其實南美距離香港真係好遠好遠，平時最平都要成七八千先飛到過去，宜家竟然六千蚊唔使就搞得掂！9月至20年2月出發，來回利馬$3,820 (連稅$5,813)！真係好抵，係小編見過最平嘅價錢！票價已包2件23KG行李！
平機票
HK Express呢排真係越嚟越貴，睇到小編都無咩心機！20年5月25日前出發 (視乎航點)，來回台灣$336、日本$366、東南亞$406、韓國$606 起。連稅計台中$890、芽莊$958、峴港$1,005、曼谷/清萊/清邁$1,036、熊本/石垣島$1,101！機票不似預期~不過岩日子都可以諗諗嘅！
成日都聽到人講北海道有幾正，宜家港航就有張平飛俾大家親身飛過去感受下！9至11月出發，使用折扣代碼後，來回札幌只需$2,730 (連稅$3,449)！連稅三千四直航飛北海道都算幾抵！而且航班時間夠晒靚，早機去下午機返，價錢仲已包咗20KG行李添！
國泰開賣埋曼谷下半年優惠，仲有埋暑假尾出發平飛添！12月18日前出發，使用折扣代碼後，來回曼谷只需$903 (連稅$1,647)！比上次last minute出發都係貴十零蚊咋！嫌上次出發日期趕得滯，今次就俾你慢慢諗清楚幾時有大假去出發喇！價錢同樣包埋30KG行李，午去午晚夠哂玩呀！
樂桃3,000萬人次感謝祭終於到香港出發優惠！10月26日前出發，樂桃航空單程飛沖繩/大阪$250 起 (來回連稅計沖繩$908、大阪$948 起)！而來回大阪連稅一千有找，只限7月4至11日出發，打後出發每程都係貴$50，係平時優惠價！沖繩就貴咗少少，岩時間先好訂啦！優惠喺23號凌晨開賣！
阿聯酋延續咗之前嘅優惠，仲減多少少添！11月30日前出發，來回歐洲各大城市只需$1,790 起，連稅計雅典$3,682、米蘭$3,666、巴塞隆那$3,784、奧斯陸$3,901 等等！以阿聯酋航空嚟講呢個價錢算係唔錯，不過留意返宜家得返25KG 行李！
正呀！韓亞首爾嘅全年平飛重臨！仲有機會買到暑假尾加跨年倒數平飛！12月31日前出發，使用折扣代碼後，來回首爾$1,300 (連稅$1,990) 咋！好多航班日子仲可以揀凌晨機去晚機返，包埋飛機餐同23KG 行李，鍾意坐傳統航空嘅你地唔好錯過！
北歐航空再有冰島優惠，可以俾大家平價圓極光之夢！20年6月14日前出發，使用折扣代碼後，來回冰島雷克雅未克$3,940 (連稅$4,871)！每年嘅9至4月都係冰島嘅極光旺季，可以瘋狂去影靚相，仲可以去藍湖浸溫泉，同埋去國家公園健行呢！
樂桃航空原來已經服務過三千萬人次，為咗慶祝呢個里程碑，佢地推出咗個優惠！7至10月出發 (視乎航點及優惠日期)，大阪單程飛香港只需3,000円 (約$218 起)，連稅5,540円 (約$402 起)；沖繩單程飛香港更只需2,000円 (約$145 起)，連稅4,000円 (約$290 起)！今次優惠票價全部二百左右有交易，岩就記得聽晚9點去搶飛喇！
之前小編同大家介紹過越南航空飛英國最平，岩岩小編發現佢又有優惠喇！9月至20年3月出發，來回倫敦$1,000 (連稅4,082)咋！今次優惠比上次又平咗啲啲，雖然去唔返之前三千幾嘅瘋狂價錢，但如果你想搵最平飛去倫敦就只此一家喇！優惠票價已包30KG行李及餐飲，仲可以坐到夢幻787客機添！轉機時間長嘅話出市區食個pho都係一個幾好嘅選擇！