現在歐洲機票競爭激烈，所以很多航空公司都開始改變規定，最平的優惠票價不提供或調低寄艙行李重量，尤其是歐洲國家的航空公司！小編整合大部份航空公司寄艙及手提行李限額資訊，訂飛時要留意呀！
呢排啲歐洲航空公司真係好鬼馬，不斷出唔包行李嘅輕裝飛歐洲平飛，考驗下大家嘅忍手功力！漢莎/瑞士航空跟隨法國航空/KLM劈價，20年2至4月出發，來回歐洲$ 1,430 起 (來回連稅計克拉科夫/華沙$2,578、尼斯$2,582、布達佩斯$2,588、布拉格$2,603、斯德哥爾摩$2,606)！呢個價錢真係好抵啊！不過如果想加行李嘅話，來回總共要加一千蚊，大家記得留意埋呢點啊！
岩岩先同大家講完英航有個激抵飛嘅冰島優惠，漢莎即刻就跟住減，仲要挑戰極限減到去連稅四千有交易添！11月至20年3月出發，漢莎航空來回冰島雷克雅維克只需$2,300 (連稅$4,016)！呢個價錢真係抵到不得了，比英航更加平！出發日期仲要長好多，係正極光旺季！嚟緊可以圓極光之夢喇！
之前同大家介紹過漢莎航空個慕尼黑直航癲價，原來飛冷門國家一樣有平！20年5月31日前出發，來回烏克蘭首都基輔只需$2,100 (連稅$3,612)！烏克蘭地理位置獨特，位於俄羅斯同埋其他歐洲國家中間，但一直出奇地低調，好值得大家好好探索下。飛烏克蘭好少有優惠架，今次平飛數量都算多，岩就記得唔好錯過喇！
呀～～～有無搞錯！係人都知漢莎直航德國價一向高企！宜家估唔到將直航慕尼黑減到連稅2千7，咁筍梗係即刻話俾大家知！限11月指定日子出發，漢莎航空直航來回慕尼黑只需$1,800 (連稅$2,757)。慕尼黑鄰近多個必去打卡點，好似新天鵝堡及國王湖等，想飛就要把握呢個激抵優惠喇！
為咗同維珍加英航鬥一鬥，瑞士/漢莎航空都唔執輸大減歐洲全線票價！限20年3月23日至4月30日、8月31日至9月30日出發，坐瑞士/漢莎航空轉機來回歐洲各大城市只需$2,110 起 (連稅計日內瓦$3,341、巴塞羅那$3,621、哥本哈根$3,646、布拉格$3,651、威尼斯$3,669、米蘭$3,675、巴黎$3,774、曼徹斯特$4,371、倫敦$4,438 等)！包咗23KG寄艙行李同餐…
漢莎/瑞士航空個優惠除咗飛英國平外，飛瑞士日內瓦都係連稅3千3咋！10月至20年5月出發，來回日內瓦$2,100 (連稅$3,326)！優惠票價已包23KG行李，而且航班時間都幾唔錯，計埋同直航唔係差好遠！瑞士出晒名風景靚到爆，而且仲有勁大個日內瓦湖呀！
漢莎航空間唔時都有歐洲筍飛彈出，今次仲趁英鎊跌推出英國平飛！來回連稅三千八有找添！10月至20年5月出發，漢莎/瑞士航空來回倫敦/曼徹斯特$1,450 起 (連稅計曼徹斯特$3,755，倫敦$3,832)！優惠包埋23KG寄艙行李，亦可以openjaw，價錢都係差唔多！英鎊宜家跌近兩年新低，快啲把握機會去濕平啦！
尋日漢莎航空一次過放咗好多歐洲平飛出嚟，小編搵到個幾抵玩嘅冷門優惠！10月至下年5月出發，漢莎航空來回薩格勒布$2,117(連稅$4,112)！薩格勒布係克羅地亞首都，喺舊城區可以去聖母升天大教堂朝聖！有時間就當然要去埋中部的十六湖國家公園睇湖光山色喇！
漢莎航空成日都有驚喜俾大家，今次係超抵價飛冰島！限六月出發，漢莎航空來回雷克雅未克$2,297 (連稅$4,243)！四千頭飛到去冰島真係平到不得了，平飛日子唔算多，想去呢個夢幻國度就即刻入手喇！
Newer Posts