平機票

少有喎！俄航獨市嘅莫斯科都減價，仲要有多個$200折扣代碼使，折後直航來回莫斯科$2,800 (連稅$2,898) 起！2千幾直航仲唔抵玩呀，不過唔同日子出發，價錢會有少少唔同，但都係維持2千8至3千左右，海鮮價呀！宜家盧布咁低，食野買野仲平，餐餐食好西完全唔使睇價錢咁滯～

阿聯酋航空嘅曼谷優惠延長，上次miss咗就把握今次機會喇！19年3月31日前出發，使用折扣代碼後，來回曼谷$1,050 (連稅$1,393)。不過就限平日出發及回程，打後出發就每程貴約一百啦。價錢已包30 KG行李，可以爆買返香港！聽聞阿聯酋天日就開始收燃油附加費喇~

是咁的..香草航空將會開賣東京平飛，話就話無收燃油附加費，但係票價貴咗囉！19年3月30日前出發，單程飛東京成田$388 起 (來回連稅$1,244)。最低價$388只限去程，回程最平$488 (姐係來回貴咗兩舊水)。雖然平飛賣到首到3月尾，但咁嘅價錢唔係幾買得落手啦！聽日下午兩點開賣！

正呀！Jetstar聽日推出限時12小時優惠，來回日本連稅都係$821 起！19年5月29日前出發 (視乎航點)，單程飛河內/峴港$148、大阪$178、新加坡$188、東京$248 起 (來回連稅峴港$723、河內$762、新加坡$828、大阪$821、東京$954)！日本兩個航點價錢都入得過，越南消費平最岩去hea玩幾日！優惠只賣到聽晚10點咋。

傻的嗎！點解可以賣到咁平架！19年9月18日前出發，坐澳航直飛澳洲各大城市$2,557 起 (連稅計墨爾本$3,478、布里斯本$3,643、悉尼$3,650)！完全直迫轉機價，玩哂呀！如果唔怕麻煩要轉機，飛阿德萊德都係$2,731 (連稅$3,888)！小編建議買平飛要快手喇！因為暫時仲未收到風澳航會收燃油附加費，不過今日唔知聽日事，分分鐘話收就收，唉！

長榮航空都推出加班優惠，一於去台北101倒數迎2019年啦！長榮航空來回台北$773 (連稅$1,160)。出發日期限12月27及28日出發，回程就限1月3日或之後，價錢已包咗30KG 行李。今年可以係台灣倒數喇！

唔好見到英航就以為係倫敦優惠！其實佢其他歐洲航線一樣咁SO~好似以下呢條航線咁！19年6月12日前出發，二人同行來回里斯本$2,826 (連稅$4,299)！對於長期貴過人嘅里斯本，都算係值得入手！不過小編發現有部分日子出發，其中一程坐維珍會平$112蚊左右，仲抵！但日子就難搵啲，一定要撞呀！

英國直航優惠齊哂章喇！因為國泰都跟住減到5千蚊以下，19年4月30日前出發，二人同行直航來回倫敦每人$3,450 (連稅格域$4,775、希斯路$5,043)！就連曼徹斯特都有減，價錢只需$3,450 (連稅$4,777) 起！真係比以前平咗多多聲～Fanfare都做唔到呢個價呀！不過暫時見到得淡季有平飛咋！

去厭咗東京同大阪？咁不如去轉九州及中国地區啦！宜家last call遊仲有平飛架！10月30日至12月19日出發 (視乎航點)，香港航空來回岡山$1,200 (連稅$1,460)、鹿兒島$1,330 (連稅$1,590)。兩條線嘅航班都算午去晚返時間唔錯，而且仲包埋20 KG 行李，廉航都未必有呢個價啦！

正當倫敦線減得如火如荼！原來維珍嘅曼徹斯特都有減！仲要係4千蚊咋咋咋咋咋咋！19年6月12日前出發，二人同行來回曼徹斯特每人$2,170 起 (連稅$4,006)！而倫敦轉飛曼徹斯特果程係坐英航！雖然無得中停倫敦，但係轉機時間都可以喺希斯路機場買下野！