可能好多朋友都未必知道，阿聯酋嘅首都唔係最出名嘅杜拜，而係隔離嘅阿布扎比！想平飛去呢個奢華王國首都嘅話，就要留意呢個優惠喇！19年5月31日前出發，坐阿提哈德航空直航來回阿布扎比只需$2,910 (連稅$3,497)！去到就梗係要去超豪華嘅阿布達比大清真寺同埋法拉利樂園朝下聖喇！有時間嘅話搭巴士去玩埋杜拜又得﹗
平機票
想舒舒服服咁去日本過返個白色之旅嘅話，日航呢個東京優惠就岩晒你喇！19年3月31日前出發，使用折扣代碼後，來回東京$2,500 (連稅$3,386)。以坐五星日本航空嚟講，價錢算係幾抵！小編特別鍾情於佢個飛機餐，好好食仲要好精緻，真係正到不得了！坐日航另一好處就係票價已包咗2件23KG 行李，睇雪之餘可以瘋狂掃貨喇！
韓風真係無停過呀！岩岩香港先舉行完2018 MAMA頒獎禮，韓迷肯定心思思又想飛去啦！19年3月31日前出發，韓亞航空來回首爾$1,270 (連稅$2,017)！趁佢仲未加燃油前好訂定飛，而且仲可以揀凌晨機去晚機返，包埋23KG行李同享受下oppa/韓妹空姐服務啦。
拿！有睇開我地flyday都知黎緊呢個deal真係可遇不可求，基本上出現率喺半年先得一次，仲要次次都要趕頭趕命出發！只限1月出發，直航去程海參崴 + 回程莫斯科約$2,521 (連稅$2,910) 起！無優惠嘅時候至少四千蚊以上，今次二千九算係咁啦！不過出發日子得3日，唔喺呢3日出發可能會貴多$300蚊以上！至於大家最重視嘅西伯利亞鐵路，喺呢段時間坐大約千二蚊港紙左右，連埋食/雜費約莫應該六千蚊有…
國泰出完果幾個勁抵嘅fanfares優惠之後，實行唔俾大家抖，又再出多個超抵澳洲優惠喇！19年8月31日前出發，使用折扣代碼後，直航來回悉尼/墨爾本/布里斯班$1,820 起 (連稅計墨爾本$3,983、布里斯班$4,055、悉尼$4,076) 咋！以坐國泰嚟講價錢都算唔錯，重點係連暑假都有平！而且套飛仲可以open jaw，可以一次過玩多個地方喇！小編查過系統，平飛都算幾多，下次不如去澳洲喇！
近排啲優惠唔係泰國就澳洲，好似無咩新意咁！好彩今日小編就搵到加航直飛溫哥華嘅平飛，只限19年4至5月出發，來回溫哥華$2,492 (連稅$4,498)！雖然價錢比以往貴咗少少，但宜家其他轉機航空都賣緊5千幾一位 (國貨航空除外)，所以4千幾坐直航都好合理啦！票價仲包2件23kg行李，記得去超級市場狂掃貨呀！
保加利亞位於巴爾幹半島，係一個擁有多元文化同埋歷史嘅國家！想去探索嘅話機會嚟喇！19年5月31日前出發，來回保加利亞索菲亞$2,544 (連稅$4,181) 咋！保加利亞係歐洲第三多古蹟嘅國家，首都索菲亞處處可見羅馬帝國遺址，就連著名景點聖索菲亞教堂都係就咁起喺古羅馬劇場上面呢！保加利亞亦係溫泉大國，可以去果度歎下溫泉喇！小編查過系統平飛都有唔少，連last minute聖誕檔期都有少量平飛！岩就…
芬蘭航空推出直航平飛，連稅4千5就可以飛去全球最快樂國家喇！19年10月31日出發，使用折扣代碼後，直航來回赫爾辛基$4,220 (連稅$4,522)！票價已包23KG行李，來回機程仲可以坐到A350飛機！夏天去可以喺湖邊釣下魚、散步、踩單車，而秋冬就可以去搵聖誕老人同睇滿天北極光，唔怪之得芬蘭人生活咁happy啦！
仲有幾日就係聖誕節喇，唔知大家買晒禮物未呢？Jetstar岩岩推出咗個Christmas Sale，提早派聖誕禮物俾大家！19年9月19日前出發 (視乎航點)，單程飛河內/峴港$128、大阪$188、新加坡$188、東京$248 起 (來回連稅計峴港$683、河內$722、大阪$861、東京$914、新加坡$920)！價錢真係算係好唔錯！而且今次日本線開賣到下年6月尾、新加坡仲去到9月中添！加埋行…
Fanfares 優惠印尼優惠澳紐優惠美加優惠韓國優惠
首爾連稅唔使千六！洛杉磯跌穿四千！fanfares 2018 final call最後一擊！連稅計來回首爾$1,597、洛杉磯$3,991、布里斯本$3,917 – 國泰航空/國泰港龍航空
國泰fanfares final call嚟到最後一輪喇，真係好唔捨得啊！今次有5個超值航點優惠，19年5月31日前出發 (出發日期視乎航點)，連稅計來回首爾$1,597、洛杉磯$3,991、布里斯本$3,917、棉蘭$1,015、倫敦格域$4,971、倫敦希斯路$4,983，價錢真係好抵啊！特別係首爾，連稅唔使千六真係好誇張，無理由唔搶！小編覺得洛杉磯連稅唔使四千都好抵玩！優惠陣間8點開賣！提提…
