政府宣布第九輪檢疫將容許確診者留酒店檢疫，意味着10月31日之後回港還需入住檢疫酒店。另外，後日起新增香港東隅酒店。
不少人因為屋企裝修或者搬屋嘅緣故而選擇長租酒店。現時香港亦都有唔少酒店推出咗月租優惠，除咗設備齊全之外，價錢亦都非常可觀，仲會送贈餐飲、洗衫額、超市禮券、紅酒等！小編就整理咗13間月租酒店好推介，包括九龍東智選假日酒店、銅鑼灣智選假日酒店、宜必思香港中上環酒店、客舍酒店等！最平30晚低至$8,455 起，其他價錢都係一萬頭至一萬中左右，即睇以下月租平價酒店推介啦！
金域假日酒店 Holiday Inn Golden Mile Hong Kong 位於尖沙咀，房間面積普遍較大，部分房型浴室仲有浴缸，無野做浸下浴都得！酒店於7月31日前為官方指定隔離檢疫酒店，隔離住宿優惠單人入住7晚$7,954.5 起，14晚$15,909.1 起，包早、午、晚三餐！