平機票

廢話少講，直入正題！繼澳航出左個震撼價，宜家連維珍澳洲航空都要減埋一份呀！限明年2至3月出發，直航來回悉尼只需$2,330 (連稅$3,350)咋！價錢堅係有得同澳航撼，航班時間一啲都唔輸蝕，而且有成3個月停留期限添呀！平機票宜家就有啦，仲唔搵返個肯陪你飛長途嘅腳！

小編覺得歐洲人真係好幸福，一餐飯嘅價錢就可以出國玩喇！Ryanair出咗新一期內陸機優惠，歐洲內陸線單程連稅只需£4.44起 (約港紙$39)！係香港食餐茶記都唔止！小編睇返優惠航線都幾多，平過坐巴士同埋火車多多聲。嚟緊去歐洲玩就記得唔好錯過，可以自製行程去多幾個國家玩喇！

今次4千1飛新西蘭雖然唔算最抵價，但可以玩哂南北島就唔同講法！19年6月30日前出發，維珍澳洲航空來回奧克蘭/基督城$3,593 起 (連稅計基督城$4,123起、奧克蘭$4,161)！Open jaw價錢一樣，但就可以基督城入、奧克蘭出，而且包埋2件23KG 寄艙行李。去到新西蘭當然要去探下羊羊同親親大自然，靚景真係睇到嘩嘩聲架！

黎到HK Express聖誕優惠最後一擊！睇下有無岩心水航點即入手，新航線長崎都有平架！19年10月26日前出發，單程飛泰國$158、韓國$228、日本$298 起！連稅計清邁$896、長崎$974、釜山$999、東京羽田/名古屋$1,184、塞班$1,595！今次賣埋最後幾個航點，錯過長崎首賣優惠今次可以訂啦。其他低過一千嘅釜山同清邁都算唔錯嘅，有興趣一陣9點就上返官網訂飛喇！

講起斯里蘭卡，可能好多人都只係會諗起錫蘭紅茶！但其實斯里蘭卡都幾多野玩架，岩岩小編就搵到張平飛俾大家！19年10月13日前出發，坐馬印航空來回科倫坡只需$1,480 (連稅計$2,135)。斯里蘭卡係一個位於印度洋上的小島，被稱為印度洋上的珍珠。喺呢度你可以去大象孤兒院、獅子岩同埋出海睇鯨魚！黎到一定要坐下由科倫坡去加勒嘅夢幻海上火車，據說係千與千尋海上列車嘅原型呢！

嘩嘩嘩！真係好耐無南美平飛喇！仲要一出咁平連稅六千二有找添！19年10月31日前出發，來回巴西聖保羅只需$5,220 (連稅$6,161) 咋！平時飛轉南美至少都要七八千，今次六千二都唔使就搞得掂喇！出發日期仲要去到下年十月，仲可以停留六個月，岩晒grad trip嘅朋友去玩盡南美！

嘩嘩嘩！國泰超癲價嚟喇！今次有曼谷連稅千三咋！今輪同樣共有5個超值航點優惠，19年6月20日前出發 (出發日期視乎航點)，連稅計來回曼谷$1,345、沖繩$1,502、開普敦$4,395、都柏林$4,494、三藩市$4,931，真係超級抵啊！特別係曼谷，連稅千三真係史無前例咁平，仲要有3,000個機位，快閃飛去食個芒果糯米飯都正，沖繩亦係必搶之選！優惠今朝8點開賣！提提大家記住去國泰fanfare…

若果新年係外地一定特別思鄉病發作，今年喺加拿大嘅fans有機會返黎喇！19年5月31日前出發，乘坐加拿大航空溫哥華直航來回香港$1,994 (連稅$3,703)，以上價錢包咗2件23KG 行李同飛機餐！如果想係農曆新年回港團圓，可以係年三十出發，初七回程，都係加多約$65，價錢仍然吸引架！一於俾個驚喜屋企人回港慶豬年啦！

只要跟住大韓航空呢個優惠買機票，就可以同旅伴同步過韓冬啦！19年3月31日前出發，來回首爾$1,360 (連稅$2,097) 起！包23kg行李兼喺行程第一餐就食到具代表性嘅韓式拌飯，性價比幾高！何況宜家新増咗兩班航班，時間更加靚，去程喺凌晨2點，清晨抵達當地，回程則晚機9點幾機，完全夠時間行多轉明洞先返港！

新航突發推出雙12優惠，價錢仲平過國泰fanfares價，連稅千六有找就坐到星級航空！19年2月11日至4月5日出發，來回新加坡$1,020 (連稅$1,554)，價錢已包30KG 寄艙行李，講到服務確係新航高汁啲嘅！其他澳紐同三藩市都做優惠，不過價錢就唔多介紹啦。新加坡一向都老少咸宜，小編諗起啲美食好似辣椒蟹，肉骨茶、海南雞飯等已經流哂口水，一於一齊搶飛出發啦！