現在歐洲機票競爭激烈,所以很多航空公司都開始改變規定,最平的優惠票價不提供或調低寄艙行李重量,尤其是歐洲國家的航空公司!小編整合大部份航空公司寄艙及手提行李限額資訊,訂飛時要留意呀!
瑞士航空
呢排啲歐洲航空公司真係好鬼馬,不斷出唔包行李嘅輕裝飛歐洲平飛,考驗下大家嘅忍手功力!漢莎/瑞士航空跟隨法國航空/KLM劈價,20年2至4月出發,來回歐洲$ 1,430 起 (來回連稅計克拉科夫/華沙$2,578、尼斯$2,582、布達佩斯$2,588、布拉格$2,603、斯德哥爾摩$2,606)!呢個價錢真係好抵啊!不過如果想加行李嘅話,來回總共要加一千蚊,大家記得留意埋呢點啊!
同漢莎同一集團嘅瑞航都推直航平飛!雖然價錢就無漢莎咁震撼,但好耐無見4千樓下平飛喇!2020年4月30日前出發,直航蘇黎世只需$3,370 (連稅$3,976)!票價包埋23KG 行李同餐飲,而且直航真係夠快夠方便一下到目的地!去到當然要坐下歐洲最高鐵道,勇闖歐洲高峰少女峰啦!
為咗同維珍加英航鬥一鬥,瑞士/漢莎航空都唔執輸大減歐洲全線票價!限20年3月23日至4月30日、8月31日至9月30日出發,坐瑞士/漢莎航空轉機來回歐洲各大城市只需$2,110 起 (連稅計日內瓦$3,341、巴塞羅那$3,621、哥本哈根$3,646、布拉格$3,651、威尼斯$3,669、米蘭$3,675、巴黎$3,774、曼徹斯特$4,371、倫敦$4,438 等)!包咗23KG寄艙行李同餐…
漢莎/瑞士航空個優惠除咗飛英國平外,飛瑞士日內瓦都係連稅3千3咋!10月至20年5月出發,來回日內瓦$2,100 (連稅$3,326)!優惠票價已包23KG行李,而且航班時間都幾唔錯,計埋同直航唔係差好遠!瑞士出晒名風景靚到爆,而且仲有勁大個日內瓦湖呀!
漢莎航空間唔時都有歐洲筍飛彈出,今次仲趁英鎊跌推出英國平飛!來回連稅三千八有找添!10月至20年5月出發,漢莎/瑞士航空來回倫敦/曼徹斯特$1,450 起 (連稅計曼徹斯特$3,755,倫敦$3,832)!優惠包埋23KG寄艙行李,亦可以openjaw,價錢都係差唔多!英鎊宜家跌近兩年新低,快啲把握機會去濕平啦!
瑞士航空靜咗一排,岩岩又出咗一堆歐洲平飛喇,特別係布拉格個價錢真係好吸引啊!10月至20年3月出發,來回布拉格只需$2,100 (連稅3,677)!連稅三千六就可以飛到去呢個靚到爆嘅童話王國喇!航班時間都有幾多選擇,想最快飛到去布拉格,或者中停蘇黎世玩下亦得!價錢已包23KG行李!
隔咗成3個月都無介紹過北非摩洛哥優惠!宜家連稅3千6平飛再臨喇!20年3月31日前出發,只要經漢莎官網預訂,乘坐瑞航+雪绒花航空來回摩洛哥馬拉喀什$2,100 (連稅3,627) 起,價錢包埋23 KG行李。一於約埋另一半去撒哈拉沙漠騎駱駝睇星星啦~
瑞士航空直航瑞士優惠竟然再延長,一於坐歐洲最高鐵道登上少女峰啦!2020年5月5日前出發,直航蘇黎世$3,700 (連稅$4,302)!雖然聖誕套飛就無哂,不過咁平又唔使轉機轉嚟轉去都抵番哂!票價包1件23KG 行李,一於飛去食埋個芝士火鍋加買大量瑞士朱古力啦!
多謝Fans報料,瑞士航空飛瑞士嘅超超超抵價賣到去下年四月喇!12月至20年4月出發,來回日內瓦$2,100 (連稅$2,885)咋!真係平到好誇張啊!優惠票價已包23KG行李,而且航班時間都幾唔錯,計埋同直航唔係差好遠!瑞士出晒名風景靚到爆,完全係世外桃源啊!