦!宜家有慶祝活動推出咗獨家95折折扣代碼!只要3月份出發,仲可以買到Last minutes平機票,香港來回首爾票價只需$1,270 (連稅$1,924) 咋,包23KG 行李同韓式拌飯飛機餐!至於3月後出發,都可以用到折扣代碼訂機票,除咗首爾,仲可用嚟訂其他喺香港出發之航線架!