又唉又正！港航再次係小編臨收工先黎出優惠，不過有平機票，呢句希望多多都可以講喇！2019年1月22日前出發 (視乎航點)，來回台北$510 (連稅$895)、胡志明市$570 (連稅$1,000)、曼谷$850 (連稅$1,300)、沖繩$920 (連稅$1,250)、首爾$1,150 (連稅$1,600)、大阪$1,200 (連稅$1,670)、札幌$3,560 (連稅$3,860)、奧克蘭$3…
平機票
今期Fanfares 總共有8個城市加3個套票優惠！出發日期係7月中或9月頭，推介既有來回河內$1,080 (連稅$1,548)、阿德萊德$3,480 (連稅$4,441)、三藩市$3,480 (連稅$4,348)、蘇黎世$3,980 (連稅$4,582)！3日2夜套票有東京$3,260 (連稅$3,700)、馬爾代夫$14,610 ($15,330)！馬爾代夫咁貴真係好想知究竟係住邊啲乜野呀！
非洲，好似好遙遠又好危險！今次等小編介紹一個非洲入門好去處俾大家喇！10至12月出發，使用折扣代碼後，來回摩洛哥卡薩布蘭加$3,330 (連稅$3,838)！連稅三千八咋！摩洛哥被稱為北非後花園，氣候相對溫和，治安都算唔錯！而且當地旅遊資源豐富，既可感受阿拉伯風情，又可以深入撒哈拉沙漠探險，亦可以去Chefchaouen影藍色小屋！小編查過系統，平飛唔算太多，聖誕出發都係加約$300，岩就快手喇！
上次Jetstar優惠獨欠東京，總係覺得差咁啲野咁！今次優惠再接再推，加返個東京，即刻捕得過呀！19年3月25日前前出發 (視乎航點)，單程飛河內/峴港$148、新加坡$188、大阪$228、東京$268 (來回連稅計峴港$718、河內$757、新加坡$816、東京$901、大阪$922)！除咗日本叫做抵得諗，其餘可以留返下次呀！而且東京時間唔差，開賣緊喇！
尋日先做完買來回去程1蚊，今日又有買去程送回程。唉真係沒完沒了！19年6月17日前出發，HK Express來回台灣$328、日本/韓國$598 起。連稅計台中$723、石垣島$853、鹿兒島1,053、首爾$1,055、福岡$1,128。小編對以上價錢真係無咩意見…唔爭在等多陣優惠囉！官網已經開賣緊！
爽呀！爽呀！暑假遊韓國竟然唔使1千蚊！7至9出發，乘坐濟州航空，香港單程飛首爾$260 (來回連稅$981)！今次絕對係一個暑假出發去旅行嘅契機，以淡季價飛暑假，以往簡直係天荒夜談喇！不過票價未包寄艙行李，加埋行李預千4,5到～所以預咗自己買得多野，可以去程無行李，回程買高一級別嘅「折扣機票」喇！已經開賣緊喇，但暑假平飛在那？
一個地方有齊動物+極光+季節花睇你話正唔正？新航+維珍澳洲航空一齊推出塔斯曼尼亞平飛！19年3月31日前出發，使用折扣代碼後，來回塔斯曼尼亞$3,000 (連稅$4,157)！9月尾前出發仲可能睇到粉紅南極光，或者去探小企鵝都得！鍾意花嘅可以係9月睇櫻花、10月鬱金香同芥花、11月罌粟花添呀！查過系統平飛數量唔多，不過好彩仲有暑假尾出發，要入手就快喇！
法國殺入世界盃決賽，法航就即刻有所動作，推8折優惠齊齊賀下佢！10至12月出發，折後直航來回巴黎$3,680 (連稅$4,498)！之前都未試過賣到咁平架，又可以慳返轉機嘅時間！不過名額得50個，睇黎今次先攻先著數！
HKExpress買來回去程1蚊黎到最後一擊！今次總共減6個航點呀！19年6月14日前出發，來回泰國$329、日本/塞班$799 起！連稅計清邁/清萊$856、布吉$965、塞班$1,191、名古屋1,252！價錢一般般，除非真係好last minutes出發，如果諗住下年先出發嘅 (旺季日子另計) 咁不妨再等下更抵優惠喇！優惠一陣9點鐘開賣！
唔知以下呢個國泰台北平飛滿唔滿足大家需要呢？19年1月30日前出發，最平來回台北只需$889 (連稅$1,340 起)。價錢唔算太貴，而且性價比夠哂高呀！航班時間方面少咗好多限制，唔使飛啲地獄時間，而且孖住中秋/國慶/重陽紅日假都得，最驚喜係連跨年出發好似12月30日去程，19年1月5日回程都有！而黎緊暑假出發都係貴多$175蚊咋，真心無得輸架！優惠只賣三日咋！
