香港航空優惠唔止得台北嘅！連來回曼谷連稅都係千四有找咋！7月4日前出發，輸入指定折扣碼後，來回曼谷只係$650 (連稅$1,371)，包埋20KG 行李同餐飲，航班時間都搵到早去晚返算唔錯啦！
雖然皇家約旦航空嘅優惠成日無限延續！但今次就推暑假出發，同平時優惠價一樣連稅唔使千三！出發日期由6月23日至7月30日，來回曼谷$630 (連稅$1,287)，票價已包23KG 行李同餐飲！雖然航班時間就要晚去下午返，但係暑假旺季都照殺啦！
泰航推出春季快閃優惠！6月30日前出發，使用折扣代碼後，來回曼谷$890 起 (連稅$1,590 起)！留意最平價錢係坐泰國微笑航空，同埋只包20KG 行李。不過以快閃價黎講都唔錯嘅！
講起度假天堂，除咗馬爾代夫同埋峇里島之外，近少少仲有個蘇梅島架！8至12月出發，坐新航來回蘇梅島只需$1,700 (連稅$2,265)！呢條航線得曼谷航空獨市經營，票價長期都企得好硬，直航最平最平都要三千鬆啲，其他航空都唔見得平！所以話呢，今次呢個價錢真係好抵啊！仲要係坐出晒名高質嘅新航添！
嘩～萬眾期待嘅國泰fanfares 激安大減Round 2黎喇！繼續有4個航點做減價，11月30日前出發 (視乎航點)，連稅計曼谷$1,390、首爾$1,695、福岡$2,901、洛杉磯$4,982。要數最吸引當然係曼谷同首爾線，價錢仲直逼今年最低價添！另外福岡同洛杉磯就比平常fanfares價再平啲。記得準時較鬧鐘起身，先有機會搶到曼谷/首爾暑假尾平飛架！
終於嚟到復活節長假，可以抖下喇！HK Express一陣9點會開賣個復活節優惠，不過價錢就……自己睇！20年3月20日前出發 (視乎航點)，來回台灣$328、東南亞$398、日本/韓國$598 起。連稅計台中$818、芽莊$886、曼谷/清萊/清邁$964、石垣島/鹿兒島$1,029！今次好多航點都加咗票價，真係唔係好買得落手！唯一嘅好消息就係熊本線終於都返嚟喇！
曼谷線呢排keep住有減，俾大家飛過去掃平貨！宜家皇家約旦航空又有優惠喇！7月4日前出發，來回曼谷$636 (連稅$1,291)。出發日期去到七月頭，票價已包23KG行李同餐飲！航班時間比較岩打工仔，可以放工即刻出發啊！
黎到星期一！HK Express一陣9點開賣初夏優惠，同上星期差唔多價仲貴幾蚊丫！20年3月16日前出發 (視乎航點)，來回台灣$276、東南亞$296、日本$396、韓國$536 起。連稅計石垣島$827、清萊$862、曼谷/清邁$922一千樓下都叫做可接受。至於其他加埋行李真係貴到喊！無咩事都係努力工作啦！
成日都見到阿聯酋、皇家約旦、埃塞俄比亞航空輪住減價！唯獨最後加入嘅埃及航空遲遲地無，好彩佢一減都比其他幾間平！5月28日前出發，來回曼谷$728 (連稅$1,368)！票價包23KG行李同餐飲，至於航班時間真係麻麻地！
阿聯酋優惠一賣再賣，小編都唔知已經賣到第幾次啦！仲未入手的話，宜家仲有機會！11月30日前出，來回曼谷只需$780 (連稅$1,461)！價錢還算好，不過小編都係覺得近期出發好入手！