阿提哈德航空話咁快就15歲生日喇,今次仲推出咗個幾特別嘅優惠!19年1至6月出發,來回歐洲$2,540起咋 (連稅計日內瓦$4,203、馬德里$4,224、倫敦$4,288、蘇黎世$4,484、法蘭克福$4,625、巴黎$4,796)!睇完價錢個心係未離一離,4千蚊好似唔係好抵喎!
阿提哈德航空
又有歐遊筍飛喇!12月31日前出發,使用折扣代碼後,來回歐洲$3,040 起 (連稅布魯塞爾$3,562、阿姆斯特丹$3,991)!布魯塞爾連稅三千五的確唔錯,仲要包埋30KG行李,今次優惠仲可以open jaw!即係可以買布魯塞爾入,阿姆斯特丹出,掉返轉都得!咁就可以一次過遊盡比利時同埋荷蘭兩個國家喇!
非洲,好似好遙遠又好危險!今次等小編介紹一個非洲入門好去處俾大家喇!10至12月出發,使用折扣代碼後,來回摩洛哥卡薩布蘭加$3,330 (連稅$3,838)!連稅三千八咋!摩洛哥被稱為北非後花園,氣候相對溫和,治安都算唔錯!而且當地旅遊資源豐富,既可感受阿拉伯風情,又可以深入撒哈拉沙漠探險,亦可以去Chefchaouen影藍色小屋!小編查過系統,平飛唔算太多,聖誕出發都係加約$300,岩就快手喇!
巴塞隆拿真係一個去一次即會愛上嘅城市!除咗球隊,仲有高第 (Gaudí) 宏偉建築及展覽畢加索早期作品嘅博物館!最正係見到藍天白雲與大海,講下講下都好想去多幾次呀!12月31日前出發,使用折扣代碼後,來回巴塞隆拿$2,830 (連稅$3,288)!飛歐洲黎講真係好好好好好抵,仲要包30KG行李,小編強烈建議要托成隻西班牙火腿返黎慢慢食!不過今次優惠得巴塞隆拿有平,而且只限淡季日子出發咋!
白羅斯自蘇聯解體後成為獨立共和國,一直都鮮少旅客到訪!宜家小編搵到個優惠俾大家一探呢個神秘國度!12月31日前出發,阿提哈德航空來回明斯克$3,160 (連稅$3,754)咋!白羅斯首都明斯克在二戰時被炸毀,所以唔算太多景點!但小編覺得開係列寧像下的KFC真係好有特色!你亦可以參加一日團去世界遺產米爾城堡!古堡好完整全面咁記載了白羅斯歷史!係時候上返堂歷史課喇!
有無Fans暑假想去非洲探索下? 小編搵到個肯亞優惠俾大家!11月30日前出發,來回奈洛比$4,070 (連稅$4,754)!呢個優惠暑假都有平!每年嘅六至十月,係肯亞都可以觀賞到動物大遷徙!數以百萬計嘅野生動物展開跨國之旅,小編諗到都覺得好震撼!動物大遷徙被喻為一生人必須看一次的世界十大奇景之一!今年一於俾個機會自己去睇下喇!