Monday望到HK Express又係買去送回,心情真係blue到一個點!20年5月11日前出發 (視乎航點),來回台灣$328、東南亞$398、日本/韓國$598 起。連稅計台中$882、芽莊$950、峴港$997、曼谷/清萊/清邁$1,028、熊本/石垣島$1,093!連台中連稅都要$882,咁緊係買番傳統航空算!最多一陣9點開賣時睇下日子係咪合眼緣先啦~
釜山平機票
釜山航空一個月都有一次Early Bird優惠架啦,但好耐無試過賣單程$240,通常都要$290、$350呀!今次來回連稅後只需$1,152。佢地嘅航班時間絕對無得輸,勁靚凌晨機去晚機返,但就唔包行李囉!加行李約每程俾多$283蚊啦!
釜山航空慶祝香港線8週年推出新優惠,出發期差唔多有3個幾月咁多呀!5月16日至8月31日出發,包哂整個暑假檔期,二人同行香港單程飛釜山每人$290 起 (來回連稅$1,252)。航班時間當然勁靚凌晨機去晚機返,但無包行李就差少少。夏天必去海雲台玩水消下暑食下海鮮,6至7月出發就可以去太宗寺睇唔同顏面嘅繡球花呀!
釜山航空推出新優惠,終於唔使局限係某一個月出發啦!6月1日至7月31日出發,香港/澳門單程釜山$350 起 (來回連稅計香港$1,376、澳門MOP1,361) 起。航班時間依然係凌晨機去晚機返,爭在無包行李,不過暑假出發一向要捱貴飛架啦!
終於嚟到復活節長假,可以抖下喇!HK Express一陣9點會開賣個復活節優惠,不過價錢就……自己睇!20年3月20日前出發 (視乎航點),來回台灣$328、東南亞$398、日本/韓國$598 起。連稅計台中$818、芽莊$886、曼谷/清萊/清邁$964、石垣島/鹿兒島$1,029!今次好多航點都加咗票價,真係唔係好買得落手!唯一嘅好消息就係熊本線終於都返嚟喇!
黎到星期一!HK Express一陣9點開賣初夏優惠,同上星期差唔多價仲貴幾蚊丫!20年3月16日前出發 (視乎航點),來回台灣$276、東南亞$296、日本$396、韓國$536 起。連稅計石垣島$827、清萊$862、曼谷/清邁$922一千樓下都叫做可接受。至於其他加埋行李真係貴到喊!無咩事都係努力工作啦!
HK Express星期一又同大家見面啦!今次航點有加亦有減,20年2月17日前出發 (視乎航點),HK Express單程飛台中$118、東南亞$148、日本$228、韓國$238 起。連稅計台中$718、石垣島$879、曼谷$994、宮古島$991、長崎$1,039、東京羽田$1,249 等!今次尤其多日本航點減價,而且連稅都係減左少少,所以全部航點都抵入手呀,優惠陣間9點開賣。
釜山航空推出新優惠,終於唔使局限係某一個月出發啦!3至6月出發,單程飛釜山$280 (來回連稅$1,180) 起!小編見到平飛都仲有幾多,航班時間依然係凌晨機去晚機返,但唔包行李呢點,都幾令人打退堂鼓架!而小編搵到一套旅遊日子,好大機會睇到韓國櫻花架!
話咁快又係星期一喇!返工前望下啲機票醒醒神喇!20年2月10日前出發 (視乎航點),HK Express單程飛台中$138、東南亞$158、日本$218、韓國$258 起。連稅計台中$761、芽莊$811、石垣島$943、曼谷$988、宮古島$991 等!今次大部分優惠價都比之前貴咗少少,岩日子先好訂啊!優惠陣間9點開賣。
HK Express今日突然殺個優惠出黎!20年2月6日前出發 (視乎航點),HK Express單程飛台中$115、東南亞$135、日本$215、韓國$225 起。連稅計台中$715、芽莊$765、石垣島$877、鹿兒島$897、濟州$965、宮古島$985 等!優惠一陣4點開賣。