被航空界奧斯卡 Skytrax 選為2023年50大航空公司嘅馬來西亞航空 Malaysia Airlines，最近推出限時快閃優惠！經馬航官網或手機App預來回星馬及澳紐等地機票，連稅低至千8起！包飛機餐、7kg 手提行李同10kg 寄艙行李！6月30日前出發，仲有額外95折，來回連稅最平千7起！今次優惠經濟艙同商務都一樣有優惠！最近搵緊平機票飛返轉嘅你，記得搶飛喇！
呢排斐濟航空直航減到好盡，有平到不可思議價錢飛斐濟，直航來回連稅只需$2,786RMB (約$2,985 起)。機程講梗要成10個鐘，但係用飛日韓價錢已經飛到去，暫時見平飛只限10月出發，可以話走就走既fans可以考慮入手，但提提大家只包7kg手提行李！
新西蘭景色壯麗，可惜機票價錢唔平。如果唔怕煩，原來都有平飛去南半球！由即日起至6月中起，從台北出發，經廣州轉機去奧克蘭，來回連稅$3,115，價錢已包括2件23kg行李。由於來回經廣州轉機，去程可以買或者換張幾百蚊台北機票，回程可以係廣州落機，直接返香港。